Әшија 3:1—26
3 Будур, Рәбб, ордулар Аллаһы ЈеһоваЈерусәлимлә Јәһудадан һәр ҹүр дајағы, тәминаты,Чөрәји вә сују кәсәҹәк,+
2 Иҝиди вә ҹәнҝавәри,Һакими, пејғәмбәри+, фалчыны, ағсаггалы,
3 Әллибашыны+, әјаны, мәсләһәтчини,Уста сеһрбазы, пүхтә ҹадуҝәри јох едәҹәк.+
4 Онларын үзәринә ушаглары башчы гојаҹағам,Сәбатсызлар онлара рәһбәрлик едәҹәк.
5 Инсан инсана,Јолдаш јолдаша зүлм едәҹәк.+
Ушаг гоҹаја гаршы,Рәијјәт мөһтәрәм адама гаршы азғынлыг едәҹәк.+
6 Һәр кәс атасынын евиндәки гардашыны тутуб дејәҹәк:
«Сәнин әјниндә әба вар, ҝәл бизә башчы ол.
Гој бу харабалыглар сәнин ихтијарында олсун».
7 Гардашы исә о ҝүн етираз едиб дејәҹәк:
«Мән јаранызы сарыја билмәрәм.Евимдә нә чөрәк вар, нә дә либас,
Мәни халгын үзәринә башчы гојмајын».
8 Јерусәлим бүдрәди,Јәһуда јыхылды,Чүнки сөзләри дә, әмәлләри дә Јеһоваја гаршыдыр,Ҹалал Саһибинин өнүндә дикбашлыг едирләр.+
9 Сифәтләри әлејһләринә шәһадәт едир.Онлар Сәдум кими өз ҝүнаһларыны ҹар чәкирләр,+Буну ҝизләтмирләр.
Вај онларын һалына! Өзләри өз башларына бәла ҝәтирирләр.
10 Салеһләрә дејин, хош онларын һалына,Әмәлләринин бәһрәсини ҝөрәҹәкләр.+
11 Пис адамынса вај һалына!
Башына бәла ҝәләҹәк,Әмәлләри габағына чыхаҹаг!
12 Халгымы гул кими ишләдирләр,Халгымы гадынлар идарә едир.
Еј халгым, рәһбәрләриниз сизи јолдан чыхарыр,Сизи аздырыр.+
13 Јеһова халглары мүһакимә етмәк,Һөкмүнү онлара билдирмәк үчүн ајаға галхыр.
14 Јеһова халгынын ағсаггалларына, башчыларына һөкм кәсәҹәк.
«Сиз үзүмлүјү јандырыб күлә чевирдиниз,Јохсуллары талајыб евләринизи долдурдунуз.+
15 Һансы ҹүрәтлә халгымы әзирсиниз,Фәгирләрә олмазын зүлм едирсиниз?»+ — дејир Күлли-Ихтијар Саһиби, ордулар Аллаһы Јеһова.
16 Јеһова дејир: «Мадам ки Сион гызлары гүррәлидир,Башыны дик тутуб ҝәзир,Ҝөз-гаш ојнадыр, әда илә јеријир,Ајағындакы хал-халлары ҹинҝилдәдир,
17 Јеһова да Сион гызларынын башына готур салаҹаг.Јеһова онларын алныны чылпаг гојаҹаг.+
18 О ҝүн Јеһова онларын бәр-бәзәкли хал-халларыны,Баш бәзәкләрини*, ајпара шәкилли зинәтләрини+ дартыб гопараҹаг.
19 Сырғаларыны, голбагларыны, өрпәкләрини,
20 Шалларыны, ајаг бәзәкләрини, кәмәрләрини,Әтир мүҹрүләрини, һәмаилләрини,
21 Үзүкләрини, бурун һалгаларыны,
22 Бајрам либасларыны, үст палтарларыны, хәләтләрини, чанталарыны,
23 Әл ҝүзҝүләрини,+ кәтан палтарларыны,Чалмаларыны, өртүкләрини әлләриндән алаҹаг.
24 О ҝүн балзам јағынын+ әтри јеринә үфунәт гохаҹаг,Кәмәр јеринә кәндир,Сач дүзүмү јеринә кечәллик,+Баһалы либас әвәзинә чул,+Ҝөзәллик јеринә дамға олаҹаг.
25 Кишиләриниз гылынҹдан кечириләҹәк,Иҝидләриниз дөјүшдә гырылаҹаг.+
26 Шәһәрин дарвазалары налә чәкиб јас тутаҹаг,+Шәһәр бомбош галаҹаг, јерә чөкәҹәк».+
Һашијәләр
^ Һәрфән: хырда ҝүнәшләрини. Еһтимал ки, бу бәзәкләр ҝөј ҹисимләри шәклиндә иди.