Сајлар 23:1—30
23 Бәләм Балага деди: «Мәним үчүн бу јердә једди гурбанҝаһ дүзәлт+ вә једди буға илә једди гоч һазырла».
2 Балаг ҹәлд Бәләмин тапшырығыны јеринә јетирди. Сонра Балагла Бәләм һәр гурбанҝаһда бир буға вә бир гоч гурбан ҝәтирди.+
3 Бәләм Балага деди: «Сән јандырма гурбанынын јанында дур, мән исә ҝедирәм. Ҝөрүм, бәлкә, Јеһова мәнә ҝөрүндү. Мәнә нә десә, ҝәлиб сәнә сөјләјәҹәјәм». Беләликлә, о, чылпаг бир тәпәјә галхды.
4 Аллаһ Бәләмә ҝөрүнәндә+ Бәләм Она деди: «Ҹәрҝә илә једди гурбанҝаһ дүзәлдиб һәр биринин үстүндә бир буға вә бир гоч гурбан ҝәтирмишәм».
5 Јеһова Бәләмин дилинә сөјләмәли олдуғу сөзләри гојуб деди:+ «Балагын јанына гајыт, она бу сөзләри де».
6 О гајыдыб ҝөрдү ки, Балаг вә бүтүн Муаб ағсаггаллары јандырма гурбанынын јанында дурублар.
7 Онда о, белә бир гошма сөјләди:+
«Муаб падшаһы Балаг мәни Арамдан,+Шәрг дағларындан ҝәтиздирди:
“Дурма ҝәл, Јагуба нифрин јағдыр.
Һајды, ҝәл Исраилә гарғыш елә”.+
8 Аллаһын ләнәтләмәдијинә неҹә нифрин јағдырым?
Јеһованын мәһкум етмәдијинә неҹә гарғыш еләјим?+
9 Гајалар башындан онлары ҝөрүрәм,Тәпәләрдән онлара бахырам.
Елләрә гарышмајан,+Тәкбашына јашајан халг.+
10 Јагуб гум дәнәләри гәдәр чохдур,+ ону ким саја биләр?Һеч олмаса, дөрддә бирини.
Гој салеһ бәндә кими өлүм,Ахырым онларынкы кими олсун».
11 Буну ешидән Балаг Бәләмә деди: «Бу нә ишдир башыма ачырсан? Сәни ҝәтирмишәм, дүшмәнләрими ләнәтләјәсән, сән исә о ки вар хејир-дуа верирсән».+
12 Бәләм ҹаваб верди: «Мәҝәр мән Јеһованын дилимә гојдуғу сөзләри демәли дејиләм?»+
13 Балаг исә деди: «Јахшы, ҝәл сәни башга јерә апарым. Орадан онларын һамысыны јох, јалныз бир гисмини ҝөрәҹәксән. О јердән онлары ләнәтлә».+
14 Беләҹә, Балаг ону Физгәнин тәпәсиндә+ олан Суфим јајласына ҝәтирди, једди гурбанҝаһ дүзәлдиб һәр биринин үстүндә бир буға вә бир гоч гурбан ҝәтирди.+
15 Бәләм Балага деди: «Сән бурада јандырма гурбанынын јанында гал, мән ҝедим Онунла данышым».
16 Јеһова Бәләмлә данышды, сөјләмәли олдуғу сөзләри дилинә гојуб деди:+ «Балагын јанына гајыт, она бу сөзләри де».
17 Бәләм Балагын јанына гајыдыб ҝөрдү ки, о, Муаб ағсаггаллары илә бирликдә јандырма гурбанынын јанында дуруб ҝөзләјир. Балаг Бәләмдән сорушду: «Јеһова нә деди?»
18 О исә бу гошманы сөјләди:+
«Галх, еј Балаг, динлә.
Ешит сөзләрими, еј Сәфур оғлу.
19 Аллаһ инсан дејил ки, јалан данышсын,+Бәни-адәм дејил ки, фикрини дәјишсин*.+
Дедијини етмәзми?
Ағзындан чыхан сөзү јеринә јетирмәзми?+
20 Мән хејир-дуа вермәкчүн ҝәтирилмишәм,Хејир-дуаны О вериб,+ мән нәкарәјәм буну дәјишим.+
21 О гојмаз ки, Јагуба овсун охунсун,Исраилә бәла үз версин.
Аллаһы Јеһова онунладыр,+О, араларында уҹадан алгышланан Падшаһдыр.
22 Аллаһ онлары Мисирдән чыхарды.+
О, онлар үчүн чөл өкүзүнүн бујнузлары кимидир.+
23 Јагубун сүгутуна әламәт јохдур,+Исраилин пислијинә фал ачылмајыб.+
Инди Јагубла Исраил барәсиндә дејәҹәкләр:
“Ҝөр бир Аллаһ нәләр едир!”
24 Бу халг шир кими галхыр,Аслан кими пәнҹәси үстдә дурур.+
Өз шикарыны јемәјинҹә,Өлдүрүләнләрин ганыны ичмәјинҹә раһатлашан дејил».
25 Буну ешидән Балаг Бәләмә деди: «Әҝәр онлары ләнәтләјә билмирсәнсә, һеч олмаса хејир-дуа да вермә».
26 Бәләм Балага деди: «Мән сәнә демәмишдим, Јеһова нә десә, ону да едәҹәјәм?»+
27 Онда Балаг Бәләмдән хаһиш етди: «Ҝәл сәни башга јерә апарым. Бәлкә, орадан халга ләнәт охумағын Аллаһа мәгбул олду».+
28 Балаг буну дејиб Бәләми үзү Јешимона*+ бахан Фаурун башына апарды.
29 Бәләм Балага деди: «Мәним үчүн бу јердә једди гурбанҝаһ дүзәлт вә једди буға илә једди гоч һазырла».+
30 Балаг Бәләмин тапшырығыны јеринә јетирди вә һәр гурбанҝаһда бир буға вә бир гоч гурбан ҝәтирди.
