Әрәмја 43:1—13
43 Әрәмја халга Аллаһлары Јеһованын сөзләрини дејиб гуртарды. Аллаһлары Јеһованын онлар үчүн дедији һәр шеји онлара билдирди.
2 Һушијјә оғлу Әзрија, Гәрјаһ оғлу Јуһәнна+ вә орадакы тәкәббүрлү адамлар Әрәмјаја деди: «Јалан дејирсән! Сәни “Мисирә ҝетмәјин, орада јашамајын” демәјә Аллаһымыз Јеһова ҝөндәрмәјиб.
3 Бу сөзләри демәјә сәни тәһрик едән Нурјаһ оғлу Бәрухдур+. О истәјир ки, биз кәлданиләрин әлинә дүшүб өләк, ја да Бабилә сүрҝүнә ҝедәк».+
4 Беләҹә, Гәрјаһ оғлу Јуһәнна, сәркәрдәләр вә бүтүн халг Јеһованын Јәһудада галмаг әмринә табе олмады.
5 Гәрјаһ оғлу Јуһәнна вә сәркәрдәләр сағ галан јәһудалылары — Јәһудада јашамаг үчүн сәпәләндикләри халглар арасындан чыхыб ҝәләнләри өзләри илә ҝөтүрдүләр.+
6 Онлар кишиләри, гадынлары, ушаглары, падшаһын гызларыны, кешикчибашы Нәбузарданын+ Шафан+ оғлу Әхигәмин+ оғлу Гәдалинин јанында гојдуғу һәр кәси,+ о ҹүмләдән Әрәмја пејғәмбәри вә Нурјаһ оғлу Бәруху ҝөтүрүб апардылар.
7 Јеһованын әмринә табе олмајыб Мисирә ҝетдиләр вә ҝәлиб Тәфнисә+ чатдылар.
8 Тәфнисдә Әрәмјаја Јеһованын сөзү назил олду:
9 «Әлинә бир нечә бөјүк даш ҝөтүр, онлары јәһудиләрин ҝөзләри габағында Тәфнисдә, фиронун евинин ҝиришиндә кәрпиҹ дөшәмәдә ҝизләт вә үстүнә суваг чәк.
10 Сонра онлара де ки, Исраилин Аллаһы, ордулар Аллаһы Јеһова белә дејир: “Будур, Мән Бабил падшаһы Навуходоносору, гулуму чағырырам,+ онун тахтыны мәһз бу ҝизләтдијим дашларын үстүнә гојаҹағам. О, һөкмдар чадырыны онларын үзәриндә гураҹаг.+
11 Бабил падшаһы ҝәлиб Мисири дармадағын едәҹәк.+ Азар үчүн ајрыланлар азара, әсарәт үчүн ајрыланлар әсарәтә, гылынҹ үчүн ајрыланлар гылынҹа тәслим едиләҹәк.+
12 Мән Мисир аллаһларынын бүтханаларыны јандыраҹағам,+ падшаһ бүтханалары јандыраҹаг, бүтләри әсирлијә апараҹаг. Чобан күркүнү асанлыгла чијнинә атдығы кими, о да Мисир торпағыны асанлыгла ишғал едәҹәк, орадан зәфәрлә чыхаҹаг.
13 Мисирдәки Бејт-Шәмсин* сүтунларыны гырыг-гырыг едәҹәк, Мисир аллаһларынын бүтханаларына од вураҹаг”».
Һашијәләр
^ Мәнасы: ҝүнәшин еви (мәбәди). Јәни Һелиополис.
