Әшија 16:1—14
-
Һөкмүн давамы (1—14)
16 Селадан сәһра јолу иләӨлкәнин һөкмдарына,Сион гызынын дағына гоч ҝөндәрин.
2 Муаб гызлары Әрнун кечидләриндә+Јувасындан атылмыш гуш кими олаҹаглар.+
3 «Мәсләһәт вер, гәрар вер.
Ҝүнорта чағы салдығын көлҝәни ҝеҹә кими гаранлыг ет.
Сүрҝүнләри ҝизләт, гачгынлары әлә вермә.
4 Еј Муаб, гој сүрҝүнләрим сәнин ичиндә јашасын.
Онлары виранчылардан һифз ет.+
Зүлмкарын сону ҝәләҹәк,Виранәчилик гуртараҹаг.Инсанлары әзиб тапдалајанлар јер үзүндән јох олаҹаг.
5 О заман мәһәббәт үзәриндә тахт гурулаҹаг.
Давудун чадырында, һәмин тахтда отуран садиг олаҹаг.+О, әдаләтлә һөкм едәҹәк вә салеһ ишләрдә чевик олаҹаг».+
6 Муабын тәкәббүрү барәдә ешитмишик — чох тәкәббүрлүдүр;+Ловғадыр, мәғрурдур, һиддәтлидир.+Лакин о, һәдәр јерә бошбоғазлыг едир.
7 Муаб Муабдан өтрү ағлајаҹаг.Һамысы ағлајаҹаг.+
Мәғлублар Ҝир-Һәрәсәтин+ кишмишли көкәләриндән өтрү ағлајыб-сызлајаҹаг,
8 Чүнки Һәшбунун+ үзүмлүкләри,Сибмаһ+ мејнәси гурујуб.Халгларын башчылары онун ал-гырмызы будагларыны* тапдалајыб.О будаглар Јазири һагламышды,+Сәһраја гәдәр узанмышды.
Шахәләниб дәнизә чатмышды.
9 Буна ҝөрә Сибмаһ мејнәсини Јазири ағладығым кими ағлајаҹағам.
Еј Һәшбун, еј Илал,+ сизи ҝөз јашларымла исладаҹағам.Чүнки јај мејвәсиндән вә мәһсулдан өтрү уҹалан сәсләр кәсилиб*.
10 Бағлардан севинҹ, фәрәһ кәсилиб.Үзүм бағларындан шәнлик сәси, шадлыг сәси ҝәлмир.+
Үзүмсыхан даһа үзүмсыханда үзүм тапдаламыр.Чүнки Мән шадлыг сәдаларыны кәсдим.+
11 Буна ҝөрә ичим Муабдан өтрүЧәнҝин симләритәк инләјир,+Гәлбим Ҝир-Һәрәсәтдән+ өтрү сызлајыр.
12 Муаб сәҹдәҝаһда өзүнү јорса да, ҝедиб мүгәддәс јериндә дуа етсә дә, һеч бир хејри олмајаҹаг.+
13 Бу, Јеһованын Муаб һаггында кечмишдә дедији сөздүр.
14 Инди исә Јеһова белә дејир: «Муздурун илләри илә сајсаг, үч илин ичиндә чәкдији мүсибәтләр Муабын еһтишамыны јерә вураҹаг. Сағ галан чох аз вә әһәмијјәтсиз олаҹаг».+
Һашијәләр
^ Јахуд ал-гырмызы үзүмлә долу будагларыны.
^ Диҝәр вариант: чүнки сәнин јај мејвәнин вә мәһсулунун үстүнә дөјүш нәрәси ҝәлиб.
