Әрәмја 37:1—21
37 Јәһјаким оғлу Күнјаһын+ јеринә Јушијјә оғлу Сидгијјә+ һакимијјәтә ҝәлди. Ону Бабил падшаһы Навуходоносор Јәһуда торпағына падшаһ гојмушду.+
2 Амма нә о, нә хидмәтчиләри, нә дә өлкә халгы Јеһованын Әрәмја пејғәмбәр васитәсилә дедији сөзләрә гулаг асмырды.
3 Сидгијјә падшаһ Шәләмја оғлу Јәһугалы+, каһин Мәсејјә оғлу Сәфәнјаны+ Әрәмја пејғәмбәрин јанына ҝөндәриб ондан хаһиш етди: «Биздән өтрү Аллаһымыз Јеһоваја дуа ет».
4 О заман Әрәмја ҹамаатын ичиндә сәрбәст ҝәзиб-долашырды, һәлә зиндана салынмамышды.+
5 Бу вахт фиронун ордусу Мисирдән јола дүшмүшдү.+ Јерусәлими мүһасирәјә алан кәлданиләр дә бу хәбәри ешидиб ҝери чәкилмишдиләр.+
6 Әрәмја пејғәмбәрә Јеһованын сөзү назил олду:
7 «Исраилин Аллаһы Јеһова белә дејир: “Мәнә мүраҹиәт етмәк үчүн сизи Мәним јаныма ҝөндәрән Јәһуда падшаһына сөјләјин: “Сизә көмәјә ҝәлән фиронун ордусу өз өлкәсинә, Мисирә гајытмалы олаҹаг.+
8 Кәлданиләр исә ҝери гајыдыб бу шәһәрә гаршы дөјүшәҹәк. Шәһәри истила едиб јандыраҹаг”.+
9 Јеһова белә дејир: “Кәлданиләр чыхыб ҝедәҹәк” дејиб өзүнүзү алдатмајын. Онлар чыхыб ҝетмәјәҹәкләр.
10 Һәтта сизинлә дөјүшән кәлданиләрин бүтүн гошунларыны дармадағын етсәниз, тәкҹә јаралылар галса белә, јенә дә онлар чадырларындан чыхыб бу шәһәри јандыраҹаг”».+
11 Кәлданиләрин ордусу фиронун гошунларына ҝөрә Јерусәлимдән ҝери чәкиләндә+
12 Әрәмја өз халгы арасында пајыны алмаг үчүн Јерусәлимдән Бинјамин торпағына јола дүшдү.+
13 Амма Бинјамин дарвазасына чатанда кешикчибашы Һәнанијјә оғлу Шәләмјанын оғлу Ирјаһ Әрәмја пејғәмбәри тутуб деди: «Сән кәлданиләрин тәрәфинә кечмәк истәјирсән».
14 Әрәмја деди: «Јаландыр. Мән кәлданиләрин тәрәфинә кечмирәм!» Амма Ирјаһ Әрәмјаја гулаг асмады, ону тутуб әјанларын јанына ҝәтирди.
15 Әјанлар гәзәбләниб Әрәмјаны дөјдүләр+ вә катиб Јәһунатанын евиндә дустаг етдиләр.+ Чүнки о еви зиндан етмишдиләр.
16 Әрәмјаны зиндандакы һүҹрәләрдән биринә салдылар. О, узун мүддәт орада галды.
17 Сонра Сидгијјә падшаһ онун далынҹа адам ҝөндәрди. Падшаһ сарајда хәлвәтдә ону сорғу-суала тутду.+ Ондан сорушду: «Јеһовадан сәнә бир сөз назил олуб?» Әрәмја: «Олуб! — дејә ҹаваб верди вә ардынҹа деди, — сән Бабил падшаһына тәслим едиләҹәксән!»+
18 Сонра Әрәмја Сидгијјә падшаһа деди: «Сәнә, хидмәтчиләринә, бу халга гаршы нә ҝүнаһ иш тутмушам ки, мәни зиндана салмысыныз?
19 “Бабил падшаһы сизин, бу өлкәнин үстүнә ҝәлмәјәҹәк” дејән пејғәмбәрләриниз инди һарададыр?+
20 Еј падшаһ, риҹа едирәм, мәнә гулаг ас. Нә олар, диләјими јеринә јетир. Мәни катиб Јәһунатанын евинә ҝери гајтарма,+ гојма орада өлүм».+
21 Онда Сидгијјә падшаһ әмр етди ки, Әрәмјаны Кешикчи һәјәтиндә һәбсдә сахласынлар.+ Шәһәрдә чөрәк гуртаранаҹан+ она һәр ҝүн чөрәкчиләр һәјәтиндән бир көмбә чөрәк ҝәтирирдиләр.+ Беләликлә, Әрәмја Кешикчи һәјәтиндә галды.
