Мәсәлләр 4:1—27
4 Балаларым, ата тәрбијәсинә гулаг асын,+Дәрракәли олмаг үчүн диггәтли олун.
2 Сизә ҝөзәл нәсиһәт верәрәм,Тәлим-тәрбијәми гулагардына вурмајын.+
3 Мән атама әсил оғул олмушам,+Анамын ҹијәрпарәси олмушам.+
4 Атам нәсиһәт едәрди: «Сөзләрими үрәјиндә бәрк-бәрк сахла,+
Һөкмләрими тут ки, өмрүн узун олсун.+
5 Һикмәт газан, дәрракә газан.+
Сөзләрими унутма, онлардан кәнара чыхма.
6 Һикмәти атма, о, сәни горујар.
Ону сев, о, сәни һифз едәр.
7 Ән әсасы һикмәтдир,+ һикмәт газан.Нә газанырсан газан, амма дәрракә газанмағы унутма.+
8 Һикмәти уҹа тут, о да сәни уҹалдар.+
Ондан јапышсан, сәни шәрәфә чатдырар.+
9 Башына ҝөзәл чәләнҝ гојар,Сәни зинәт таҹы илә бәзәјәр».
10 Гулаг ас, оғлум, сөзләрими ешит,Онда өмрүн узун олар.+
11 Сәни һикмәт јолу илә апарарам,+Доғрулуг јолларында ҝәздирәрәм.+
12 Ҝедәркән јолунда манеә олмаз,Јүјүрәндә бүдрәмәзсән.
13 Тәрбијәни мөһкәм тут, ону әлдән вермә,+
Гору, чүнки о, сәнин һәјатындыр.+
14 Шәр адамларын јолуна ајаг басма,Бәдәмәлләрин јолу илә ҝетмә.+
15 О јола јахын ҝетмә, чәкил,+Јолуну дәјиш, ондан јан кеч.+
16 Онлар пислик етмәсәләр, ҝөзләринә јуху ҝетмәз,
Кимисә јыхмасалар, јухулары гачар.
17 Онлар јаманлыг чөрәји јејир,Зоракылыг шәрабы ичирләр.
18 Салеһләринсә јолу сүбһ шәфәги кимидир,Ҝүн ҝүнорта јеринә галхдыгҹа даһа да ишыгланыр.+
19 Шәр адамларын јолу зүлмәтдир.Билмирләр нәдән бүдрәјирләр.
20 Оғлум, сөзләримә диггәтли ол,Дедикләримә гулаг вер.
21 Ҝөзүнү онлардан чәкмә,Онлары гәлбинин дәринликләриндә сахла.+
22 Чүнки онлары тапан һәјат тапыр,+Ҹансағлығы тапыр.
23 Һәр шејдән чох үрәјини гору,+Чүнки һәјат булаглары ондан чыхыр.
24 Сахта сөзләрдән узаг дур,+Фитнәкар сөзләри өзүндән кәнар елә.
25 Ҝөзләрин дүз габаға бахсын,Нәзәрин ирәли зилләнсин.+
26 Јолуну һамар ет*,+Бүтүн јолларын динҹ олар.
27 Саға, сола дөнмә,+
Ајағыны писликдән чәк.
Һашијәләр
^ Диҝәр вариант: аддымларыны өлчүб-бич.
