Нәғмәләр нәғмәси 2:1—17
2 «Мән саһилбоју дүзләрдә битән ади зәфәран ҝүлүјәм,Дәрәләрин занбағыјам».+
2 «Гызлар ичиндә севҝилимТиканлар ичиндә занбаға бәнзәр».
3 «Оғланлар арасында мәһбубумМешә ағаҹлары арасындакы алма ағаҹына бәнзәр.
Көлҝәсиндә отурмаг мәнә һәзз верир,Мејвәси дамағымда шириндир.
4 О, мәни зијафәт евинә* ҝәтирди,Мәһәббәти үзәримдә бајраг олду.
5 Мән ешг хәстәсијәм,Кишмишли көкә верин гүввәтләним,+Алма верин ҹана ҝәлим.
6 Сол әли башымын алтындадыр,Сағ әли мәни гуҹаглајыр.+
7 Еј Јерусәлим гызлары, сизи анд верирәмҸејранлара,+ чөлләрдәки мараллара,
Гәлбимдә мәһәббәт ајылтмајын, ојатмајын, өзү ојанмајынҹа.+
8 Бу, мәһбубумун үнүдүр!
Будур өзү, дағлары аша-аша,Тәпәләри атыла-дүшә ҝәлир.
9 Мәһбубум ҹејрана, ҹаван марала бәнзәр.+
Будур, диварын архасында дуруб,Пәнҹәрәдән бојланыр,Шәбәкәдән ичәри бахыр.
10 Мәһбубум дилләниб деди:
“Севҝилим, дур,Ҝөзәлим, ҝәл чыхаг ҝедәк.
11 Бах, гыш өтдү,
Јағышлар кәсилди, гуртарды.
12 Јурдумуз чичәк ачды,+Будама вахты јетишди,+Гумруларын тәранәси ешидилир.+
13 Әнҹир ағаҹы јеләнҹири+ ҝәтириб,Үзүм чичәкләјиб әтир сачыр.
Севҝилим, дур ҝедәк,
Ҝөзәлим, ҝәл ҝедәк.
14 Ај јалчын гајаларда,Гаја ојугларында ҝизләнән ҝөјәрчиним.+Гој ҝөрүм ҹамалыны, динләјим сәсини,+Сәсин мәлаһәтли, гамәтин ҝөзәлдир”».+
15 «Түлкүләри тутун, о бала түлкүләри,Үзүм бағымызы корлајырлар,Мејнәләр чичәкләјиб».
16 «Мәһбубум мәнимдир, мән дә онун.+
О, сүрүсүнү занбаглар+ ичиндә отарыр.+
17 Ахшам сәрини дүшмәмиш, көлҝәләр итмәмиш гајыт,Јубанма, еј мәһбубум;Ҹејран кими,+ ҹаван марал+ кими ајрылыг дағларыны* ашыб ҝәл.
