Әшија 30:1—33
30 Јеһова дејир: «Тәрс оғулларын вај һалына!+Өз нијјәтләрини һәјата кечирирләр, Мәним јох,+Руһума ујғун олмајан иттифаглар гурурлар,Беләҹә, ҝүнаһа ҝүнаһ гатырлар.
2 Мәнимлә мәсләһәтләшмәдән+ Мисирә ҝедирләр ки,+Фирон галасында ҝизләнсинләр,Мисирин көлҝәсинә сығынсынлар.
3 Лакин фирон галасы сизин үчүн үз гарасы,Мисирин көлҝәси рүсвајчылыг олаҹаг.+
4 Онун әјанлары Суандадыр,+Елчиләри Һанисә ҝедиб чыхыб.
5 Һамы Мисирә ҝөрә рүсвај олаҹаг,Чүнки бу халгдан һеч кимә фајда јохдур.Онлардан һеч бир көмәк, хејир ҝәлмир,Тәкҹә рүсвајчылыг, хәҹаләт ҝәлир».+
6 Ҹәнуб һејванларына гаршы һөкм:
Елчиләр мал-дөвләтләрини ешшәјин белинә,Тәдарүкләрини дәвә донгарына јүкләјибЗүлм-зилләт дијарындан,Асланлар, нәрилдәјән асланлар,Ҝүрзәләр, учан аловлу иланлар дијарындан кечириб апарырлар.
Амма бүтүн бунларын халга һеч бир хејри дәјмәјәҹәк.
7 Чүнки Мисирин көмәји бошдур, һеч нәдир;+
Буна ҝөрә она «тәрпәнмәз Раһаб+» адыны вердим.
8 «Инди дур ҝет онларын ҝөзүнүн габағында буну лөвһәјә һәкк ет,Китаба јаз.+Гој ҝәләҹәк ҝүн үчүнДаими шәһадәт олараг галсын.+
9 Чүнки онлар аси халгдыр,+ јаланчы нәсилдир,+Јеһованын ганунуну* ешитмәк истәмәјән сојдур.+
10 Ҝөрүҹүјә “ҝөрмә”,
Вәһј алана “бизә доғру вәһјләр сөјләмә”+ дејирләр.
Дејирләр: “Бизә хош олан сөзләр сөјлә, ујдурма хәјаллар даныш,+
11 Јолдан дөн, ҹығырдан чых.
Јанымызда Исраилин Мүгәддәсинин адыны чәкмә”».+
12 Буна ҝөрә Исраилин Мүгәддәси белә дејир:
«Бу сөзү рәдд едиб+Јалана, сахтакарлыға ҝүвәндиниз,Онлара архаландыныз.+
13 Бу тәгсириниз чатламыш дивар кими олаҹаг,Јыхылмаг үзрә олан гарын вермиш дивар кими,
Гәфилдән, бир ҝөз гырпымында учаҹаг.
14 О, ири ҝил күп кими сынаҹаг,Чилик-чилик олаҹаг,Бир гырығы белә, оҹагдан көз ҝөтүрмәјә,Ҝөлмәчәдән* су ҝөтүрмәјә јарамајаҹаг».
15 Күлли-Ихтијар Јеһова, Исраилин Мүгәддәси белә дејир:
«Мәнә сары дөнүб архајынлашсајдыныз, хилас олардыныз.Сакитлик вә етибар сизин ҝүҹүнүз оларды».+
Амма истәмәдиниз.+
16 Әксинә, дединиз: «Хејр, ата миниб гачаҹағыг!»
Бәли, гачаҹагсыныз.
«Јүјрәк атлара миниб чапаҹағыг!»+
Елә сизи гованлар да јүјрәк олаҹаг.+
17 Мин нәфәр бир нәфәрин һәдәсиндән әсәҹәк,+Беш нәфәрин һәдәсиндән гачаҹагсыныз,Сиздән галанлар дағ башындакы дирәк,Тәпә башындакы бајраг кими оланадәк.+
18 Лакин Јеһова сәбирлә ҝөзләјир ки, сизә лүтф ҝөстәрсин,+О галхаҹаг ки, сизә мәрһәмәт ҝөстәрсин.+
Чүнки Јеһова һагг Аллаһдыр.+
Нә хошбәхтдир үмидини Она бағлајанлар*!+
19 Ҹамаат Сиона, Јерусәлимә+ гајыдыб орада јашајанда артыг ағламајаҹагсан.+ Сән фәрјад едәндә О, сәнә лүтф ҝөстәрәҹәк, сәсини ешитҹәк сәнә һај верәҹәк.+
20 Јеһова сәнә дәрди чөрәк кими, зүлмү су кими версә дә,+ Бөјүк Нәсиһәтчин артыг Өзүнү ҝизләтмәјәҹәк, Бөјүк Нәсиһәтчини+ өз ҝөзүнлә ҝөрәҹәксән.
