Һәвариләрин ишләри 2:1—47
2 Әллинҹи ҝүн* бајрамында+ онларын һамысы бир јерә топлашмышды.
2 Гәфләтән ҝөјдән шиддәтли күләјин сәсинә охшар бир сәс ҝәлди вә отурдуглары еви долдурду.+
3 Онлар аловун дилләринә бәнзәр бир шеј ҝөрдүләр. Бу дилләр бир-бириндән ајрылыб һәр биринин үзәринә гонду.
4 Онларын һамысы мүгәддәс руһла долду+ вә мүхтәлиф дилләрдә данышмаға башладылар. Бу габилијјәти онлара руһ верди.+
5 О вахт Јерусәлимдә дүнјанын һәр өлкәсиндән ҝәлмиш мөмин јәһудиләр вар иди.+
6 Бу сәсә чохлу адам топлашды. Онлар бу ишә мәәттәл галмышдылар, чүнки шаҝирдләр онларын доғма дилләриндә данышырды.
7 Онлар бөјүк һејрәт ичиндә бир-биринә дејирдиләр: «Бура бахын, мәҝәр бу данышанлар ҹәлиләли+ дејилләр?
8 Бәс неҹә олур ки, һәр биримиз өз ана дилимизи ешидирик?
9 Парфијалылар, мадалылар+, еламлылар+, Месопотамија*, Јәһудијјә, Каппадокија, Понт вә Асија+ әјаләтинин*,
10 Фриҝија, Памфилија, Мисир вә Ливијанын Киренаја јахын олан бөлҝәләринин сакинләри, һәмчинин Ромадан ҝәлмиш јәһудиләр вә прозелитләр*,+
11 критлиләр вә әрәбләр — һамымыз онларын өз доғма дилимиздә Аллаһын әзәмәтли ишләри һаггында данышдығыны ешидирик».
12 Бәли, онларын һамысы һејрәт вә чашгынлыг ичиндә бир-бириндән сорушурдулар: «Бу нәдир белә?»
13 Диҝәрләри исә истеһза илә дејирдиләр: «Әши, бунлар ширин чахыр ичибләр».
14 Бутрус исә он бир+ һәвари илә бирҝә ајаға галхыб уҹадан деди: «Еј Јәһудијјә вә Јерусәлим сакинләри! Сөзүмү динләјин. Буну билин ки,
15 бу адамлар, сизин дүшүндүјүнүз кими, һеч дә сәрхош дејилләр, чүнки инди һарадаса сәһәр саат доггуздур*.
16 Әксинә, Јуил пејғәмбәрин дедикләри јеринә јетир:
17 “Аллаһ дејир: “Ахырзаманда һәр ҹүр инсанын үзәринә руһуму төкәҹәјәм, сизин оғулларыныз да, гызларыныз да пејғәмбәрлик едәҹәк, ҝәнҹләриниз вәһјләр алаҹаг, гоҹаларыныз рөјалар ҝөрәҹәкләр.+
18 Һәтта гулларымын вә гарабашларымын да үзәринә һәмин ҝүнләрдә руһуму төкәҹәјәм вә онлар пејғәмбәрлик едәҹәкләр.+
19 Мән јухарыда, ҝөјдә вә ашағыда, јердә мөҹүзәләр* ҝөстәрәҹәјәм: ган, од вә түстү бурумлары олаҹаг.
20 Јеһованын шанлы вә мөһтәшәм ҝүнү ҝәлмәздән әввәл ҝүнәш зүлмәтә, ај гана гәрг олаҹаг.
21 Јеһованын адыны чағыран һәр кәс гуртулаҹаг”.+
22 Еј Исраил оғуллары! Мәни динләјин. Билдијиниз кими, Аллаһ нәсрани Исаны сизә ачыг-ашкар танытды: онун васитәсилә гаршынызда гүдрәтли ишләр, әламәтләр, мөҹүзәләр етди.+
23 Аллаһ онун һәбс едиләҹәјини габагҹадан билиб гәрарлашдырмышды.+ Сиз һәмин адамы ганун билмәјән адамларын әли илә дирәјә мыхлајыб өлдүрдүнүз.+
24 Лакин Аллаһ ону өлүм әзабындан* хилас едиб дирилтди,+ чүнки ола билмәзди ки, о, өлүмүн дустағы олараг галсын.+
25 Давуд онун һаггында белә дејир: “Јеһованы даим ҝөзүмүн өнүндә сахлајырам, сағымда дуруб, әсла сарсылмарам.
