Мәсәлләр 9:1—18
9 Һәгиги һикмәт евини тикиб,Једди сүтунуну јонуб.
2 Һејванларыны кәсиб,Шәрабына әдва гатыб,Сүфрәсини ачыб.
3 Кәнизләрини ҝөндәриб.Шәһәрин һүндүр јерләриндә ҹар чәкирләр:+
4 «Ҹаһилләр бура ҝәлсин».
О, ағылсыза белә дејир:
5 «Ҝәлин чөрәјимдән јејин,Түнд шәрабымдан ичин.
6 Ҹәһаләти атын вә јашајын,+Дәрракә јолу илә јеријин».+
7 Ришхәндчијә өјүд-нәсиһәт верән һөрмәтдән дүшәр,+Шәр адамы данлајан јараланар.
8 Ришхәндчини мәзәммәт етмә, јохса сәндән зәһләси ҝедәр,+
Ағыллы адамы мәзәммәт ет, сәни севәр.+
9 Ағыллы адама өјүд-нәсиһәт версән, һикмәти артар.+
Салеһә билик версән, елми чохалар.
10 Јеһовадан горхмагдыр һикмәтин башы,+Мүгәддәс Аллаһын елми+ дәрракә верир.
11 Чүнки мәним сајәмдә өмрүн узанар,+Илләринин үстүнә илләр ҝәләр.
12 Һикмәтли олсан, хејир тапарсан,Ришхәндчилик етсән, зәрәрини өзүн чәкәрсән.
13 Ахмаг гадын һај-күј салар.+
О, ҹаһилдир, һеч нә ганмыр.
14 О, шәһәрин һүндүр јериндә,Евинин гапысында кәтил гојуб отурур.+
15 Јолдан кечәнләри чағырыр,Өз јолу илә ҝедәнләри һајлајыр:
16 «Ҹаһилләр бура ҝәлсин».
Ағылсызлара дејир:+
17 «Оғурлуг су ширин олар,Ҝизли јејилән чөрәјин башга ләззәти вар».+
18 Амма онларын хәбәри јохдур ки, өлүмүн дустаглары орададыр.Онун гонаглары Мәзарын* дәринликләриндәдир.+
