Әшија 11:1—16
11 Јәссәнин көтүјүндән фидан+ галхаҹаг,+Көкүндән бој атан пөһрә+ барлы олаҹаг.
2 Јеһованын руһу онун үзәриндә олаҹаг,+Һикмәт+ вә дәрракә руһу,Өјүд-нәсиһәт вә гүдрәт+ руһу,Елм вә Јеһовадан горхмаг руһу онун үзәриндә олаҹаг.
3 О, Јеһова хофунда+ зөвг тапаҹаг.
Ҝөзләринин ҝөрдүјү илә һөкм етмәјәҹәк,Гулағы илә ешитдијинә ҝөрә тәнбеһ етмәјәҹәк.+
4 О, фағыр-фүгәра үчүн инсафла һөкм чыхараҹаг.Дүнјадакы һәлимләрин хатиринә әдаләтлә тәнбеһ едәҹәк.
Дүнјаны ағзынын дәјәнәји илә вураҹаг.+Шәр адамы ағзындан чыхан нәфәслә* өлдүрәҹәк.+
5 О, белини салеһликлә гуршајаҹаг,Сәдагәт онун кәмәри олаҹаг.+
6 Гурдла гузу сүлһдә јашајаҹаг,+Бәбирлә чәпиш јан-јана узанаҹаг.Бузов, аслан вә бәсләнмиш һејван бир јердә олаҹаг*.+Онлары балаҹа ушаг отараҹаг.
7 Инәклә ајы бирҝә отлајаҹаг,Балалары гоша узанаҹаг.
Шир өкүз кими саман јејәҹәк.+
8 Сүдәмәр ушаг илан јувасы үстүндә ојнајаҹаг,Сүддән кәсилмиш ушаг әлини зәһәрли иланын јувасына салаҹаг.
9 Мүгәддәс дағымын һеч бир јериндә онлардан хәтәр ҝәлмәјәҹәк,+Һеч нәји тәләф етмәјәҹәкләр.+Чүнки сулар дәнизи долдурдуғу кими,Дүнја башдан-баша Јеһова барәдә биликлә долаҹаг.+
10 О ҝүн Јәссәнин көкү+ халглар үчүн нишан кими дураҹаг.+
Халглар мәсләһәт үчүн онун јанына ҝәләҹәк,+Онун мәканы әзәмәтли олаҹаг.
11 О ҝүн Јеһова Ашшурдан+, Мисирдән+, Патросдан+, Кушдан+, Еламдан+, Шинардан*, Һәмәсдән вә дәниздәки адалардан+ халгынын сағ галанларыны гуртармаг үчүн тәкрарән, икинҹи дәфә әлини узадаҹаг.
12 О, халглар үчүн нишан гојаҹаг вә Исраилин пәрән-пәрән дүшмүш өвладларыны јығаҹаг,+ Јәһуданын сәпәләнмиш өвладларыны дүнјанын дөрд бир ҝушәсиндән топлајаҹаг.+
13 Әфраимин пахыллығы битәҹәк,+Јәһудаја әдавәт бәсләјәнләр гырылаҹаг.
Әфраим Јәһудаја пахыллыг етмәјәҹәк,Јәһуда да Әфраимә әдавәт бәсләмәјәҹәк.+
14 Онлар гәрбә, филиштлиләрин јамаҹына һүҹум едәҹәк,Бирликдә шәрг халгларыны талан едәҹәкләр.
Онлар Әдуму+ вә Муабы+ мәғлуб едәҹәк,Әмуниләр онлара табе олаҹаг.+
15 Јеһова Мисир дәнизинин көрфәзини бөләҹәк*,+Чајы*+ јумруғу илә һәдәләјәҹәк.
Шиддәтли нәфәсилә чајын једди голуну вураҹаг*,Адамлар ону сәндәллә кечәҹәк.
16 Исраил Мисир торпағындан чыхдығы ҝүн олдуғу кими,Халгындан сағ галанлар+ үчүн Ашшурдан бөјүк бир јол ачылаҹаг.+
Һашијәләр
^ Һәрфән: руһла.
^ Диҝәр вариант: бузовла аслан бир јердә јем јејәҹәк.
^ Бабилистан.
^ Диҝәр вариант: гурудаҹаг.
^ Фәрат чајы.
^ Диҝәр вариант: чајы једди гола ајыраҹаг.
