Әшија 13:1—22
13 Амуз оғлу Әшијанын+ Бабилә гаршы вәһјдә алдығы һөкм:+
2 «Дағда, чылпаг гаја үзәриндә нишан гојун.+
Онлары сәсләјин, әл еләјин,Ҝәлиб әсилзадәләрин гапыларындан ҝирсинләр.
3 Мән сечдијим* дөјүшчүләрә әмр вердим.+
Вүгарла севинән иҝидләримиГәзәбими төкмәк үчүн чағырдым.
4 Ешидин! Дағлардан издиһам сәси ҝәлир!Санки, бөјүк бир халгын сәсидир бу.
Ешидин! Бир јерә топлашмыш сәлтәнәтләрин,+Халгларын ҝурултусудур бу.
Ордулар Аллаһы Јеһова ҹәнҝ үчүн орду топлајыр.+
5 Онлар узаг бир өлкәдән,+Ҝөјләрин гуртараҹағындан ҝәлирләр.Јеһова вә Онун гәзәб силаһларыБүтүн өлкәни виран етмәк үчүн ҝәлир.+
6 Фәрјад един! Јеһованын ҝүнү јахындыр!
Сонсуз Гүдрәт Саһибиндән мәһв ҝүнү олаҹаг о.+
7 Буна ҝөрә бүтүн әлләр ашағы дүшәҹәк,Һәр кәсин горхудан үрәји әријәҹәк.+
8 Һамы тәлаш ичиндәдир.+
Онлары санҹы тутуб, гыҹ олублар,Доған гадына бәнзәјирләр.
Дәһшәтлә бир-бириләринә бахырлар,Әзабдан сифәтләри пөртүб.
9 Будур! Јеһованын амансыз ҝүнүҺиддәтлә, одлу-аловлу гәзәблә ҝәлир ки,Өлкәни виран гојсун,+Бүтүн ҝүнаһкарлары орадан јох етсин.
10 Ҝөјдәки улдузлар, бүрҹләр+ ишылдамајаҹаг.Ҝүнәш гара доғаҹаг,Ај нуруну сачмајаҹаг.
11 Мән дүнјаны јаманлығына ҝөрә,+Шәр адамлары тәгсирләринә ҝөрә мүһакимә едәҹәјәм.
Мәғрурларын гүруруну сындыраҹағам,Залымларын тәкәббүрүнү алчалдаҹағам.+
12 Инсан оғлу халис гызылдан,Бәшәр оғлу Офир гызылындан+ да надир олаҹаг.+
13 Бунун үчүн ҝөјү силкәләјәҹәјәм;Ордулар Аллаһы Јеһованын гәзәби ҹошан ҝүнОнун һиддәтиндән јер мәһвәриндән титрәјәҹәк.+
14 Говулан ҹејран кими, чобансыз сүрү кимиҺәр кәс өз халгынын јанына гајыдаҹаг,Һәр кәс өз өлкәсинә гачаҹаг.+
15 Ким әлә кечсә, бәдәни дешиләҹәк,Ким јахаланса, гылынҹ ағзына вериләҹәк.+
16 Өвладлары ҝөзү габағында парча-парча едиләҹәк,+Евләри талан едиләҹәк,Арвадлары зорланаҹаг.
17 Ҝүмүшү һеч сајан,Гызылдан зөвг алмајан мадалылары+Онларын үстүнә галдыраҹағам.
18 Охлары ҹаванлары јерә сәрәҹәк.+Ушаға рәһм етмәјәҹәкләр,Бәтнин бәһрәсинә јазыглары ҝәлмәјәҹәк.
19 Сәлтәнәтләрин таҹы,Кәлданиләрин гүруру, еһтишамы олан Бабил+Аллаһын дағытдығы Сәдум вә Әмурә кими олаҹаг.+
20 Орада һеч вахт инсан јашамајаҹаг.Нәсилләр ҝәлиб-кечәҹәк, кимсә орада мәскунлашмајаҹаг.+
Әрәб орада чадыр гурмајаҹаг,Чобанлар орада сүрүләрини динҹәлтмәјәҹәк.
21 Орада вәһши һејванлар динҹәләҹәк,Евләринә бајгушлар долушаҹаг,
Орада дәвәгушулар мәскунлашаҹаг,+Чөл кечиләри* һоппаныб-дүшәҹәк.
22 Гала бүрҹләриндә улашан һејванлар,Ҹаһ-ҹалаллы сарајларында чаггаллар улајаҹаг.
Онун вахтына аз галыб, өмрү узадылмајаҹаг».+
