Әшија 25:1—12
25 Еј Јеһова, Сәнсән Аллаһым!
Сәни уҹалдырам, адыны тәриф едирәм,Чүнки харигәләр јаратмысан.+Әзәлдән бәри нијјәтләрини+ сәдагәтлә+,Јәгинликлә иҹра етмисән.
2 Шәһәри даш галағына дөндәрдин,Истеһкамлы шәһәри харабазара чевирдин.
Јаделлинин галасы даһа шәһәр дејил,Бир дә бәрпа олунмајаҹаг.
3 Буна ҝөрә ҝүҹлү халг Сәни уҹалдаҹаг,Залым халгларын шәһәри Сәндән горхаҹаг.+
4 Сән фағыра,Дарда олан јохсула гала олдун,+Лејсан јағышдан далдаланаҹаг,Гызмар истидә көлҝәлик олдун.+
Залымларын нәфәси дивара чырпылан лејсан кими,
5 Гураг торпагда гызмар исти кими оландаСән јадларын нәрилтисини рам едирсән.
Булудун көлҝәси истинин гаршысыны неҹә алырса,Залымларын нәғмәси еләҹә сусдурулур.
6 Ордулар Аллаһы Јеһова бу дағда+ бүтүн халглар үчүнЈағлы хөрәкләрдән,Әла шәрабдан зијафәт гураҹаг.+Бәли, орада иликлә долу јағлы хөрәкләр,Сүзҝәҹдән кечмиш, әла шәраб олаҹаг.
7 Бу дағда О, бүтүн үммәтләри өртән пәрдәни,Бүтүн халгларын үзәринә сәрилмиш өртүјү јох едәҹәк.
8 Өлүмү әбәдилик мәһв едәҹәк,+Күлли-Ихтијар Јеһова бүтүн үзләрдән ҝөз јашларыны силәҹәк.+
Халгынын рүсвајчылығыны бүтүн дүнјадан ҝөтүрәҹәк.Јеһова Өзү буну дејиб.
9 О ҝүн дејәҹәкләр:
«Бах, будур бизим Аллаһымыз!+
Она үмид бағладыг,+О, бизи хилас едәҹәк.+
Будур Јеһова!
Биз она үмид бағладыг.
Ҝәлин Онун вердији гуртулуша севиниб-шадланаг».+
10 Јеһованын әли бу дағын үстүндә олаҹаг.+Муаб исә саман пејиндә тапдаландығы кими,Јериндәҹә тапдаланаҹаг.+
11 Үзҝүчү суда әл-гол атдығы кими,О, әлләрини онун* үзәринә узадаҹаг,Әлләринин сәрраст һәрәкәтләри иләОнун гүруруну алчалдаҹаг.+
12 Истеһкамлы шәһәри,Сәнин һүндүр мүдафиә диварларыны дағыдаҹаг,Јыхыб јерлә јексан едәҹәк.
Һашијәләр
^ Муабын.
