Мәсәлләр 16:1—33
16 Үрәкдәки фикирләр инсандан,Верилән ҹаваб Јеһовадан олур.+
2 Инсанын бүтүн јоллары өз ҝөзүндә дүз ҝөрүнәр,+Амма Јеһова онун нијјәтләрини јохлар.+
3 Һәр ишини Јеһоваја тапшыр,+Онда нијјәтин баш тутар.
4 Јеһова һәр шеји Өз мәгсәди үчүн гуруб,Һәтта писләрин фәлакәт ҝүнүндә мәһв олмасыны да.+
5 Үрәји тәкәббүрлү адамдан Јеһова икраһ едир,+
Бил ки, о, ҹәзасыз галмаз.
6 Мәһәббәт вә сәдагәт ҝүнаһы јујар,+Јеһова хофу инсаны шәрдән сахлајар.+
7 Јеһова бәндәнин тутдуғу јолдан разы галарса,Һәтта дүшмәнини дә онунла барышдырар.+
8 Һалал јолла ҝәлән хырда ҝәлир+Һарам јолла ҝәлән бөјүк ҝәлирдән јахшыдыр.+
9 Инсан үрәјиндә өзү үчүн јол гурар,Амма аддымларыны Јеһова јөнәлдәр.+
10 Падшаһын дилиндән Аллаһын һөкмләри чыхмалыдыр,+О ҝәрәк һеч вахт һаггы тапдаламасын.+
11 Дүз тәрәзи илә чәки Јеһовадандыр,Торбадакы чәки дашлары Ондандыр.+
12 Шәр әмәлләр падшаһ үчүн ијрәнҹдир,+Чүнки тахт-таҹ һагла бәргәрар олар.+
13 Доғру сөһбәт падшаһлара хош олар,
Онлар дүз данышаны севәрләр.+
14 Падшаһын гәзәби өлүм гасидидир,+Амма ағыллы адам ону өзүндән өтүшдүрәр.+
15 Падшаһын үзүнүн нуру һәјатдыр,Лүтфү јағмурлу баһар булудудур.+
16 Һикмәт газанмаг гызылдан гат-гат јахшыдыр!+
Ҝүмүшдәнсә дәрракә газанмаг ваҹибдир.+
17 Дүз адамын јолу писликдән узагдыр,
Јолуна фикир верән ҹаныны горујар.+
18 Әҹәлдән габаг гүрур,Сүгутдан өнҹә тәкәббүр ҝәләр.+
19 Садә олуб һәлимләрлә отуруб-дурмагМәғрурларла гәнимәт бөлүшдүрмәкдән јахшыдыр.+
20 Мәсәләјә анлајышла јанашан уғур тапар,Јеһоваја ҝүвәнән нә бәхтијардыр!
21 Үрәји һикмәтли олан кәс ағыллы адланар,+Ширин дил инандырыҹы олар.+
22 Анлајыш өз саһиби үчүн һәјат чешмәсидир,Амма ахмағы өз ахмаглығы ҹәзаландырар.
23 Мүдрик адамын үрәји дилини ариф едәр,+Сөзләрини инандырыҹы едәр.
24 Хош сөзләр ары шаныдыр,Ҹана ширин, сүмүкләрә мәлһәмдир.+
25 Јол вар ки, адама дүз ҝөрүнүр,Амма ахыры өлүмдүр.+
26 Зәһмәткеш өзү үчүн зәһмәт чәкәр,Чүнки аҹлыг ону вадар едәр.+
27 Јарамаз адам гурдалајыб пис шеји үзә чыхарар,+Онун сөзләри алов кими гарсыдар.+
28 Аравуран нифаг салар,+Бөһтанчы јахын достлары ајырар.+
29 Гәддар адам гоншусуну товлајар,Ону әјри јола чәкәр,
30 Фитнә гуруб ҝөз вурар,
Пислик едиб гымышар.
31 Салеһлик јолунда ағаран сачларҜөзәллик таҹыдыр.+
32 Сәбрини басан+ ҝүҹлү адамдан јахшыдыр,Тәмкинли адам шәһәр аландан үстүндүр.+
33 Пүшк атылар,+Амма нәтиҹәси Јеһовадан олар.+
