Әрәмја 38:1—28
38 Маттан оғлу Шәфәтај, Фәшһур оғлу Гәдали, Шәләмја оғлу Југал+ вә Мәлкијјә оғлу Фәшһур+ Әрәмјанын халга дедији бу сөзләри ешитди:
2 «Јеһова белә дејир: “Бу шәһәрдә галанлар гылынҹдан, аҹлыгдан вә азардан өләҹәк.+ Амма ким кәлданиләрә тәслим олса, сағ галаҹаг, ҹаны онун үчүн гәнимәт олаҹаг”.+
3 Јеһова белә дејир: “Бу шәһәр Бабил падшаһынын ордусуна тәслим олаҹаг. О, шәһәри истила едәҹәк”».+
4 Әјанлар падшаһа дедиләр: «Гој бу адам өлдүрүлсүн.+ О, бу сөзләрлә шәһәрдә галан дөјүшчүләри, һабелә халгы руһдан салыр. О, халга әмин-аманлыг јох, бәла арзулајыр».
5 Сидгијјә падшаһ деди: «О сизин ихтијарыныздадыр. Падшаһ сизә мане ола билмәз».
6 Онда онлар Әрәмјаны шаһзадә Мәлкијјәнин Кешикчи һәјәтиндәки гујусуна атдылар.+ Әрәмјаны ора кәндирлә салладылар. Гујуда су јох иди, гују лил иди. Әрәмја лилә батмаға башлады.
7 Сарајда мәмур олан һәбәш Әбәдмәлик+ Әрәмјанын гујуја атылмасындан хәбәр тутду. Бу вахт падшаһ Бинјамин дарвазасында отурмушду.+
8 Әбәдмәлик сараја ҝедиб падшаһа деди:
9 «Еј ағам падшаһ, бу адамлар Әрәмја пејғәмбәрә јаманлыг едибләр. Ону гујуја атыблар, о, орада аҹындан өләҹәк, чүнки шәһәрдә чөрәк галмајыб».+
10 Онда падшаһ һәбәш Әбәдмәликә әмр едиб деди: «Өзүнлә бурадан отуз нәфәр ҝөтүр, нә гәдәр ки өлмәјиб, Әрәмја пејғәмбәри гујудан чыхарт».
11 Әбәдмәлик өзү илә адамлар ҝөтүрүб сараја, хәзинәнин+ алтындакы отаға ҝириб орадан ҹыр-ҹындыр, әсҝи ҝөтүрдү вә кәндирлә гујуја, Әрәмјанын јанына саллады.
12 Һәбәш Әбәдмәлик Әрәмјаја деди: «Ҹыр-ҹындыры, әсҝиләри кәндирин үстүнә гојуб голтугларынын алтына кечир». Әрәмја белә дә етди.
13 Ону кәндирлә чәкиб гујудан чыхардылар. Әрәмја Кешикчи һәјәтиндә галды.+
14 Сидгијјә падшаһ Әрәмја пејғәмбәри јанына, Јеһованын евиндәки үчүнҹү ҝиришә чағыртдырды. Падшаһ Әрәмјаја деди: «Сәндән бир сөз сорушмаг истәјирәм. Мәндән һеч нә ҝизләтмә».
15 Әрәмја Сидгијјәјә деди: «Десәм, мәни өлдүрәҹәксән. Мәсләһәт версәм, гулаг асмајаҹагсан».
16 Онда Сидгијјә падшаһ ҝизлиҹә Әрәмјаја анд ичиб деди: «Бу ҹаны бизә верән Јеһоваја анд олсун, сәни өлдүрмәјәҹәјәм, ҹанынын гәсдинә дуран бу адамларын әлинә вермәјәҹәјәм».
17 Онда Әрәмја Сидгијјәјә деди: «Исраилин Аллаһы, ордулар Аллаһы Јеһова белә дејир: “Әҝәр Бабил падшаһынын әјанларына тәслим олсан, ҹаныны гуртараҹагсан вә бу шәһәрә од вурулмајаҹаг. Сән дә, сәнин ев әһлин дә сағ галаҹаг.+
18 Јох әҝәр Бабил падшаһынын әјанларына тәслим олмасан, бу шәһәр кәлданиләрин әлинә кечәҹәк, онлар шәһәрә од вураҹаг.+ Сән өзүн дә онларын әлиндән гуртула билмәјәҹәксән”».+
19 Онда Сидгијјә падшаһ Әрәмјаја деди: «Кәлданиләрин тәрәфинә кечән јәһудиләрдән горхурам. Бирдән мәни онларын ихтијарына верәрләр, онлар да мәнә диван тутарлар».
20 Амма Әрәмја деди: «Сәни онларын ихтијарына вермәјәҹәкләр. Нә олар, дедијимә гулаг ас, Јеһованын сөзләринә табе ол. Онда хејир тапарсан, сағ галарсан.
21 Тәслим олмасан, ҝөр башына нә ҝәләҹәк. Јеһова мәнә буну әјан едиб:
22 Будур, Јәһуда падшаһынын сарајында галан гадынлары ҝөтүрүб Бабил падшаһынын әјанларынын+ јанына апарырлар. Гадынлар белә дејир:“Дост билдијин адамлар сәни алдатды, сәни мәғлуб етди.+
Онлар сәни батаглыға салдылар,
Өзләри исә ҝери чәкилиб гачдылар”.
23 Бүтүн арвадларын, оғулларын кәлданиләрә тәслим едиләҹәк, сән өзүн дә онларын әлиндән гуртула билмәјәҹәксән. Бабил падшаһы сәни тутаҹаг.+ Сәнә ҝөрә бу шәһәрә од вуруб јандыраҹаглар».+
24 Сидгијјә Әрәмјаја деди: «Һеч кимин бу сөһбәтдән хәбәри олмасын, јохса өләрсән.
25 Ишдир, әјанлар сәнинлә данышдығымдан хәбәр тутуб јанына ҝәлсәләр, сәнә: “Сөјлә бизә, падшаһа нә дедин? Падшаһ сәнә нә деди? Һеч нәји ҝизләтмә, јохса сәни өлдүрәрик”,+ — десә,
26 онлара сөјләјәрсән: “Падшаһа јалварырдым ки, мәни Јәһунатанын евинә гајтармасын, орада өлмәјим”».+
27 Үстүндән бир гәдәр кечәндән сонра әјанлар Әрәмјанын јанына ҝәлиб ону сорғу-суала тутдулар. О, онлара падшаһын әмр етдији кими ҹаваб верди. Онлар даһа Әрәмјаја һеч нә демәдиләр, чүнки о сөһбәти һеч ким ешитмәмишди.
28 Јерусәлимин зәбт олундуғу ҝүнәдәк Әрәмја Кешикчи һәјәтиндә галды.+ Јерусәлим зәбт олунан вахт+ о, һәлә дә орада иди.
