Әрәмја 5:1—31
5 Јерусәлим күчәләрини долашын,
Јан-јөрәјә бахын, фикир верин,
Мејданлары ҝәзин, ҝөрүн,Бир нәфәр һагг иш ҝөрән,+Сәдагәтә ҹан атан вармы?Варса, шәһәри әфв едәрәм.
2 Онлар «Јеһоваја анд олсун!» десәләр дә,
Јенә јаландан анд ичирләр.+
3 Еј Јеһова, Сәнин ҝөзләрин сәдагәт арајыр.+
Сән онлары ҹәзаландырдын, амма кар еләмәди,
Онлары дармадағын етдин, ибрәт алмадылар,+
Үзләрини гајадан да сәрт етдиләр,+Јолларындан дөнмәдиләр.+
4 Фикирләшдим: «Бунлар авамдырлар,
Ағылсызлыг едирләр, Јеһованын јолларыны танымырлар,Аллаһларынын һөкмләрини билмирләр.
5 Ҝедим бөјүкләрин јанына, онларла данышым,Онлар Јеһованын јолларыны,Аллаһларынын һөкмләрини мүтләг биләҹәкләр.+
Анҹаг онлар да бојундуруғу сындырыб,Бағларыны гопарыблар».
6 Буна ҝөрә мешәдән чыхан аслан онлара һүҹум чәкир,Чөллүкдә ҝәзән гурд онлары чапыб-талајыр,Бәбир шәһәрләрдә пусгуја јатыр,
Шәһәрләрдән чыханлары дидиб-парчалајыр.
Чүнки онларын тәгсири чох,Хәјанәти һәдсиздир.+
7 Буну сәнә неҹә бағышлајым?
Оғулларын Мәни атыб,Аллаһ олмајан бүтләрә анд ичирләр.+
Мән онлары корлуг чәкмәјә гојмадым,Онлар исә зинадан әл чәкмәдиләр,Фаһишәләрин евинә ахышдылар.
8 Ат кими, азғынлашыблар, гызыблар,Һәр бири гоншусунун арвадына кишнәјир.+
9 «Инди Мән онларла һагг-һесаб чәкмәјим, нејләјим?
Белә бир халгдан интигамымы алмајыммы?» — бәјан едир Јеһова.+
10 «Ҝедин, онун үзүм бағыны дағыдын,Амма бүсбүтүн дағытмајын,+
Тәнәкләрини јолун,Онлар Јеһованын дејил.
11 Чүнки Исраил еви, Јәһуда евиМәнә гаршы бөјүк хәјанәт едиб», — бәјан едир Јеһова.+
12 «Онлар Јеһованы данырлар, дејирләр:“Бизә һеч нә етмәјәҹәк*,+
Үстүмүзә бәла ҝәлмәјәҹәк,Гылынҹ, аҹлыг ҝөрмәјәҹәјик”.+
13 Пејғәмбәрләр бош сөзләр данышырлар,Онларда Аллаһын сөзү јохдур,
Сөзләри кими өзләри дә пуч олаҹаглар».
14 Бу сәбәбдән ордулар Аллаһы Јеһова дејир:
«Белә данышдыглары үчүнСөзләрими дилиндә од едәҹәјәм.+Халг одундур.Бу од ону јандырыб күл едәҹәк».+
15 Јеһова бәјан едир: «Еј Исраил еви,
Үстүнүзә узаг дијардан бир халг ҝәтирирәм,+
Дилини билмәдијин,Сөзләрини анламадығынГәдим, улу халг.+
16 Охданлары ачыг гәбир кимидир,Һамысы иҝид дөјүшчүдүр.
17 Онлар сәнин мәһсулуну, чөрәјини јејәҹәк,+
Оғулларыны, гызларыны јејәҹәк,
Сүрүләрини, нахырларыны јејәҹәк,
Мејнәләрини, әнҹирләрини јејәҹәк.
Архаландығын гала-шәһәрләрини јерлә јексан едәҹәк».
18 «Амма о ҝүн дә сизи бүсбүтүн мәһв етмәјәҹәјәм, — бәјан едир Јеһова.+ —
19 Онлар сорушса ки, “нә үчүн Аллаһымыз Јеһова бизим башымыза бунлары ҝәтирди”, онлара дејәрсән: “Неҹә ки Мәндән үз дөндәриб өз өлкәниздә јад аллаһа гуллуг етдиниз, инди дә өзҝә өлкәдә јадлара гуллуг едәҹәксиниз”».+
20 Јагуб евиндә бәјан един,Јәһудада ҹар чәкин:
21 «Ешит, еј ағылсыз, ахмаг халг:+
Ҝөзүнүз ола-ола ҝөрмүрсүнүз,+Гулағыныз ола-ола ешитмирсиниз.+
22 Јеһова бәјан едир: “Сиз Мәндән горхмурсунуз?Мәним һүзурумда титрәмирсиниз?
Мәнәм дәнизә гумдан сәрһәд чәкән,Кечилмәз, әбәди низам гојан.
Далғалар шаһә галхса да, зәфәр чала билмәз,Уғулдаса да, бу сәдди аша билмәз.+
23 Анҹаг бу халгын үрәји инадкар вә асидир,Онлар Мәним јолумдан чыхыб өз јоллары илә ҝетдиләр.+
24 Һеч ким демир:
“Ҝәлин мөвсүмүндә јағыш јағдыран,Пајыз јағышы, јаз јағышы ҝөндәрән,Тәјин етдији бичин һәфтәләрини бизим үчүн горујанАллаһымыз Јеһовадан горхаг”.+
25 Тәгсирләриниз бунлара әнҝәл олду,Ҝүнаһларыныз сизи немәтләрдән мәһрум етди.+
26 Халгымын арасында залымлар вар.
Онлар гуш овчусу кими, чөмбәлиб пусгуда ҝөзләјирләр,
Өлүм тәләси гурурлар.
Шикарлары инсандыр.
27 Гушла долу гәфәс кими,Евләри фитнә-фәсадла долудур.+
Бу јолла ҝүҹләнибләр, варланыблар.
28 Пијләнибләр, дәриләри шүмал олуб.Шәр әмәлләри башдан ашыр,
Өз мәнфәәтләринә ҝөрәЈетимин ишинә әдаләтлә бахмырлар,+Јохсулун һаггыны тапдалајырлар”».+
29 «Инди Мән онларла һагг-һесаб чәкмәјим, нејләјим?
Белә бир халгдан интигамымы алмајыммы? — бәјан едир Јеһова.
30 Өлкәдә дәһшәтли, горхунҹ шеј баш верир:
31 Пејғәмбәрләр јаландан пејғәмбәрлик едир,+Каһинләр халгын үзәриндә истәдикләри кими ағалыг едир,
Халгыма исә бу хошдур.+
Ҝөрәк сон ҝәләндә сиз нә едәҹәксиниз?»
Һашијәләр
^ Диҝәр вариант: О, јохдур.
