Һәбгуг 2:1—20
2 Кешик чәкдијим јердә дураҹағам,+Сәддин үстүндә јерими тутаҹағам.
Дуруб бахаҹағам, ҝөрүм О, мәним дилимлә нә дејәҹәк,Мәни тәнбеһ едәндә нә ҹаваб верим.
2 Јеһова мәнә белә деди:
«Бу вәһји јаз, лөвһәләр үзәриндә ајдын һәкк ет ки,+Охујан раһат охуја билсин.+
3 Чүнки вахты чатанда бу вәһј ҝерчәкләшәҹәк,О, иҹрасына тәләсир, јалан чыхмајаҹаг.
Ҝеҹикән кими ҝөрүнсә белә, ону ҝөзлә,+
Чүнки мүтләг ҝерчәкләшәҹәк.
Ҝеҹикмәјәҹәк!
4 Мәғрура бах,Онун гәлби надүрүстдүр.
Салеһ исә сәдагәти* сајәсиндә јашајаҹаг.+
5 Шәраб намәрд олдуғунданГүрурлу адам мәгсәдинә јетмәјәҹәк.
О, Мәзар* кими аҹҝөздүр,Өлүм кими дојмаг билмир.
О, бүтүн халглары топлајыр,Бүтүн үммәтләри јанына јығыр.+
6 Амма онларын һамысы она мәсәлләр гошаҹаг, ејһамла, атмаҹајла данышаҹаг.+
Дејәҹәкләр:
“Вај о кәсин һалына ки, өзҝә малыны мәнимсәјиб јығыр,О, анҹаг борҹуну чохалдыр!Нә вахтадәк?
7 Елә билирсән, борҹлу галдығын кәсләр гәфил үстүнә галхмајаҹаг?
Онлар ојаныб сәни мөһкәм силкәләјәҹәкләр,Сән онлар үчүн гәнимәт олаҹагсан.+
8 Сән чох халглары сојдуғун үчүнГалан халглар да сәни сојаҹаг.+Чүнки ган төкдүн,Торпаға,Шәһәрләрә вә сакинләринә зүлм етдин.+
9 Вај о кәсин һалына ки, фәлакәтдән гуртулмаг үчүн,Јувасыны јүксәк јердә гурмаг үчүнЕвинә һарам газанҹ ҝәтирир!
10 Сән гәсд гуруб өз евини рүсвај етдин,
Чох халгларын көкүнү кәсмәклә өзүнү ҝүнаһа батырдын.+
11 Дивар дашы налә чәкәҹәк,Ағаҹ тир она һај верәҹәк.
12 Вај о кәсин һалына ки, шәһәри ган үстүндә тикир,Кәндин бүнөврәсини һагсызлыг үстүндә гојур!
13 Халглар од-аловдан өтрү зәһмәт чәкәҹәк, үммәтләр өзләрини бош-бошуна јораҹаг.+Бу, ордулар Аллаһы Јеһовадан олаҹаг.
14 Сулар дәнизи долдурдуғу кими,+Дүнја башдан-баша Јеһованын әзәмәти барәдә биликлә долаҹаг.
15 Вај о кәсин һалына ки,Јолдашларынын ејиб јеринә бахмаг үчүн онлары ичирдиб сәрхош едир,Гәзәб вә һиддәтини дә буна гатыр.
16 Сән шәрәф әвәзинә рүсвајчылыгла долаҹагсан.
Өзүн дә ич, сүннәтсиз олдуғуну ач ҝөстәр*.
Јеһованын сағ әлиндәки ҹам ҝәлиб сәнә дә чатаҹаг,+Рәзаләтин шөһрәтини үстәләјәҹәк.
17 Ливана етдијин зүлм,Һејванлары дәһшәтә салан гырғын сәнин өз башына ҝәләҹәк,Чүнки ган төкдүн,Торпаға,Шәһәрләрә вә сакинләринә зүлм етдин.+
18 Инсан әлинин дүзәлтдији ојма бүтүн,Төкмә бүтүн,
Јалан өјрәдән мүәллимин нә хејри?Бу фајдасыз аллаһлары дүзәлдән онлара неҹә ҝүвәнә биләр?Онлар ки дилсиз-ағызсыздыр.+
19 Вај о кәсин һалына ки, одун парчасына: “Ојан!”
Дилсиз даша: “Ојан! Бизә јол ҝөстәр!” — дејир!
Онлар чөлдән гызыл-ҝүмүшлә өртүлүб,+Лакин ичләриндә нәфәс јохдур.+
20 Јеһова исә мүгәддәс мәбәдиндәдир.+
Еј дүнја, Онун өнүндә сүкут ет!”»+