26 Буна ҝөрә үрәјим севинди вә дилим шадланды. Мән үмидлә јашајаҹағам,
27 чүнки Сән мәни Мәзарда* гојмазсан, гојмазсан вәфалы бәндән чүрүсүн.+
28 Мәнә һәјат јолуну өјрәтдин, һүзурунда үрәјим фәрәһлә долаҹаг”.+
29 Гардашлар, улу бабамыз Давуд һаггында гәтијјәтлә дејә биләрик ки, о өлүб вә дәфн едилиб,+ гәбри дә бу ҝүнәдәк бурададыр.
30 О, пејғәмбәр иди. О билирди ки, Аллаһ онун өвладларындан бирини онун тахтына отурдаҹағына анд ичиб.+
31 О, Мәсиһин дириләҹәјини, Мәзарда* галмајаҹағыны вә бәдәнинин чүрүмәјәҹәјини габагҹадан билиб хәбәр вермишди.+
32 Бу Исаны Аллаһ дирилтди вә бизим һамымыз бунун шаһидијик.+
33 Беләликлә, о, Аллаһын сағына уҹалдылды,+ Атасынын вәд етдији мүгәддәс руһу алды,+ ҝөрдүјүнүз вә ешитдијиниз кими, бу руһу үзәримизә төкдү.
34 Давуд исә ҝөјә галхмајыб, о, белә дејир: “Јеһова Ағама деди:
35 “Дүшмәнләрини кәтил кими ајағынын алтына гојанадәк сағымда отур”.+
36 Буна ҝөрә дә, гој бүтүн Исраил еви буну јахшы билсин ки, дирәкдә едам етдијиниз Исаны+ Аллаһ һәм Аға,+ һәм дә Мәсиһ етмишдир».
37 Бу сөзләри ешидәндә онларын үрәјини, санки, хәнҹәр јарды. Онлар Бутрусдан вә диҝәр һәвариләрдән сорушдулар: «Гардашлар, биз нә едәк?»
38 Бутрус онлара деди: «Төвбә един+ вә гој һәр кәс ҝүнаһларынын бағышланмасы үчүн+ Иса Мәсиһин ады илә вәфтиз олунсун,+ онда мүгәддәс руһ әнамыны алаҹагсыныз.
39 Чүнки бу вәд+ һәм сизә, һәм өвладларыныза, һәм дә бүтүн узагда оланлара, Аллаһымыз Јеһованын сечәҹәји һәр кәсә аиддир».+
40 Бутрус бир чох башга сөзләрлә дә әтрафлы шәһадәт вериб онлары тәшвиг етди: «Өзүнүзү јолуну азмыш бу нәсилдән хилас един».+
41 Бу сөзләри үрәкдән гәбул едәнләр вәфтиз олундулар+ вә о ҝүн үч минә јахын адам онлара гошулду.+
42 Онлар һәвариләрдән һәвәслә тәлим алыр, бирликдә вахт кечирир*, јемәк јејир+ вә дуа едирдиләр.+
43 Һәвариләрин васитәсилә чохлу мөҹүзәләр вә әламәтләр ҝөстәрилирди.+ Һәр кәсин үрәји Аллаһа еһтирамла долурду.
44 Имана ҝәләнләрин һамысы бир јердә олурду вә һәр шејләри үмуми иди.
45 Онлар әмлакларыны сатыб+ пулу араларында һәр кәсин еһтијаҹына ҝөрә бөлүшдүрүрдүләр+
46 вә һәр ҝүн бирликдә мәбәддә јығышыр, бөјүк севинҹлә вә тәмиз үрәклә бир-биринин евиндә јемәк јејирдиләр,
47 Аллаһы мәдһ едир вә бүтүн халгын рәғбәтини газанырдылар. Јеһова да һәр ҝүн хилас оланлары онларын сыраларына гошурду.+
Һашијәләр
^ Јун. пентекост. Бу бајрам нисанын 16-дан һесабланараг әллинҹи ҝүндә гејд едилирди.
^ Икичајарасы.
^ Инҹилдә Асија әјаләти ифадәси алтында Асија гитәси јох, Рома империјасынын бир әјаләти нәзәрдә тутулур. Һәмин әрази һал–һазырда Түркијәдә јерләшир.
^ Јәни јәһуди динини гәбул етмиш адамлар.
^ Һәрфән: үчүнҹү саатдыр.
^ Јахуд әламәтләр.
^ Диҝәр вариант: өлүм ипләриндән.
^ Јахуд һәр шејләрини бир-бири илә бөлүшүр.
