Әрәмја 30:1—24
-
Гуртулуш вә шәфа вәди (1—24)
30 Әрәмјаја Јеһованын сөзү назил олду:
2 «Исраилин Аллаһы Јеһова белә дејир: “Сәнә дедијим бүтүн сөзләри бир китаба јаз.
3 Чүнки Јеһова белә бәјан едир: “Ҝүн ҝәләҹәк, халгымдан, Исраиллә Јәһудадан әсир ҝедәнләри ата-бабаларына вердијим дијара ҝери гајтараҹағам.+ Онлар јенидән ора саһиб олаҹаглар”. Јеһова белә дејир”».+
4 Јеһованын Исраиллә Јәһудаја дедији сөзләр бунлардыр.
5 Јеһова белә дејир:
«Горхудан титрәјәнләрин сәси ҝәлир.Һәр јанда дәһшәт һөкм сүрүр, динҹликдән әсәр-әламәт јохдур.
6 Сорушун, ҝөрүн һеч киши доғар?
Бәс нә үчүн ҝүҹлү кишиләриДоған гадынлар кими, гарынларыны тутан ҝөрүрәм?+
Нијә һамынын бәнизи солуб?
7 Аман! О ҝүн нә дәһшәтли ҝүндүр.+
Онун кими ҝүн јохдур.О ҝүн Јагуб үчүн сыхынты ҝүнүдүр.
Лакин о гуртулаҹаг».
8 Ордулар Аллаһы Јеһова бәјан едир: «Һәмин ҝүн Мән онларын бојнундан бојундуруғу сындыраҹағам, бағларыны гыраҹағам, бир дә јаделлиләр онлары көлә етмәјәҹәкләр.
9 Онлар Аллаһлары Јеһоваја вә үзәрләринә гојаҹағым падшаһлары Давуда хидмәт едәҹәкләр».+
10 «Сән, еј гулум Јагуб, горхма, — Јеһова бәјан едир.Дәһшәтә ҝәлмә, еј Исраил.+
Сәни узаг дијардан,Өвладларыны сүрҝүн едилдикләри мәмләкәтдән гуртараҹағам.+
Јагуб гајыдаҹаг, динҹ, архајын јашајаҹаг.Ону һүркүдән олмајаҹаг».+
11 «Чүнки Мән сәнинләјәм, — бәјан едир Јеһова, — сәни гуртараҹағам.
Амма сәни араларына сәпәләдијим халглары мәһв едәҹәјәм.+Сәни исә мәһв етмәјәҹәјәм.+
Сәни лазыми өлчүдә ислаһ едәҹәјәм,Ҹәзасыз бурахмајаҹағам».+
12 Јеһова белә дејир:
«Сәнин зәдән сағалмаздыр,+
Јарана мәлһәм јохдур.
13 Мүдафиәнә галхан јохдур,Хорана шәфа јохдур.
Сәнә әлаҹ тапылмыр.
14 Ашигләрин сәни унудуб.+
Даһа сәни ахтармырлар.
Сәнә дүшмән зәрбәси ендирдим,+Рәһмсизләр кими ҹәзаландырдым.Чүнки ҝүнаһын бөјүк, тәгсирин чохдур.+
15 Зәдәләринә ҝөрә нә налә чәкирсән?
Ағрын кәсилән дејил!
Ҝүнаһынын бөјүклүјүнә, тәгсиринин чохлуғуна ҝөрә+Буну сәнин башына ҝәтирдим.
16 Она ҝөрә дә сәни мәһв едәнләр мәһв олаҹаг,+Сәнин дүшмәнләрин дә әсир ҝедәҹәк.+
Сәни гарәт едәнләр гарәт едиләҹәк,Сәни талан едәнләр талан олаҹаг».+
17 «Амма сәнә шәфа верәҹәјәм, јараларыны сағалдаҹағам,+ — бәјан едир Јеһова.Һәрчәнд ки сәни сәфил адландырырдылар,
Сәнә “һеч кимин итириб-ахтармадығы Сион” дејирдиләр”».+
18 Јеһова белә дејир:
«Мән Јагуб чадырларындан әсир ҝедәнләри бир јерә топлајаҹағам,+Онун чадырларына јазығым ҝәләҹәк.
Шәһәр јенидән һәмин тәпәнин үстүндә гурулаҹаг,+Гала әввәлки јериндә уҹалаҹаг.
19 О јерләрдән шүкранлар, ҝүлүш сәсләри ешидиләҹәк.+
Онлары чохалдаҹағам, аз олмајаҹаглар.+Сајларыны артыраҹағам*,Әзәмәтли олаҹаглар.+
20 Онун оғуллары әввәлки кими олаҹаг.Халгы өнүмдә көк салаҹаг.+
Она зүлм едәнләри ҹәзаландыраҹағам.+
21 Өндәри өзүнүнкүләрдән олаҹаг,Рәһбәр өз ичиндән чыхаҹаг.
Ону Өзүмә јахынлашдыраҹағам, о да Мәнә јахынлашаҹаг.
Ахы башга ҹүр ким ҹүрәт едиб Мәнә јахынлаша биләр?» — бәјан едир Јеһова.
22 «Сиз Мәним халгым олаҹагсыныз,+ Мән исә сизин Аллаһыныз».+
23 Будур, Јеһованын гәзәби фыртынатәк гопаҹаг,+Писләрин башында шиддәтли гасырғатәк дөвр едәҹәк.
24 Нијјәти јеринә јетмәјинҹә, һәјата кечмәјинҹә,Јеһованын гызғын гәзәби сәнҝимәјәҹәк.+
Заманын сонунда буну анлајаҹагсыныз.+
Һашијәләр
^ Диҝәр вариант: шәрәфли едәҹәјәм.
