Мәсәлләр 5:1—23
5 Оғлум, һикмәтимә диггәт јетир.
Бәсирәтимә гулаг вер,+
2 О заман ағлыны горујарсан.Гој дилиндән билик әскик олмасын.+
3 Позғун гадынын дилиндән, санки, бал төкүлүр,+Дили јағдан да јумшагдыр.+
4 Фәгәт о, аҹы јовшандыр,+Икиағызлы гылынҹтәк јаралар.+
5 Ајаглары өлүмә апарыр,
Аддымлары дүз Мәзара* ҝедир.
6 Һәјат јолу нәдир, фикирләшмәз.
Јоллары долашыгдыр, һара ҝетдијини билмәз.
7 Оғлум, гулаг ас,Сөзүмдән чыхма.
8 Белә гадындан узаг ҝәз,Евинин гапысына јахын ҝетмә ки,+
9 Ләјагәтин тапдаланмасын,+Өмрүн бада ҝетмәсин.+
10 Варыны јадлар таламасын,+Зәһмәтлә топладығын өзҝәнин евинә ҝетмәсин.
11 Јохса өмрүн сона чатанда,Ҹанын тагәтдән дүшәндә аһ-налә чәкәрәк+
12 Белә дејәрсән: «Һејиф, тәрбијәјә хор бахдым!
Үрәјимдә өјүд-нәсиһәтә һәгарәт етдим!
13 Устадларыма гулаг асмадым,Мүәллимләримин сөзүнә бахмадым.
14 Елин ҝөзү ҝөрә-ҝөрәУчурума јуварландым».+
15 Өз һовузундан,Өз чешмәндән ахан сују ич.+
16 Нијә булагларын кәнара,Архларын шәһәр мејданларына ахсын?+
17 Гој онлар анҹаг сәнинки олсун,Јадларла пајлашма.+
18 Гој чешмән бәрәкәтли олсун,Ҹаванлығында алдығын арвадындан кам ал.+
19 Гој севимли маралын, ҝөзәл ҹејранын*+
Һәмишә сәни дөшләри илә мәст етсин.
Јалныз онун ешгинин әсири ол.+
20 Оғлум, нә үчүн позғун гадынын әсири оласан,Әхлагсыз гадынын гојнуна ҝирәсән?+
21 Инсанын јоллары Јеһованын ҝөзү өнүндәдир,Онун һәр аддымыны јохлар.+
22 Шәр инсан өз сәһви илә тәләјә дүшәр,Өз ҝүнаһынын кәмәндинә дүшәр.+
23 Тәрбијәни рәдд етдији үчүн һәлак олар,Һәдсиз сәфеһлијинә ҝөрә јолуну азар.
