Мәсәлләр 8:1—36
8 Мәҝәр һикмәт чағырмыр?
Мәҝәр бәсирәт һајгырмыр?+
2 Һүндүр јерләрдә,+ јолларын кәнарында,Јолајрыҹыларында дурур.
3 Шәһәр дарвазалары јанында,Гапы ҝиришләриндәУҹадан сәсләнир:+
4 «Еј инсанлар, сизинләјәм,Еј бәшәр өвладлары, сизә хитаб едирәм.
5 Сиз, еј ҹаһилләр, узагҝөрән олун,+Еј сәфеһләр, мүдрик үрәк газанын.
6 Динләјин, мүһүм шејләри нәгл едирәм,Ағзымдан доғру сөзләр чыхыр.
7 Дилим һәгигәти пәсдән сөјләр,Додагларым шәрдән икраһ ејләр.
8 Ағзымдан чыхан сөзләр доғрудур,
Әјри, сахта сөзләр данышмарам.
9 Сөзләрим арифә ајдындыр,Елм саһибләри үчүн һәгигәтдир.
10 Ҝүмүшү јох, тәрбијәми сечин,Саф гызылданса елми гәбул един.+
11 Һикмәт мәрҹандан үстүндүр,Үрәјин арзуладығы һеч бир шеј она тај ола билмәз.
12 Мән һикмәтәм, узагҝөрәнлик мәндә мәскән салыб,Елм дә, дүшүнҹә дә мәндәдир.+
13 Јеһовадан горхмаг шәрә нифрәт етмәкдир.+
Тәкәббүрә, гүрура,+ шәр ишә, һијләҝәр дилә нифрәт едирәм.+
14 Јахшы мәсләһәт, тәдбир мәндәдир,+Дәрракә+, гүдрәт саһиби+ мәнәм.
15 Һөкмдарлар мәним сајәмдә һөкмранлыг едир,Әјанлар әдаләтли фәрманлар верир.+
16 Башчыларын һакимијјәт дирәји мәнәм,Әсилзадәләр сајәмдә адил һөкмләр чыхарыр.
17 Мәни севәнләри севирәм.Ахтаранлар мәни мүтләг тапаҹаг.+
18 Сәрвәт вә шәрәф,Түкәнмәз хәзинә вә салеһлик мәнимләдир.
19 Мәним барым гызылдан, халис гызылдан үстүндүр,Бәһрәм әла ҝүмүшдән јахшыдыр.+
20 Салеһлик јолунда јеријирәм,Һагг-әдаләт ризләринин ортасында ҝедирәм.
21 Мәни севәнләрә зәнҝин мирас верирәм,Онларын анбарларыны долдурурам.
22 Јеһова мәни хәлг етди. Онун јарадыҹылыг јолунун әзәли мәнәм,+Гәдим әсәрләринин илки мәнәм.+
23 Та бинеји-гәдимдән, лап әзәлдән,Дүнја јаранмаздан габаг јерими тутмушам.+
24 Мән пејда оланда һәлә әнҝин сулар јох иди,+Чағлајан булаглар мөвҹуд дејилди.
25 Дағлар уҹалмаздан,Тәпәләр вар олмаздан әввәл мән тәвәллүд тапмышам.
26 О һәлә јери, онун дүзләрини,Јерин илкин даш-кәсәјини јаратмамышды.
27 О, ҝөјләри һазырлајанда+ мән орада идим.Үфүгү суларын үзәринә чәкәндә,+
28 Булудлары јухарыда јерләшдирәндә,Дәринликләрин гајнагларыны бина едәндә,
29 Сулары әмриндән чыхмасын дејә дәнизә фәрман верәндә,+Јерин тәмәлләрини гојандаМән вар идим.
30 Онун јанында уста кими чалышырдым,+
Һәр ҝүн көнлүнү шад едирдим,+Һүзурунда һәр заман севинирдим.+
31 Онун хәлг етдији аләмә ҝөрә фәрәһләнирдим,Бәшәр өвладлары көнлүмүн севинҹи иди.
32 Оғулларым, инди мәни динләјин.Мәним јолларымла ҝедән бәхтијардыр!
33 Тәрбијәјә гулаг асын,+ ағыллы олун.Ону һеч вахт гулагардына вурмајын.
34 Хошбәхт о кәсдир ки, мәнә гулаг асыр,Һәр ҝүн сүбһдән гапыма ҝәлир,Кандарымда ҝөзләјир.
35 Чүнки мәни тапан һәјат тапар,+Јеһова ондан разы галар.
36 Мәни саја салмајан өзүнә пислик едир,Мәнә нифрәт едән өлүмү севир».+
