Мәсәлләр 18:1—24
18 Тәнһалыға гапылан худбинлијинин далынҹа дүшүр,Һәр ҹүр һикмәти рәдд едир.
2 Ахмаг дәрракәни севмәз,Һеј үрәјини ачыб төкәр.+
3 Шәр адамла һәгарәт ҝәләр,Рәзаләтлә биабырчылыг.+
4 Инсанын дилиндән чыхан сөзләр дәрин сулардыр.+
Һикмәт чешмәси гајнајан булагдыр.
5 Бир пис адамын тәрәфини тутмаг,+Бир дә ки салеһин һаггыны тапдаламаг јахшы дејил.+
6 Ахмағын ағзы галмагал јарадар,+Дили көтәк чағырар.+
7 Ахмағы ағзы јыхар,+Өз дили өз ҹанына тәләдир.
8 Бөһтанчынын сөзләри дадлы тикәләрә бәнзәр,+Дүз мәдәнин дибинә дүшәр.+
9 Ишиндә сәһләнкар адамТаланчыја гардашдыр.+
10 Јеһованын ады мөһкәм галадыр.+
Салеһ ора гачыб горунар*.+
11 Варлынын дөвләти онунчүн истеһкамлы шәһәрдир,Онун хәјалында гала диварыдыр.+
12 Фәлакәтдән әввәл үрәк гүррәләнәр,+Амма садәлик шәрәф ҝәтирәр.+
13 Динләмәдән ҹаваб вермәкСәфеһлик вә рәзилликдир.+
14 Инсан нахошлајанда руһу она дајаг олар,+Амма руһ үзҝүндүрсә, буна ким дөзәр?+
15 Дәрракәли инсанын үрәји елм газанар,+Һикмәтлинин гулағы билик сораглар.
16 Бәхшиш инсана јол ачар,+Бөјүк адамларын һүзуруна гапы ачар.
17 Биринҹи иддиа галдыран һаглы ҝөрүнәр,+Та гаршы тәрәф ҝәлиб сорғу-суал едәнәдәк.+
18 Пүшк мүбаһисәјә сон гојар,+Инадлы рәгибләрин ишини јолуна гојар.
19 Инҹик гардашын көнлүнү алмаг истеһкамлы шәһәри алмагдан чәтиндир,+Елә чәкишмәләр вар ки, гала гапысынын рәзәси кимидир.+
20 Дилин бары гарны тох едәр;+Инсан додагларынын ҝәтирдији бәһрәни јејәр.
21 Өлүм вә һәјат дилин әлиндәдир,+Ону севәнләр бәһрәсини бичәр.+
22 Јахшы арвад тапан инҹи тапыб,+Јеһованын лүтфү онунладыр.+
23 Касыб јалвар-јахарла данышар,Амма варлынын ҹавабы сәрт олар.
24 Јолдашлар вар бир-бирини дидмәјә һазырдыр,+Амма дост вар, гардашдан јахындыр.+
Һашијәләр
^ Һәрфән: һүндүрдә олар. Јәни һеч кимин әли чатмаз.
