Әшија 1:1—31
1 Јәһуда падшаһлары+ Үзијјә+, Јутәм+, Әһәз+ вә Һизгијјәнин+ дөврүндә Амуз оғлу Әшијанын*+ Јәһуда вә Јерусәлимлә бағлы алдығы вәһј.
2 Динләјин, еј ҝөјләр, ешит, еј јер!+Јеһова белә дејир:
«Оғуллар бөјүдүб боја-баша чатдырдым,+Онлар исә Мәнә аси чыхдылар.+
3 Өкүз јијәсини,Ешшәк саһибинин ахуруну јахшы таныјыр.Лакин Исраил Мәни танымыр,+Мәним Өз халгым ганмазлыг едир».
4 Бу ҝүнаһкар халгын,+Тәгсирләр ичиндә батан үммәтин,Бу шәр нәслин, позғун оғулларын вај һалына!
Онлар Јеһовадан узаглашдылар,+Исраилин Мүгәддәс Аллаһына һөрмәтсизлик етдиләр,Она арха чевирдиләр.
5 Нә гәдәр дөјүлмәк олар? Бәсдир үсјан етдиниз!+
Башынызы јара басыб,Үрәјиниз азара дүшүб.+
6 Тәпәдән дырнағаҹан бәдәниниздә саламат јер јохдур.
Јараларыныз, ганчырларыныз, јери сојумамыш зәдәләриниз тәмизләнмәјиб, сарынмајыб,Онлара мәлһәм гојулмајыб.+
7 Өлкәниз виранә галыб,
Шәһәрләриниз јандырылыб,
Јаделлиләр ҝөзүнүз баха-баха јурдунузу талан едир,+
Һәр јан харабалыгдыр, санки, өлкәјә јағылар басгын едиб.+
8 Сион гызы үзүмлүкдәки чардаг,Хијар бостанындакы кома кими,Мүһасирәјә алынмыш шәһәр кими тәрк едилиб.+
9 Ордулар Аллаһы Јеһова* бир нечә адам сағ гојмасајды,Биз Сәдум кими олардыг,Әмурәјә бәнзәјәрдик.+
10 Сиз, еј залым Сәдум башчылары, Јеһованын сөзүнә гулаг асын!+
Аллаһымызын ганунуну динләјин, еј Әмурә сакинләри!+
11 Јеһова дејир: «Сизин чохсајлы гурбанларыныз нәјимә ҝәрәкдир?+
Јандырма гоч гурбанларындан,+ көк һејванларын пијиндән+ артыг дојмушам,Буғаларын+, гузуларын, кечиләрин+ ганы+ Мәнә хош дејил.
12 Ким сиздән һүзурума ҝәлмәји,+Мәбәдимин һәјәтиниТапдаламағы истәјиб?+
13 Бәсдир даһа мәнасыз тахыл тәгдимәси ҝәтирдиниз!
Бухур тәгдимәниз Мәндә икраһ доғурур.+
Тәзә ај мәрасимләри,+ шәнбәләр+, топлантылар+...Тәнтәнәли мәҹлис чағыраркән сеһрли гүввәләрә үз тутмағыныза дөзә билмирәм.+
14 Тәзә ај мәрасимләриниздән, бајрамларыныздан зәһләм ҝедир.
Онлар мәним үчүн јүкә чеврилиб,Онлары дашымагдан јорулмушам.
15 Сиз әлләринизи ҝөјә галдырандаҜөзләрими јумурам.+
Нә гәдәр дуа едирсиниз един,+Сизи ешитмирәм;+Әлләриниз бүсбүтүн гана батыб.+
16 Јујунуб пакланын,+Шәр әмәлләринизи ҝөзүмүн өнүндән узаглашдырын,Писликдән әл чәкин.+
17 Јахшылыг етмәји өјрәнин, әдаләтә ҹан атын,+Залымы дүз јола чәкин,Јетимин һаггыны горујун,Дул гадына һимајәдарлыг един».+
18 Јеһова дејир: «Ҝәлин арамыздакы мәсәләләри һәлл едәк.+
Ҝүнаһларыныз ал-гырмызы олса да,Онлары гар кими ағаппаг едәҹәјәм,+Түнд-гырмызы парча рәнҝдә олса да,Онлары јун кими едәҹәјәм.
19 Итаәткар олуб сөзә бахсаныз,Торпағын немәтләриндән јејәҹәксиниз.+
20 Јох әҝәр дикбашлыг едиб сөзүмә гулаг асмасаныз,Гылынҹ ағзына дүшәҹәксиниз.+Буну дејән Јеһовадыр!»
21 Ҝөр садиг шәһәр+ неҹә дөнүб фаһишә олду!+
Вахтилә әдаләтин һөкм сүрдүјү,+Салеһлијин мәскән салдығы шәһәр+Инди гатилләр јувасыдыр.+
22 Ҝүмүшүнүз зир-зибилә* чеврилиб,+Пивәнизә су гатылыб.
23 Башчыларыныз дикбашдыр, оғруларла әлбирдир.+
Һәр бири рүшвәт һәрисидир, бәхшиш далынҹа дүшүр.+
Јетимин һаггыны горумур,Дул гадын онларын гапысына дүшә билмир.+
24 Буна ҝөрә Рәбб, ордулар Аллаһы Јеһова,Исраилин гүдрәтли Аллаһы бәјан едир:
«Јетәр! Әлејһдарларымдан азад олаҹағам,Дүшмәнләримдән гисас алаҹағам.+
25 Әлим сәнә гаршы галхаҹаг,Сәни әридиб зир-зибилдән тәмизләјәҹәјәм,Бүтүн гатышығыны арытлајаҹағам.+
26 Сәнә јенә дә илк вахтлар олдуғу кими һакимләр,Башланғыҹда олдуғу кими, мәсләһәтчиләр верәҹәјәм.+
Бундан сонра сәни Салеһлик шәһәри, Садиг шәһәр адландыраҹаглар.+
27 Сион әдаләт сајәсиндә,Ора гајыданлар салеһлик сајәсиндә гуртулаҹаг.+
28 Үсјанкарларла ҝүнаһкарлар бир вахтда гырылаҹаг,+Јеһованы тәрк едәнләр јох олаҹаглар.+
29 Сиз севдијиниз ири ағаҹлара ҝөрә хәҹаләт чәкәҹәксиниз,+Сечдијиниз бағлара* ҝөрә утаныб јерә ҝирәҹәксиниз.+
30 Чүнки сиз јарпаглары солан бөјүк ағаҹа,+Сусуз галан баға бәнзәјәҹәксиниз.
31 Ҝүҹлү адам кәтан лифитәк,Әмәјинин бәһрәси исә гығылҹым кими олаҹаг.Икиси дә бир вахтда алышыб јанаҹаг,Аловуну сөндүрән олмајаҹаг».
Һашијәләр
^ Мәнасы: Јеһованын вердији гуртулуш.
^ Һәрфән: посаја (филиз әридиләндә ајрылан галыг).
^ Ҝөрүнүр, сөһбәт бүтләрә ибадәтлә бағлы олан ағаҹ вә бағлардан ҝедир.
