Нәғмәләр нәғмәси 1:1—17
1 Сүлејманын гошдуғу нәғмәләр нәғмәси.+
2 «Гој ләбләрин мәни өпсүн,Чүн нәвазишләрин шәрабдан шириндир.+
3 Әтиринин гохусу нә хошдур,+
Адын баша төкүлән әтирли јағ кимидир.+
Буна ҝөрә гызлар сәнә ашигдир.
4 Мәни өзүнлә апар, ҝәл гачаг.
Падшаһ мәни ичәри отагларына ҝәтириб!
Ҝәл бирҝә севиниб-шадланаг,
Нәвазишләрини шәрабдан чох вәсф едәк.
Ахы гызлар сәнә ашиг олмасын, нејләсин!
5 Еј Јерусәлим гызлары, гара олсам да, гәшәнҝәм,Гәдар+ чадырлары кими, Сүлејманын чадырларынын+ гумашы кими.
6 Бахмајын рәнҝим белә гарадыр,Мәни ҝүнәш гаралдыб бахышларыјла.
Анамын оғуллары мәнә һирсләнмишдиләр,Мәни үзүм бағларына ҝөз олмаға ҝөндәрмишдиләр,Мәнсә һеч өз бағыма ҝөз ола билмәдим.
7 Еј истәкли јарым,Сөјлә, сүрүнү һарада отарырсан,+Ҝүнорталар һараларда јатырырсан?
Сөјлә ки, јаслы гадынлартәк јашмаг вурубЈолдашларынын сүрүләри арасында ҝәзмәјим».
8 «Еј ҝөзәлләр ҝөзәли, билмирсәнсә,Сүрүнүн изи илә ҝет.Чәпишләрини чобанларын чадырлары јанында отар».
9 «Еј севҝилим, сән фиронун арабаларына гошулмуш мадјана+ бәнзәјирсән.
10 Јанагларын бәзәкләр* арасында,Ҝәрдәнин бојунбағы ичиндә нә ҝөзәлдир.
11 Сәнә ҝүмүшлә бәзәнмишГызыл һәлгәләр дүзәлдәрик».
12 «Падшаһ сүфрә архасында отураркәнӘтиримин+ гохусу јајылыр.
13 Мәһбубум ҝеҹәләр гојнумдакыӘтирли мүрр+ кисәси кимидир.
14 Мәһбубум мәним үчүнЕјн-Ҝеди+ үзүмлүкләриндә бир дәстә хынаҝүлү+ кимидир».
15 «Аһ дилбәрим, ҝөзәлсән!
Ҝөзәлсән, ҝөјәрчин ҝөзлүсән!»+
16 «Еј мәһбубум, нә ҝөзәлсән, нә гәдәр ширинсән!+
Јатағымыз јашыл чәмәндир.
17 Евимизин дирәкләри сидрләр,Тирләри ардыҹ ағаҹларыдыр.
Һашијәләр
^ Диҝәр вариант: һөрүкләр.