21 Ишдир, саға вә ја сола дөнсән,+ гулағына архадан бу сәс ҝәләҹәк: «Јол будур.+ Бу јолла ҝет».
22 Ојма бүтләринизин ҝүмүш өртүјүнү, төкмә бүтләринизин гызыл өртүјүнү мурдарлајаҹагсыныз.+ Онлары ајбашы әскиси кими туллајыб дејәҹәксиниз: «Итил!»*+
23 Онда Аллаһ сәпдијиниз тохумлара јағыш јағдыраҹаг,+ торпағын мәһсулу бол вә бәрәкәтли олаҹаг.+ О ҝүн мал-гараныз ҝениш отлагларда отлајаҹаг.+
24 Саһәдә ишләјән өкүз вә ешшәк күрәклә, јаба илә соврулмуш, туршәнҝ гатылмыш јем јејәҹәк.
25 Бөјүк гырғын ҝүнүндә, гүлләләр јыхыланда һәр уҹа дағда, һәр һүндүр тәпәдә чајлар, архлар ахаҹаг.+
26 Јеһова Өз халгынын сынығыны сарыдығы+ ҝүн, вурдуғу ағыр јараны сағалтдығы+ ҝүн бәдирләнмиш ајын ишығы ҝүнәш ишығы кими олаҹаг, ҝүнәш ишығы исә једди гат парлаг олаҹаг,+ једди ҝүнүн ишығы кими.
27 Будур, узаглардан Јеһованын адыГәзәби илә алышыб јанараг, топа булудларла ҝәлир.
Ағзы һирсли сөзләрлә долудур,Дили јандырыб-јахан алов кимидир.+
28 Онун руһу* боғаза чыхан сел кимидир,Халглары һәлак әләјиндә әләјәҹәк.Үммәтләри јолдан аздырмаг үчүн ағызларына јүјән тахаҹаг.+
29 Сизин маһныныз исәБајрама һазырлашдығыныз ҝеҹә охунан маһны кими олаҹаг,+Үрәјиниз Јеһованын дағына, Исраилин Гајасына+ галхан,Ҝедә-ҝедә түтәк чалан адам кими ҹуша ҝәләҹәк.
30 Јеһова гүдрәтли сәсини+ ешитдирәҹәк.Шиддәтли гәзәблә,+ јандырыб-јахан аловла,+Лејсанла+, ҝөј ҝурултусујла,Долу+ илә енән голуну+ ашкар едәҹәк.
31 Јеһованын сәсиндән Ашшур ләрзәјә ҝәләҹәк;+О, ону дәјәнәклә вураҹаг.+
32 Ашшурун үзәринә Јеһованын ендирдији ҹәза дәјәнәјинин һәр зәрбәсиГавал сәси, чәнҝ сәси илә мүшајиәт олунаҹаг,+О, јарағыны ојнадараг онларла вурушаҹаг.+
33 Онун үчүн Тофет*+ артыг һазырдыр,Падшаһы үчүн дә һазырдыр.+
Одун галағы үчүн јери дәрин вә енли едиб,Орада чохлу одун вә ҝүҹлү алов вар.
Јеһованын нәфәси пүскүрән күкүрд шырнағы кими,Ону јандырыб-јахаҹаг.
Һашијәләр
^ Јахуд нәсиһәтини.
^ Диҝәр вариант: чарһовуздан.
^ Јахуд Ону ҝөзләјәнләр.
^ Диҝәр вариант: туллајыб онлара «кир» дејәҹәксиниз.
^ Јахуд нәфәси. Лүғәтдә «руһ» сөзүнә бах.
^ Бурада Тофет мәһвин рәмзи олан мәҹази јанар јери билдирир.
