Әрәмја 22:1—30
22 Јеһова белә дејир: «Јәһуда падшаһынын сарајына ҝет вә бу хәбәри она чатдыр.
2 Она де: “Еј Давудун тахтында отуран Јәһуда падшаһы! Сән дә, бу дарвазалардан ҝирән әјанларын да, халгын да Јеһованын сөзүнү динләјин.
3 Јеһова белә дејир: “Һагг-әдаләтлә, салеһликлә давранын. Гәсб олунаны сојғунчунун әлиндән гуртарын. Гәрибә һагсызлыг етмәјин, јетимә, дула хәләл јетирмәјин.+ Бу јердә ҝүнаһсыз ган төкмәјин.+
4 Әҝәр бу әмрә ҹидд-ҹәһдлә әмәл етсәниз, онда Давудун тахтында отуран+ падшаһлар арабаларда, ат белиндә бу евин дарвазаларындан ичәри ҝирәҹәк, падшаһлар да, әјанлар да, халг да”.+
5 Јеһова бәјан едир: “Јох әҝәр сиз бу сөзләрә табе олмасаныз, варлығыма анд олсун, бу ев хараба галаҹаг”.+
6 Јеһова Јәһуда падшаһынын еви барәдә белә дејир:“Сән Мәним үчүн Ҝилад кимисән,Ливандакы дағын зирвәсинә бәнзәјирсән.
Амма сәни сәһралыға чевирәҹәјәм,Бүтүн шәһәрләрин сакинсиз галаҹаг.+
7 Сәнә гаршы басгынчылар галдыраҹағам,Һамысынын әлиндә силаһ олаҹаг.+
Онлар сәнин ән ҝөзәл сидрләрини кәсәҹәк,Онлары ода атаҹаг.+
8 Чохлу халглар бу шәһәрин јанындан кечәҹәк, бир-бириндән сорушаҹаглар: “Нә үчүн Јеһова бу бөјүк шәһәрин башына бунлары ҝәтирди?”+
9 Сонра ҹаваб верәҹәкләр: “Чүнки Аллаһлары Јеһованын әһдини поздулар, башга аллаһлара сәҹдә гылыб гуллуг етдиләр”.+
10 Өлү үчүн ағламајын,Онун үчүн јас тутмајын.
Сүрҝүнә ҝедән үчүн аҹы-аҹы ағлајын,Чүнки о, бир дә ҝери гајытмајаҹаг, доғулдуғу јери ҝөрмәјәҹәк.
11 Чүнки атасынын јеринә тахта отуран+ вә бу јердән ҝедән Јәһуда падшаһы Јушијјә оғлу Сәллум*+ барәдә Јеһова белә дејир: “О, бир даһа ҝери гајытмајаҹаг.
12 Әсир апарылдығы өлкәдә өләҹәк, бир дә бу дијары ҝөрмәјәҹәк”.+
13 Вај о адамын һалына ки,Евини һагсызлыгла, јухары отагларыны әдаләтсизликлә тикир,Сојдашыны мүфтә ишләдир,Она һаггыны вермир.+
14 “Өзүм үчүн имарәт тикәҹәјәм,Јухары отаглары ҝениш олаҹаг,
Пәнҹәрәләр гојаҹағам,Еви сидрлә өртәҹәјәм, үстүнү гырмызы рәнҝлә рәнҝләјәҹәјәм”, — дејир.
15 Һамыдан чох сидр ағаҹлары ишләдирсән дејә, бундан сонра да сәлтәнәт сүрәҹәксән?
Атан да јејирди, ичирди,Амма һагг-әдаләтлә давранырды,+Ишләри дә јахшы ҝедирди.
16 О, мәзлумун, касыбын һаггыны мүдафиә едирди,Буна ҝөрә ишләри уғурлу олурду.
“Мәҝәр Мәни танымаг бу дејил?” — бәјан едир Јеһова.
17 “Амма сәнин үрәјин, ҝөзүн һарам газанҹда,Ҝүнаһсыз ган төкмәкдә,Сојғунчулугда, гәсбкарлыгдадыр”.
18 Јеһова Јәһуда падшаһы Јушијјә оғлу Јәһјаким+ барәдә белә дејир:“Ону “вај гардашым, вај баҹым”,
Дејиб ағламајаҹаглар.
“Вај һөкмдар, вај әлаһәзрәт”,
Дејиб јас тутмајаҹаглар.
19 Ону сүрүјүбЈерусәлим дарвазаларындан кәнара атаҹаглар,+Ешшәк кими басдыраҹаглар”.+
20 Еј Јәһуда, Ливана галхыб аһ-налә ет,Башанда налә чәк,Абаримдән фәрјад гопар.+Чүнки ашигләрин мәһв олду.+
21 Әмин-аманлыгда оланда сәнинлә данышдым.
Амма дедин: “Итаәт етмәјәҹәјәм”.+
Сән ҝәнҹлијиндән беләсән,Мәнә гулаг асмырсан.+
22 Јел чобанларыны габағына гатыб апараҹаг,+Ашигләрин әсир ҝедәҹәк.
Башына ҝәлән фәлакәтә ҝөрә хәҹаләт чәкәҹәксән, рәзил олаҹагсан.
23 Еј Ливанда мәскән салан,+Сидр ағаҹлары арасында јува гуран,+Һамилә гадынтәк сәни санҹы тутанда,Доғуш ағрысы чәкәндә аһ-зар едәҹәксән.+
24 Јеһова бәјан едир: “Еј Јәһуда падшаһы Јәһјаким+ оғлу Күнјаһ*+, варлығыма анд олсун ки, сән Мәним сағ әлимдә мөһүр үзүјү олсајдын белә, сәни чыхарыб атардым.
25 Сәни ҹанынын гәсдинә дуранлара, горхдуғун адамлара, Бабил падшаһы Навуходоносора вә кәлданиләрә тәслим едәҹәјәм.+
26 Сәни дә, сәни доған гадыны да доғулмадығыныз өлкәјә атаҹағам, орада өләҹәксиниз.
27 Һәсрәтини чәкдијиниз өлкәни бир дә ҝөрмәјәҹәксиниз.+
28 Мәҝәр Күнјаһ адланан бу адам һеч кимә лазым олмајан сыныг күпдүр?Һеч кимин бәјәнмәдији габдыр?
Ахы нијә ону, өвладларыны ҝөтүрүбТанымадыглары өлкәјә атырлар?”+
29 Еј дүнја, Јеһованын сөзүнү ешит, еј дүнја, еј дүнја, ешит!
30 Јеһова дејир:
“Бу адамы өвладсыз,Өмрү боју уғур газанмајан адам кими гејдә алын.Чүнки онун нәслиндән һеч ким Давудун тахтында отурмајаҹаг,Бир дә Јәһудада сәлтәнәт сүрмәјәҹәк”».+
