Мәсәлләр 31:1—31
31 Ләмуил падшаһын сөзләри. Анасынын өјүд верәрәк она сөјләдији кәламлар.+
2 Нә сөјләјим сәнә, оғул?Еј бәтнимдән чыхан,Еј нәзир-нијазла тапдығым оғул!+
3 Ҝүҹүнү гадынлара вермә,+Падшаһлары јыхан јолла ҝетмә.+
4 Падшаһлара јарашмаз, еј Ләмуил,Шәраб ичмәк падшаһлара јарашмаз.«Һаны ички?» — демәк рәһбәрә лајиг дејил.+
5 Јохса ичиб фәрманы унударлар,Фағырын һаггыны тапдалајарлар.
6 Ичкини мәһв оланлара,+Шәрабы дәрди оланлара вер.+
7 Гој ичиб јохсуллугларыны унутсунлар,Бир дә дәрдләрини јада салмасынлар.
8 Дилсиз-ағызсызларын мүдафиәсинә галх,Мәһв оланларын һаггыны гору.+
9 Онларын мүдафиәсинә галх, әдаләтлә һөкм ет,Мәзлумларын, јохсулларын һаггыны гору.+
א [Алеф]
10 Јахшы арвады ким тапар?+
О, ләл-ҹәваһиратдан да гијмәтлидир.
ב [Бет]
11 Әринин үрәји ондан архајындыр.Корлуг нәдир, билмәз.
ג [Гимел]
12 О, өмрү бојуӘринин габағына шәр јох, хејир чыхарар.
ד [Далет]
13 Јун вә кәтан ахтарыб тапар,Һәр ишә һәвәслә әл атар.+
ה [Һе]
14 О, таҹир ҝәмиләри кимидир,+Узаглардан азугә ҝәтирәр.
ו [Вав]
15 Алагаранлыгда галхар,Аиләсинә јемәк һазырлар,Кәнизләринә дә јемәк пајлар.+
ז [Зајн]
16 Тарлаја бахыб сонра алар,Әлинин зәһмәти илә үзүмлүк салар.
ח [Хет]
17 Иш ҝөрмәјә һазырлашыр,+Голларына гүввәт верир.
ט [Тет]
18 Алыш-веришинин хејрини ҝөрәр,Ҝеҹәләр дә чырағы сөнмәз.
י [Јуд]
19 Әлләри ҹәһрә әјирәр,Мили овҹунда тутар.+
כ [Каф]
20 Мәзлумлар үчүн әли ачыгдыр,Касыба әл тутар.+
ל [Ламед]
21 Гар јағанда аиләсинә ҝөрә нараһат олмаз,Чүнки һамысынын исти палтары вар.
מ [Мем]
22 Чарпајысы үчүн өртүк тохујар,
Кәтандан, бәнөвшәји јундан либас ҝејинәр.
נ [Нун]
23 Әри ағсаггалларла отурар,+Шәһәр дарвазасында јахшы танынар.
ס [Самех]
24 Гадын кәтандан палтар дүзәлдиб сатар,Таҹирләрә гуршаглар верәр.
ע [Ајн]
25 Ҝүҹә, әзәмәтә бүрүнәр,Сабаһа ҝөрә үрәји архајын олар.
פ [Пе]
26 Ағзыны һикмәтлә ачар,+Хејирхаһлыг гануну дилиндәдир.
צ [Тсаде]
27 Евиндәки ишләрә нәзарәт едәр,Мүфтә чөрәк јемәз.+
ק [Коф]
28 Өвладлары галхыб ону алгышлар,Әри дә ону тәрифләр:
ר [Рејш]
29 Јахшы гадынлар чохдур,Амма сәнин тајын-бәрабәрин јохдур.
ש [Шин]
30 Мәлаһәт алдадыҹыдыр, ҝөзәллик кечиб ҝедәндир,+Јеһовадан горхан гадына исә алгыш охунар.+
ת [Тав]
31 Она зәһмәтинин мүкафатыны верин,+Гој әмәји шәһәр дарвазасында ону уҹалтсын.+
