Мәсәлләр 28:1—28
28 Шәр адамы гован олмаса да гачар,Салеһ исә аслан кими архајындыр.+
2 Өлкәдә гијам оланда ҝүндә бир рәһбәр олар,+Амма бәсирәтли, ариф адамын сајәсиндә рәһбәрин һакимијјәти узун сүрәр.+
3 Мәзлумлара фырылдаг ҝәлән касыб+Бүтүн азугәни јујуб апаран лејсана бәнзәр.
4 Гануну сајмајанлар шәр адамы уҹалдар,Гануна әмәл едәнләрсә онлара гәзәбләнәр.+
5 Шәр адамлар әдаләт нәдир билмәз,Амма Јеһованы ахтаран кәсләр һәр шеји дәрк едәр.+
6 Камиллик јолу илә јеријән касыб инсанЈолу әјри варлыдан јахшыдыр.+
7 Дәрракәли оғул гануна әмәл едәр,Гарынгулулара јолдаш олан исә атасыны рүсвај едәр.+
8 Сәләмлә, мүамилә илә, сәрвәт јығанын+ варыКасыба сәхавәт ҝөстәрәнә галар.+
9 Ким ки гулағыны тыхајыб гануну ешитмирОнун дуасы да ијрәнҹдир.+
10 Дүз адамы пис јола чәкән газдығы гујуја өзү дүшәр,+Камилләрин исә нәсиби хејир олар.+
11 Варлы адам өз ҝөзүндә һикмәтли ҝөрүнәр,+Амма бәсирәтли касыб онун үрәјини охујар.+
12 Салеһләрин зәфәри алгышланар,Амма писләр һакимијјәтә ҝәләндә халг ҝизләнәр.+
13 Ҝүнаһларыны өрт-басдыр едән хејир тапмаз,+Ҝүнаһыны бојнуна алыб ондан әл чәкәнә рәһм едиләр.+
14 Һәмишә ҝөздә-гулагда олан кәс бәхтијардыр,Амма үрәјини инадкар едән бәдбәхтлијә дүчар олар.+
15 Мәзлум халгын үзәриндәки рәһмсиз һөкмдарНәрилдәјән аслана, гызышмыш ајыја бәнзәр.+
16 Бәсирәтсиз рәһбәр мәнсәбиндән суи-истифадә едәр,+Һарам газанҹа нифрәт едәнин өмрү узун олар.+
17 Гана баис олан гәбрәҹән гачар.+
Гој һеч ким она көмәк еләмәсин.
18 Камиллик јолу илә ҝедән гуртулар,+Амма әјри јолун јолчусу гәфил јыхылар.+
19 Торпағыны әкиб-беҹәрәнин чөрәји бол олар,Амма бош шејләрин далынҹа дүшән мүфлисләшәр.+
20 Садиг инсанын хејир-бәрәкәти олар.+Тез варланмаг истәјән тәмиз галмаз.+
21 Үзҝөрәнлик јахшы дејил.+Бир тикә чөрәкдән өтрү инсан хәта төрәдә биләр.
22 Пахыл* адамын вар-дөвләтдән өтрү үрәји ҝедир,Даһа билмир ки, јохсуллуг ону јахалајаҹаг.
23 Инсана сәһвини ҝөстәрән кәс+Јалтагланан адамдан чох лүтф тапар.+
24 Ата-анасыны сојуб: «Бу ҝүнаһ дејил», дејән+
Гарәтчиләрә јолдашдыр.+
25 Тамаһкар* ихтилаф јарадар,Амма Јеһоваја ҝүвәнәнин ҝүзәраны хош олар.+
26 Өз үрәјинә етибар едән ахмагдыр,+Һикмәтлә јеријән исә саламат галар.+
27 Јохсуллара әл тутан корлуг чәкмәз,+Амма ҝөзүнү онлардан гачыран ләнәт јијәси олар.
28 Писләр һакимијјәтә ҝәләндә халг ҝизләнәр,Амма онлар јох оланда салеһләр чохалар.+