Әрәмја 24:1—10
-
Јахшы вә хараб әнҹирләр (1—10)
24 Бабил падшаһы Навуходоносор Јәһуда падшаһы Јәһјаким+ оғлу Јәкунјаны*+, Јәһуда әмирләрини, сәнәткарлары, дәмирчиләри* Јерусәлимдән Бабилә сүрҝүн етди.+ Бундан сонра Јеһова мәнә ики сәбәт әнҹир ҝөстәрди. Сәбәтләр Јеһованын мәбәдинин гаршысында иди.
2 Сәбәтин бириндә олан әнҹирләр илк мәһсул кими чох јахшы иди. О бири сәбәтдәки әнҹирләр исә елә хараб иди ки, јемәјә јарамырды.
3 Јеһова мәндән сорушду: «Әрәмја, нә ҝөрүрсән?» Мән дедим: «Әнҹир ҝөрүрәм. Јахшы әнҹир чох јахшыдыр, хараб әнҹир исә елә харабдыр ки, јемәјә јарамыр».+
4 Онда мәнә Јеһованын сөзү назил олду:
5 «Исраилин Аллаһы Јеһова белә дејир: “Бу јердән Кәлдан өлкәсинә сүрҝүн етдијим адамлар нәзәримдә јахшы әнҹир кими олаҹаг.
6 Онларын рифаһы наминә ҝөзүм һәмишә үстләриндә олаҹаг. Онлары бу өлкәјә гајтараҹағам.+ Онлары дирчәлдәҹәјәм, јыхмајаҹағам, әкәҹәјәм, гопармајаҹағам.+
7 Онлара елә үрәк верәҹәјәм ки, Мәним Јеһова олдуғуму билсинләр.+ Онлар Мәним халгым олаҹаг, Мән дә онларын Аллаһы.+ Чүнки онлар бүтүн гәлбләрилә Мәнә дөнәҹәкләр.+
8 Јемәјә јарамајан хараб әнҹирләр+ барәдә исә Јеһова дејир: “Јәһуда падшаһы Сидгијјәјә+, онун әјанларына, Јерусәлим әһлиндән сағ галыб бу өлкәдә вә Мисир дијарында јашајанлара+ бу әнҹирләр кими бахаҹағам.
9 Онларын башына елә мүсибәт ҝәтирәҹәјәм ки, дүнјанын бүтүн сәлтәнәтләри дәһшәтә ҝәләҹәк.+ Сәпәләдијим һәр јердә онлары рүсвај едәҹәјәм, зәрби-мәсәлә чевирәҹәјәм. Онлары мәсхәрәјә гојаҹаглар, ләнәтләјәҹәкләр.+
10 Үстләринә гылынҹ,+ аҹлыг, азар+ ҝөндәриб онлары ата-бабаларына вә онлара вердијим торпагдан јох едәҹәјәм”».
