Мәсәлләр 20:1—30
20 Шәраб инсаны ҝүлүнҹ едәр,+ ички галмагал јарадар,+Онларын уҹбатындан јолуну азан ағылсыздыр.+
2 Падшаһын зәһми шир нәрәсинә бәнзәр,+Ону гәзәбләндирән ҹанына гәсд едир.+
3 Мүнагишәдән чәкинмәк башуҹалығыдыр,+Ахмаглар мүнагишәјә ҝиришәр.+
4 Тәнбәл гыш дүшдү дејә, шум шумламаз,Бичин заманы да һеч нә тапмајыб диләнәр*.+
5 Үрәјин дүшүнҹәләри дәрин сулара бәнзәр,Бәсирәтли адам онлары чәкиб чыхарар.
6 Чохлары јахшылыгдан дәм вурар,Анҹаг етибарлы инсаны ким тапа биләр?
7 Салеһ камилликлә өмүр сүрәр,+
Ондан сонра ҝәлән өвладлары да хошбәхт олар.+
8 Падшаһ диван тахтына отуранда+Ҝөзләри пислији хәлбирләјиб үзә чыхарар.+
9 Ким дејә биләр: «Үрәјими тәмизләмишәм,+Ҝүнаһымы јумушам»?+
10 Әјри тәрәзи вә һарам чәки.Һәр икиси Јеһовада икраһ јарадыр.+
11 Һәтта ушаг да әмәлләриндән таныныр,Отурушу-дурушу тәмизми, дүрүстмү бәлли олур.+
12 Ешидән гулаг, ҝөрән ҝөз.Һәр икисини Јеһова јарадыб.+
13 Јатаған олма, јохсуллашарсан,+
Ојаг гал, онда чөрәк тапарсан.+
14 Мүштәри «писдир, писдир» дејәр,Амма алыб ҝедәндән сонра өјүнәр.+
15 Гызыл гызылдыр, мәрҹанлар да өз јериндә,Амма ағылла данышан дил ҹаваһирдир.+
16 Јад үчүн замин дуранын либасыны ал,+Јаделли гадындан өтрү замин дурарса, ондан ҝиров ал.+
17 Фырылдагла газанылан чөрәк ширин ҝәләр,Амма сонра ағзы чынгылла долдурар.+
18 Мәсләһәтли иш уғурлу олар;+Даваны ағыллы мәсләһәтлә апар.+
19 Бөһтанчы сирләри ачыб јајар.+Гејбәтчиләрлә отуруб-дурма.
20 Ата-анасына ләнәт едәнинГаранлыг дүшәндә чырағы сөнәр.+
21 Тамаһла јијәләнмиш мирасынСонда хејир-бәрәкәти олмаз.+
22 Демә: «Пислијин һејфини чыхаҹағам»,+
Үмидини Јеһоваја бағла,+ О, сәни гуртарар.+
23 Јеһова һарам чәкидән икраһ едир,Әјри тәрәзи әсла јахшы дејил.
24 Инсанын аддымларыны јөнәлдән Јеһовадыр,+Инсан өз јолуну неҹә анлаја биләр?
25 Тез-тәләсик: «Мүгәддәсдир» дејиб,+
Сонрадан дедији нәзири фикирләшән өзүнү тәләјә салыр.+
26 Мүдрик падшаһ хәлбирләјиб шәр адамлары үзә чыхарар.+Онларын үстү илә вәл сүрдүрәр.+
27 Инсанын нәфәси Јеһованын чырағыдыр,Инсан варлығынын дәринликләрини арашдырыр.
28 Лүтф вә доғрулуг падшаһы һифз едәр,+Тахты лүтфкарлыгла бәргәрар олар.+
29 Ҹаванын шәрәфи онун ҝүҹүдүрсә,+Аһылын шаны ағ сачларыдыр.+
30 Ганчыр вә јара шәрдән тәмизләјәр,+Көтәк батини саф едәр.
Һашијәләр
^ Диҝәр вариант: Бичин вахты һеч нә тапмаз.