Әрәмја 29:1—32
29 Әрәмја пејғәмбәр сүрҝүндә олан халгын арасындакы о бири ағсаггаллара, каһинләрә, пејғәмбәрләрә вә Навуходоносорун Јерусәлимдән Бабилә әсир апардығы халга Јерусәлимдән намә ҝөндәрди.
2 Бу намәни Јәкунја+ падшаһ, мәликә ана,+ сарај мәмурлары, Јәһуда вә Јерусәлим башчылары, сәнәткарлар вә дәмирчиләр* Јерусәлимдән ҝедәндән сонра ҝөндәрди.+
3 Ону Јәһуда падшаһы Сидгијјәнин+ Бабилә, Навуходоносор падшаһын јанына ҝөндәрдији Шафан+ оғлу Иласа вә Хилгијјә оғлу Ҹәмәри апарды. Намәдә дејилирди:
4 «Исраилин Аллаһы, ордулар Аллаһы Јеһова Јерусәлимдән Бабилә сүрҝүн етдији халга белә дејир:
5 “Евләр тикиб јашајын. Бағ салыб мејвәсини јејин.
6 Арвад алын, оғул-гыз саһиби олун, оғулларыныза гыз алын, гызларынызы әрә верин, гој онлар да оғул-гыз саһиби олсунлар. Орада төрәјиб чохалын, азалмајын.
7 Сизи сүрҝүн етдијим шәһәрин әмин-аманлығы үчүн чалышын, о шәһәрдән өтрү Јеһоваја дуа един, чүнки оранын әмин-аманлығы сизин әмин-аманлығыныз демәкдир.+
8 Чүнки Исраилин Аллаһы, ордулар Аллаһы Јеһова белә дејир: “Гојмајын араныздакы пејғәмбәрләр, фалчылар сизи алдатсын,+ онларын ҝөрдүјү јухулара гулаг асмајын.
9 Чүнки онлар Мәним адымдан сизә јалан пејғәмбәрлик едирләр. Онлары Мән ҝөндәрмәмишәм”,+ — бәјан едир Јеһова».
10 «Јеһова белә дејир: “Бабилдә јетмиш ил тамам оланда сизә нәзәр салаҹағам,+ сизи бу јерә ҝәтириб вәдими ҝерчәкләшдирәҹәјәм”.+
11 “Мән сизинлә бағлы нијјәтими билирәм, — бәјан едир Јеһова, — сизә бәла јох, әмин-аманлыг вермәк нијјәтиндәјәм,+ амалым сизә ҝөзәл ҝәләҹәк, үмид бәхш етмәкдир.+
12 Сиз Мәни чағыраҹагсыныз, ҝәлиб дуа едәҹәксиниз, Мән дә сизи ешидәҹәјәм”.+
13 “Мәни ахтараҹагсыныз вә сидги-үрәкдән ахтардығыныз үчүн тапаҹагсыныз.+
14 Өзүмү сизә ашкар едәҹәјәм,+ — бәјан едир Јеһова. — Мән сиздән әсир ҝедәнләри бир јерә топлајаҹағам, сизи бүтүн халгларын ичиндән, сәпәләдијим јерләрдән јығаҹағам.+ Сизи һарадан сүрҝүн етмишдимсә, ора ҝери гајтараҹағам”.+ Јеһова бәјан едир.
15 Амма сиз дејирсиниз: “Јеһова Бабилдә бизә пејғәмбәрләр вериб”.
16 Давудун тахтында отуран падшаһа,+ бу шәһәрдә јашајан ҹамаата, сизинлә сүрҝүнә апарылмајан гардашларыныза Јеһованын сөзү будур:
17 “Ордулар Аллаһы Јеһова дејир: “Мән онларын үстүнә гылынҹ, аҹлыг, азар ҝөндәрирәм.+ Онлары хараб, јемәјә јарамајан чүрүк* әнҹир кими едәҹәјәм”.+
18 “Онлары гылынҹла, аҹлыгла, азарла тәгиб едәҹәјәм.+ Мән онлары дүнјанын бүтүн сәлтәнәтләринә сәпәләјәҹәјәм, халглар онлара бахыб мат галаҹаг, дәһшәтә ҝәләҹәк,+ онлара фит чалаҹаг,+ ләнәт охујаҹаг, ришхәнд едәҹәк.+
19 Чүнки онлар дөнә-дөнә ҝөндәрдијим пејғәмбәр гулларым васитәсилә дедијим сөзләрә гулаг асмырлар”,+ — бәјан едир Јеһова.
“Сиз дә Мәнә гулаг асмырсыныз”,+ — бәјан едир Јеһова.
20 Одур ки, Јеһованын сөзүнү ешидин, еј Јерусәлимдән Бабилә сүрҝүн етдијим адамлар.
21 Исраилин Аллаһы, ордулар Аллаһы Јеһова белә дејир: “Мәним адымла јалан пејғәмбәрликләр сөјләјән+ Голај оғлу Әһәби вә Мәсејјә оғлу Сидгијјәни Бабил падшаһы Навуходоносора тәслим едирәм. О, ҝөзүнүзүн габағында онлары өлдүрәҹәк.
22 Онларын башына ҝәләнләр Бабилә сүрҝүн олунан јәһудалыларын дилиндә гарғыша чевриләҹәк. Дејәҹәкләр: “Ҝөрүм Јеһова сәни Бабил падшаһынын дири-дири јандырдығы Сидгијјә илә Әһәбин ҝүнүнә салсын!”
23 Чүнки онлар Исраилдә биабырчылыг едир,+ сојдашларынын арвадлары илә зина едир, Мәним адымдан јалан сөзләр, онлара бујурмадығым шејләри сөјләјирләр.+
“Мән бундан аҝаһам, буна шаһидәм”,+ — бәјан едир Јеһова».
24 «Неһламлы Шәмаја+ сөјлә ки,
25 Исраилин Аллаһы, ордулар Аллаһы Јеһова белә дејир: “Сән Јерусәлимдәки ҹамаата, каһин Мәсејјә оғлу Сәфәнјаја+ вә каһинләрә өз адындан мәктуб ҝөндәриб демисән:
26 “Јеһова сәни каһин Јәһјадајын јеринә гојуб ки, Јеһованын евинә нәзарәт едәсән, өзүнү пејғәмбәр кими апаран һәр сәрсәринин ишинә бахасан, ону күндәјә саласан.+
27 Бәс нијә аранызда өзүнү пејғәмбәр кими апаран+ әнатутлу Әрәмјаны+ ҹәзаландырмырсан?
28 О, һәтта Бабилә, бизә бу хәбәри ҝөндәриб: “Сүрҝүн узун чәкәҹәк! Евләр тикиб јашајын, бағ салыб мејвәсини јејин”».+
29 Каһин Сәфәнја+ бу мәктубу Әрәмја пејғәмбәрә охуду.
30 Онда Әрәмјаја Јеһованын сөзү назил олду:
31 «Сүрҝүндә оланлара хәбәр ҝөндәр: Јеһова неһламлы Шәмај һаггында белә дејир: “Мән ҝөндәрмәдијим һалда, Шәмај сизә пејғәмбәрлик етди, сизи јалана инандырмаг истәди.+
32 Она ҝөрә дә Јеһова белә дејир: “Мән неһламлы Шәмајы вә онун өвладларыны ҹәзаландыраҹағам. Бу халгын арасында онун нәслиндән һеч ким сағ галмајаҹаг. Халгыма едәҹәјим јахшылығы о ҝөрмәјәҹәк, чүнки о, халгы Јеһоваја гаршы галдырыр, — бәјан едир Јеһова”».
