Һизгијал 30:1—26
30 Мәнә јенә Јеһованын сөзү назил олду:
2 «Бәни-адәм, пејғәмбәрлик едиб де ки, Күлли-Ихтијар Јеһованын сөзү будур:
“Һарај чәкиб: “Ај аман, о ҝүн ҝәлир!” — дејин.
3 Һәмин ҝүн јахындыр. Бәли, Јеһованын ҝүнү јахындыр.+
О ҝүн ҝөјүн үзүнү гара булудлар алаҹаг.+ О ҝүн халгларын мүһакимә ҝүнүдүр.+
4 Мисирин үстүнә гылынҹ ҝәләҹәк.Мисирдә ҹамаат гырыланда, онун сәрвәти талананда, тәмәлләри сарсыланда Һәбәши ваһимә бүрүјәҹәк.+
5 Һәбәш+, Пут+, Луд, диҝәр халглардан олан бүтүн о адамлар,Куб, әһд дијарынын оғуллары*Гылынҹдан кечириләҹәк”.
6 Јеһова белә дејир:
“Мисирә арха дуранлар да мәһв олаҹаглар.Онун гүррәләндији ҝүҹ-гүввәтдән әсәр-әламәт галмајаҹаг”.+
“Мигдолдан+ Асванадәк+ ҹамаат өлкәдә ҹөвлан едән гылынҹа гурбан ҝедәҹәк, — Күлли-Ихтијар Јеһова бәјан едир. —
7 Оралар харабазар јерләрин ән дәһшәтлиси олаҹаг, шәһәрләри виран галмыш бүтүн шәһәрләрдән ән бетәри олаҹаг.+
8 Мән Мисирә од вуранда, онун мүттәфигләри мәһв оланда биләҹәкләр ки, Мән Јеһовајам.
9 Һәмин ҝүн өзүндәнразы Һәбәши ләрзәјә салмаг үчүн ҝәми илә гасидләр ҝөндәрәҹәјәм. Мисирин фәлакәтли ҝүнүндә онлары ваһимә бүрүјәҹәк. Бәли, о ҝүн мүтләг ҝәләҹәк”.
10 Күлли-Ихтијар Јеһова белә дејир: “Мисир халгыны Бабил һөкмдары Навуходоносорун әли илә јох едәҹәјәм.+
11 Онунла гошунлары, халгларын ән гәддары+ ҝәлиб өлкәни тар-мар едәҹәк. Онлар гылынҹларыны гынындан сијириб Мисири мејитләрлә долдураҹаглар.+
12 Мән Нилин+ архларыны гупгуру гурудаҹағам, өлкәни залымлара сатаҹағам. Јаделлиләрин әли илә өлкәни вә онун ичиндә олан һәр шеји кор ҝүнә гојаҹағам.+ Буну Мән Јеһова дејирәм”.
13 Күлли-Ихтијар Јеһованын сөзү будур: “Ијрәнҹ бүтләри мәһв едәҹәјәм, Нофун*+ пуч аллаһларыны јох едәҹәјәм. Артыг Мисирдән рәһбәр чыхмајаҹаг. Мән Мисири горху ичиндә јашадаҹағам.+
14 Патросу+ хараба гојаҹағам, Суанын күлүнү ҝөјә совураҹағам, Нону*+ ҹәзаландыраҹағам.
15 Мисирин истеһкамы олан Тиһин үзәринә гәзәбими јағдыраҹағам, Но әһалисини гырыб-чатаҹағам.
16 Мисири одлајыб јандыраҹағам, Тиһи дәһшәт бүрүјәҹәк, Но зәбт олунаҹаг, Ноф ҝүнүн ҝүнорта чағы һәмләләрлә үзләшәҹәк.
17 Онла* Фибсәтин ҹаһыллары гылынҹа гурбан ҝедәҹәк, шәһәрләрин әһалиси әсир апарылаҹаг.
18 Тәфнисдә Мисирин бојундуруғуну гыранда ҝүндүз зүлмәтә дөнәҹәк.+ Гүррәләндији ҝүҹү түкәнәҹәк,+ башынын үстүнү булудлар алаҹаг, шәһәрләринин әһалиси сүрҝүнә апарылаҹаг.+
19 Мисирә чыхардығым һөкмү иҹра едәҹәјәм. Онда биләҹәкләр ки, Мән Јеһовајам”».
20 Он биринҹи илин биринҹи ајынын једдинҹи ҝүнүндә мәнә Јеһованын сөзү назил олду:
21 «Бәни-адәм, Мән Мисир һөкмдары фиронун голуну сындырдым. Онун голуну бағлајан олмајаҹаг ки, сағалсын, сарғы гојулмајаҹаг ки, ҝүҹләниб гылынҹ ҝөтүрсүн».
22 «Одур ки, Күлли-Ихтијар Јеһова белә дејир: “Мән Мисир һөкмдары фирона гаршыјам.+ Онун голларыны, сағлам голуну да, сыныг голуну да гыраҹағам.+ Гылынҹыны әлиндән салаҹағам.+
23 Сонра мисирлиләри халгларын арасына сәпәләјәҹәјәм, пәрән-пәрән едиб өлкәләрә јајаҹағам.+
24 Бабил падшаһынын+ голуну гүввәтләндирәҹәјәм, гылынҹымы онун әлинә верәҹәјәм.+ Фиронунса голуну сындыраҹағам. О, өлүм ајағында олан адам кими онун* габағында аҹы-аҹы инилдәјәҹәк.
25 Бабил падшаһынын голуна гүввәт верәҹәјәм, фиронунса әлләри шикәст олаҹаг. Гылынҹымы Бабил падшаһынын әлинә верәндә, о да бу гылынҹы Мисирә гаршы сијирәндә биләҹәкләр ки, Мән Јеһовајам.+
26 Мисирлиләри халгларын арасына сәпәләјәҹәјәм, пәрән-пәрән едиб өлкәләрә јајаҹағам.+ Онда биләҹәкләр ки, Мән Јеһовајам”».
Һашијәләр
^ Еһтимал ки, Мисирлә иттифаг бағлајан исраиллиләр нәзәрдә тутулур.
^ Мемфис шәһәринин ибрани ады.
^ Фива.
^ Һелиополис.
^ Јәни Бабил падшаһынын.