Әрәмја 46:1—28
46 Јеһовадан Әрәмја пејғәмбәрә халглар барәдә сөз назил олду.+
2 Мисир+ барәдә, Фәрат чајынын кәнарында олан, Јәһуда падшаһы Јушијјә оғлу Јәһјакимин һакимијјәтинин дөрдүнҹү илиндә+ Бабил падшаһы Навуходоносорун Кархемишдә мәғлуб етдији фирон Неһонун+ ордусу илә бағлы бу сөз назил олду:
3 «Кичик, бөјүк галханларынызы һазырлајын,Дөјүшә атылын.
4 Еј сүвариләр, атлары јәһәрләјин, минин.
Дәбилгәнизи тахыб јеринизи тутун.
Низәләринизи итиләјин, зиреһинизи ҝејинин.
5 “Бу нәдир ҝөрүрәм?
Онлар дәһшәт ичиндә ҝери чәкилирләр, дөјүшчүләр дармадағын олублар.
Тәлаш ичиндә гачырлар, дөјүшчүләр архаја да бахмырлар.
Һәр јаны дәһшәт бүрүјүб”, — бәјан едир Јеһова.
6 “Ајагдан ити оланлар гача билмир, дөјүшчүләр ҹаныны гуртара билмир.
Шималда Фәрат чајынын кәнарындаБүдрәјиб јыхылдылар”.+
7 Нил кими галхан,Ҝурсулу чајлар кими ҹошан бу кимдир белә?
8 Нил кими галхан,Ҝурсулу чајлар кими ҹошан Мисирдир.+О дејир: “Галхыб јер үзүнү басаҹағам.
Шәһәри, сакинләрини мәһв едәҹәјәм”.
9 Шаһә галхын, еј атлар!
Дәли кими сүрүн, еј арабалар!
Әлиндә низә тутан Куш, Пут дөјүшчүләри,+Ох ојнадыб каман ҝәрән Лудим+ дөјүшчүләри+Ирәли ҝетсин!
10 О ҝүн Күлли-Ихтијарын, ордулар Аллаһы Јеһованын ҝүнүдүр. О, һәмин ҝүн дүшмәнләриндән гисас алаҹаг. Гылынҹ онлары јејиб-дојаҹаг, ганларыны ичиб сусузлуғуну јатыраҹаг. Чүнки Күлли-Ихтијар, ордулар Аллаһы Јеһова шималда Фәрат чајынын кәнарында гурбан кәсәҹәк.+
11 Еј бакирә Мисир гызы,Ҝилада галхыб орадан балзам ал.+
Наһаг јерә мәлһәмләрини артырдын,Онсуз да дәрдинә әлаҹ јохдур.+
12 Халглар сәнин рүсвајчылығындан хәбәр тутду,+Фәрјадын өлкәни бүрүјүб.
Чүнки дөјүшчүләр бир-биринәИлишиб јыхылырлар».
13 Бабил падшаһы Навуходоносорун ҝәлиб Мисири дармадағын едәҹәји барәдә Әрәмја пејғәмбәрә Јеһовадан назил олан сөз будур:+
14 «Буну Мисирдә бәјан един, Мигдолда+ ҹар чәкин.
Нофда, Тәфнисдә+ елан един.
Дејин: “Јеринизи тутун, һазырлашын,Гылынҹ јан-јөрәниздә олан һәр шеји јејиб-битирәҹәк.
15 Нијә ҝүҹлү адамларыныз јох олду?
Онлар јерләриндә дура билмәдиләр,Јеһова онлары итәләјиб јыхды.
16 Чохлу адам бүдрәјир, јыхылыр.
Бир-биринә дејир:
“Дур, амансыз гылынҹын әлиндән гачыбЈурдумуза, халгымызын јанына гајыдаг”.
17 Орада ҹар чәкирләр:“Мисир һөкмдары фирон јаландан ҝурулдајыр,О, фүрсәти фөвтә верди”.+
18 Ады ордулар Аллаһы Јеһова олан һөкмдар бәјан едир: “Варлығыма анд олсун,Табур+ дағлар арасында,Кармел+ дәниз саһилиндә неҹә ҝөрүнүрсә, о* да о ҹүр ҝәләҹәк.
19 Еј Мисирдә јашајан гыз,Әсирлијә ҝетмәк үчүн боғчаны јығ,
Чүнки Ноф дәһшәтли һала дүшәҹәк,Она од вуруб јандыраҹаглар*, сакинсиз гојаҹаглар.+
20 Мисир ҝөзәл дүјәјә охшајыр,Амма шималдан үстүнә мозалан ҝәләҹәк.
21 Муздлу әсҝәрләри көк данаја охшајыр,Амма онлар да чеврилиб гачдылар.
Јерләриндә дура билмәдиләр.+Чүнки онлары фәлакәт ҝүнү,Һагг-һесаб ҝүнү һаглајыб”.
22 “О, гыврылан илан кими фышылдајыр,Чүнки ағаҹ кәсәнләр кими балта илә,Бөјүк гүввә илә онун ардынҹа ҝәлирләр.
23 Кечилмәз ҝөрүнсә дә, мешәсини гыраҹаглар, — бәјан едир Јеһова.
Чүнки онлар чәјирткәләрдән дә чохдурлар, саја-һесаба ҝәлмирләр.
24 Мисир гызы рүсвај олаҹаг.
Шимал халгынын әлинә вериләҹәк”.+
25 Исраилин Аллаһы, ордулар Аллаһы Јеһова белә дејир: “Инди Но*+ шәһәринин Амунуна+, фирона, Мисирә, онун аллаһларына,+ падшаһларына нәзәр салаҹағам ки, онлары ҹәзаландырым. Бәли, фирону вә она ҝүвәнәнләринин һамысыны+ ҹәзаландырырам”.
26 “Онлары ҹанларынын гәсдинә дуранлара, Бабил падшаһы Навуходоносора вә онун хидмәтчиләринә тәслим едәҹәјәм.+ Амма бундан сонра әввәлки кими орада мәскән салыб јашајаҹаглар”,+ — бәјан едир Јеһова.
27 “Сән исә, гулум Јагуб, горхма,Дәһшәтә ҝәлмә, еј Исраил.+
Мән сәни узаг дијарлардан,Өвладларыны әсарәтдә олдуглары өлкәдән гуртараҹағам.+
Јагуб ҝери гајыдаҹаг, динҹ, архајын јашајаҹаг,Ону һүркүдән олмајаҹаг.+
28 Горхма, еј гулум Јагуб, Мән сәнинләјәм, — бәјан едир Јеһова.
Сәни араларына сәпәләдијим халглары мәһв едәҹәјәм,+Сәни исә мәһв етмәјәҹәјәм.+
Сәни лазыми өлчүдә ислаһ едәҹәјәм,+Ҹәзасыз бурахмајаҹағам”».
