Мәсәлләр 11:1—31
11 Јеһова әјри тәрәзидән икраһ едир,Амма дүзҝүн чәкидән разы галыр.+
2 Тәкәббүр ардынҹа шәрәфсизлик ҝәтирәр,+Һикмәт исә тәвазөкар инсанладыр.+
3 Дүз адама камиллији јол ҝөстәрәр,+Хәјанәткары фитнәси мәһв едәр.+
4 Гәзәб ҝүнүндә сәрвәтдән бир хејир дәјмәз,+Салеһлик исә өлүмдән хилас едәр.+
5 Камил инсанын салеһлији јолларыны дүз едәр,Шәр адамы исә пислији јыхар.+
6 Дүз адамы салеһлији гуртарар,+Амма хаини нәфси тора салар.+
7 Шәр адам өләр, үмиди јох олар,Ҝүҹүнә ҝүвәнҹи дә пуч олар.+
8 Салеһ бәладан гуртулар,Онун јеринә шәр адам бәлаја дүшәр.+
9 Аллаһсызын дили гоншусуну мәһв едәр,Салеһи исә елми хилас едәр.+
10 Салеһләрин паклығы бүтүн шәһәри шад едәр,Писләр өләндә дә севинҹ сәдалары уҹалар.+
11 Дүз адамларын бәрәкәти шәһәри уҹалдар,+Шәр адамларын дили исә ону виранә гојар.+
12 Ағылсыз нифрәтини ҝөстәрәр,Амма әсил бәсирәт саһиби дилини сахлајар.+
13 Бөһтанчы мәхфи сөһбәти јајар,+Етибарлы адам исә сирри сахлар.
14 Ағыллы мәсләһәт олмајан јердә халг јыхылар,Чохлу мәсләһәтчи олан јердә исә уғур ҝәләр.+
15 Јад үчүн ҝиров бојун оланын агибәти пис олар,+Тәләсик әл сыхыб разылыг вермәјәнин башы саламат олар.
16 Нәҹиб гадын шәрәф газанар,+Залым адам сәрвәтдән јапышар.
17 Хејирхаһ адам өзүнә хејир едир,+Гәддар исә өз башына бәла ачар.+
18 Шәр адамын газанҹы гәлпдир,+Салеһлик тохуму әкәнин исә мүкафаты һәгигидир.+
19 Салеһлик тәрәфиндә мөһкәм дуран һәјат јолундадыр,+Шәр далынҹа гачан өлүмә ҝедир.
20 Јеһова үрәји мәкрли адамдан икраһ едир,+Амма камиллик јолунда јеријәндән разы галыр.+
21 Архајын ол, пис адам ҹәзасыз галмаз,+Салеһин исә өвладлары ниҹат тапар.
22 Ағыл-камалы рәдд едән гадынын ҝөзәллијиДонузун бурнунда гызыл һалгаја бәнзәр.
23 Салеһин арзусу хејрә апарыр,+Шәр адамын үмиди гәзәб доғурур.
24 Әлиачыг адамын бәрәкәти артар,+Хәсислик едән јохсуллашар.+
25 Сәхавәтли боллуға јетишәр,+Су верәнә су вериләр.+
26 Тахылы ҝизләдәнә халг ләнәт едәр,Тахылы сатана исә алгыш охунар.
27 Јахшылыг етмәјә ҹан атан лүтф ахтарар,+Шәр ардынҹа дүшән шәрә үрҹаһ олар.+
28 Сәрвәтинә ҝүвәнән јыхылар,+Салеһ адам јашыл јарпагтәк олар.+
29 Аиләсини бәлаја саланын нәсиби пучлуг* олар,+Ахмаг адам ағыллыја гул олар.
30 Салеһин бары һәјат ағаҹыдыр,+Ҹанлар газанан һикмәтлидир.+
31 Әҝәр бу дүнјада салеһ еләдијинин әвәзини алырса,Онда ҝөр шәр адамы, ҝүнаһкары нә ҝөзләјир?+
Һашијәләр
^ Һәрфән: күләк.