Һизгијал 24:1—27
24 Доггузунҹу илин онунҹу ајынын онунҹу ҝүнүндә мәнә Јеһованын сөзү назил олду:
2 «Еј бәни-адәм, бу ҝүнү, бу тарихи гејд ет. Мәһз бу ҝүн Бабил падшаһы Јерусәлимә һүҹума башлајыб.+
3 Бу үсјанкар иҹмаја аид бу мәсәли чәкиб де:
“Күлли-Ихтијар Јеһова дејир:
“Газаны асын, оҹағын үстүнә гојуб ичинә су төкүн.+
4 Әт тикәләрини,+ ән јахшы тикәләри,Буду, күрәји ичинә атын. Газаны ири сүмүкләрлә долдурун.
5 Сүрүдән ән јахшы гојуну сечин.+ Газанын алтына чохлу одун јығын.
Тикәләри гајнадын, сүмүкләри биширин”».
6 «Күлли-Ихтијар Јеһова белә дејир:
“Вај сәнин һалына, еј ганлар шәһәри,+ еј пас атмыш, пасы тәмизләнмәмиш газан!
Ичиндән тикәләри пүшк атмадан, бир-бир чыхарын!+
7 Төкдүјү ганлар онун ичиндәдир.+
Онлары чылпаг гајалара ахытды, јерә төкүб үстүнү торпагла өртмәди.+
8 Интигам јанғысыны аловландырмаг үчүнГурбанларынын ганыны чылпаг гајаја төкдүм ки,Үстү өртүлмәсин”.+
9 Күлли-Ихтијар Јеһова дејир:
“Вај сәнин һалына, ганлар шәһәри!+
Одун галағыны бөјүдәҹәјәм.
10 Јығын, јығын одунлары, оҹағы галајын,Әти јахшы-јахшы биширин, сујуну сүзүн, гој сүмүкләр јаныб көмүрә дөнсүн.
11 Бош газаны көзүн үстүнә гојуб гыздырын ки,Миси гыпгырмызы гызарсын, чиркабы чыхсын,+
Пасы тәмизләнсин.
12 Јаман зәһләтөкән, јоруҹу ишдир.Елә пас атыб ки, тәмизләнмәк билмир.+
Елә паслы-паслы атын ода!”
13 “Сән позғунлуг едиб өзүнү мурдарламышдын.+ Мән чалышдым сәни тәмизләјим, амма сән тәмиз олмадын. Јалныз сәндән һејфими чыхандан сонра тәмиз олаҹагсан.+
14 Буну Мән Јеһова сәнә дејирәм. Бу, мүтләг олаҹаг. Ваз кечмәјәҹәјәм, рәһм етмәјәҹәјәм, пешман олмајаҹағам.+ Сәни әмәлләринин вә һәрәкәтләринин әсасында мүһакимә едәҹәкләр”, — Күлли-Ихтијар Јеһова бәјан едир».
15 Мәнә јенә Јеһованын сөзү назил олду:
16 «Бәни-адәм, бир зәрбә илә сәнин ән әзиз адамыны әлиндән алаҹағам.+ Амма сән нә јас сахла, нә ағла, нә ҝөз јашы төк.
17 Үрәјиндә ағла, анҹаг өлән үчүн јас тутма.+ Чалманы башына сары,+ чарығыны ајағына ҝејин.+ Ағзыны* өртмә,+ ҹамаатын ҝәтирдији јемәкдән јемә».+
18 Сәһәр халгла данышдым, ахшам арвадым өлдү. Мәнә неҹә дејилмишдисә, ертәси ҝүнүн сәһәри елә дә етдим.
19 Ҹамаат мәнә дејирди: «Сөјлә, бунларла бизә нә демәк истәјирсән?»
20 Мән дә онлара дедим ки, мәнә Јеһовадан бу сөзләр назил олуб:
21 «Исраил әһлинә сөјлә ки, Күлли-Ихтијар Јеһова белә дејир: “Фәхр етдијиниз, әзиз тутдуғунуз, үрәјинизин арзусу олан мүгәддәс мәканымы мурдарлајаҹағам.+ Јерусәлимдә гојдуғунуз оғул-гызларыныз гылынҹдан кечириләҹәк.+
22 Онда сиз дә мәним еләдијими едәҹәксиниз. Ағзынызы өртмәјәҹәксиниз, сизә ҝәтирилән јемәји јемәјәҹәксиниз.+
23 Чалманыз башынызда, чарығыныз ајағынызда олаҹаг. Нә јас сахлајаҹаг, нә дә ағлајаҹагсыныз. Әксинә, ҝүнаһларыныз сизи чүрүдәҹәк,+ бир-биринизә бахыб аһ-зар едәҹәксиниз.
24 Һизгијал сизин үчүн әламәтдир.+ О нә едибсә, сиз дә елә едәҹәксиниз. Бүтүн бунлар баш верәндә биләҹәксиниз ки, Мән Күлли-Ихтијар Јеһовајам”».
25 «Еј бәни-адәм, ҝөзәллијинә ҝөрә фәрәһләндикләри галаны, ҝөз бәбәкләрини, үрәкләринин арзусуну оғул-гызлары гарышыг әлләриндән алдығым ҝүн,+
26 ҹаныны гуртаран бир нәфәр сәнә бу барәдә хәбәр ҝәтирәҹәк.+
27 О ҝүн дилин ачылаҹаг, даһа сусмајаҹагсан, сағ галан бу адамла данышаҹагсан.+ Сән онлар үчүн әламәт олаҹагсан. Онда биләҹәкләр ки, Мән Јеһовајам».
Һашијәләр
^ Јахуд бығыны.
