Мәсәлләр 17:1—28
17 Сакит јердә бир тикә гуру чөрәк,+Дава-далашлы евдәки зијафәтдән јахшыдыр.+
2 Ағыллы нөкәр адбатыран оғулун ағасы олар,Гардашлар арасында мирас пајы алар.
3 Ҝүмүш үчүн күрә вар, гызыл үчүн соба,+Үрәкләри исә Јеһова арашдырар.+
4 Шәр адамын диггәти зијанкар дилләрдәдир,Јаланчы фитнәкар дилә гулаг асар.+
5 Јохсула лағ едән онун Јараданыны тәһгир едир,+Башгасынын мүсибәтинә севинән ҹәзасыз галмаз.+
6 Нәвәләр аһылларын таҹыдыр,Оғулларын да шәрәфи аталардыр.
7 Сарсаға ағыллы сөз јарашмаз,+
Әсилзадәјә исә јалан данышмаг һеч јарашмаз.+
8 Бәхшиш өз саһиби үчүн ҹаваһирдир,+Һара үз тутарса, иши аванд олар.+
9 Ҝүнаһы бағышлајан мәһәббәтә ҹан атыр,+Амма мәсәләни шиширдән әзиз достлары ајырыр.+
10 Ганана бир кәлмә бәсдир,+Амма ганмаза јүз көтәк дә кар етмәз.+
11 Пис адам анҹаг иғтишаш ахтарар,Ону ҹәзаландырмаға амансыз елчи ҝөндәриләҹәк.+
12 Балаларыны итирмиш ајыја раст ҝәлмәкСәрсәмләјән ахмаға раст ҝәлмәкдән јахшыдыр.+
13 Јахшылыға јаманлыгла ҹаваб верәнинЕвиндән пислик әскик олмаз.+
14 Даваны башламаг су бәндини ачмаға бәнзәр;Дава башламамыш орадан узаглаш.+
15 Шәрә бәраәт верән вә һаглыны мәһкум едән,+Һәр икиси Јеһовада икраһ јарадыр.
16 Сәфеһдә һикмәт газанмаг үчүн имкан олса да, нә фајда?Онун ки башында ағыл јохдур.+
17 Әсил дост һәр заман севәр,+О, дар ҝүн үчүн доғулмуш гардашдыр.+
18 Ағылсыз әл сыхыб разылашар,Гоншусунун јанында ҝиров бојун олар.+
19 Дава-далаш севән ҝүнаһы севәр,+
Гапысыны һүндүр едән әҹәлини чағырар.+
20 Әјри үрәкли хејир тапмаз,+Јалан данышанын еви јыхылар.
21 Ахмағын атасы дәрд чәкәр,Ағылсызын атасы шадлыг-севинҹ билмәз.+
22 Шад үрәк ҹана мәлһәмдир,+Сыныг гәлб ҹаны үзәр.+
23 Шәр адам әдаләти позмаг үчүнГолтуг алтындан рүшвәт ҝөтүрәр.+
24 Һикмәт бәсирәтли адамын өнүндә дурар,Амма сәфеһин ҝөзләри дүнјанын о тајында долашар.+
25 Ахмаг оғул атасына гәм-гүссә ҝәтирәр,Ону дүнјаја ҝәтирәни губарладар.+
26 Салеһ инсаны ҹәзаландырмаг јахшы дејил,Һөрмәтли адамы көтәкләмәк әдаләтә зиддир.
27 Чох билән аз данышар,+Ағыллы* адам тәмкинини позмаз.+
28 Һәтта сәфеһ сусанда ағыллы ҝөрүнәр,Ағзына гыфыл вуран да бәсирәтли.
Һашијәләр
^ Јахуд бәсирәтли.