Әшија 37:1—38
37 Һизгијјә падшаһ буну ешидәндә јахасыны ҹырды, чула бүрүнүб Јеһованын мәбәдинә ҝетди.+
2 Сонра ешикағасы Әлјакими, катиб Сәбнаны, каһинләрин ағсаггалларыны Амуз оғлу Әшија пејғәмбәрин+ јанына ҝөндәрди. Онлар да чула бүрүнмүшдүләр.
3 Онлар ҝәлиб Әшија пејғәмбәрә дедиләр: «Һизгијјә белә дејир: “Бу ҝүн дәрд, тәнә, рүсвајчылыг ҝүнүдүр. Бәтндәки ушаглар ҝәлир, амма аналарын доғмаға ҝүҹү јохдур.+
4 Бәлкә, Аллаһын Јеһова Ашшур падшаһынын вар олан Аллаһа мејдан охумаға ҝөндәрдији рәбсагын сөзләрини ешидәр.+ Дедији сөзләрә ҝөрә Аллаһын Јеһова онунла һагг-һесаб чәкәр. Она ҝөрә сағ галанлар+ үчүн Аллаһа дуа ет+”».
5 Һизгијјә падшаһын әјанлары Әшијанын јанына ҝәлдиләр.+
6 Әшија деди: «Һөкмдарыныза чатдырын ки, Јеһова белә дејир: “Ешитдијин сөзләр, Ашшур падшаһынын әјанларынын+ Мәнә гаршы дедији күфрләр сәни горхуја салмасын.+
7 Мән онун ағлына бир фикир салаҹағам. О, бир хәбәр ешидиб өз өлкәсинә гајыдаҹаг.+ Мән ону өз өлкәсиндә гылынҹ ағзына верәҹәјәм”».+
8 Рәбсаг Ашшур падшаһынын Лаһишдән чыхдығыны ешидәндә онун јанына гајытды вә ҝөрдү ки, о, Либна илә вурушур.+
9 Падшаһа Һәбәш падшаһы Тирһаганын онунла дөјүшмәјә ҝәлдији хәбәри чатмышды. О, бу хәбәри ешидәндә јенидән Һизгијјәјә гасидләр+ ҝөндәриб деди:
10 «Јәһуда падшаһы Һизгијјәјә сөјләјин: “Гој ҝүвәндијин Аллаһ “Ашшур падшаһы Јерусәлими алмајаҹаг” дејиб сәни алдатмасын.+
11 Ашшур падшаһларынын бүтүн мәмләкәтләри виран гојдуғу сәнә мәлумдур.+ Елә билирсән, сән хилас олаҹагсан?
12 Аталарымын мәһв етдији халгларын аллаһлары онлары гуртара билди?+ Һаны Гозан, Һарран+, Рәсәф? Һаны Тәл-Әссарда олан Әдән ҹамааты?
13 Һаны Һәмәс падшаһы, Арпад падшаһы, Сәфарваим+ шәһәрләринин, Һинанын, Ивваһын падшаһлары?”»
14 Һизгијјә гасидләрдән мәктублары алыб охуду. Сонра Јеһованын мәбәдинә ҝетди, онлары Јеһованын өнүндә ачыб јерә сәрди.+
15 Һизгијјә Јеһоваја дуа етди:+
16 «Еј кәррублар үзәриндә* отуран ордулар Аллаһы+, Исраилин Аллаһы Јеһова! Дүнјадакы бүтүн сәлтәнәтләрин Аллаһы тәк Сәнсән. Ҝөјләри, јери Сән хәлг етмисән.
17 Гулаг вер, Јеһова, ешит!+ Нәзәр сал, ја Јеһова, ҝөр!+ Еј вар олан Аллаһ, Сәнә мејдан охујан Синахерибин сөзләрини ешит.+
18 Јеһова, дүздүр, Ашшур падшаһлары бүтүн мәмләкәтләри, елә өз мәмләкәтләрини дә дармадағын едибләр.+
19 Онларын аллаһларыны ода атыб јандырыблар,+ чүнки онлар аллаһ дејил, инсан әлинин ишидир, тахтадыр, дашдыр.+ Елә она ҝөрә онлары мәһв едә билибләр.
20 Еј Аллаһымыз Јеһова, бизи онун әлиндән гуртар. Гој бу ҹаһандакы бүтүн сәлтәнәтләр билсин ки, тәк Сән Аллаһсан, еј Јеһова».+
21 Амуз оғлу Әшија Һизгијјәјә хәбәр ҝөндәриб деди: «Исраилин Аллаһы Јеһова белә дејир: “Сән Ашшур падшаһы Синахериблә бағлы Мәнә дуа етдијин+ үчүн
22 Јеһова онун һаггында белә дејир:
“Бакирә Сион гызы һәгарәт едиб сәни лаға гојур.
Јерусәлим гызы сәнә бахыб башыны булајыр.
23 Сән кимә мејдан охујурдун?+ Кимә күфр едирдин?
Кимә сәсини галдырырдын?+Кимә мәғрур ҝөзләрлә бахырдын?
Исраилин Мүгәддәсинә?!+
24 Гулларыны ҝөндәриб Јеһоваја мејдан охудун:+“Сајсыз ҹәнҝ арабаларымлаДағларын зирвәсинә галхаҹағам,+Ливанын уҹгарларынадәк ҝедәҹәјәм.
Онун әзәмәтли сидрләрини, сечмә ардыҹларыны кәсәҹәјәм.
Ән һүндүр јерләринә, сых мешәләринә ҝирәҹәјәм.
25 Гујулар газыб суларыны ичәҹәјәм,Дабанымла Мисирин чајларыны гурудаҹағам”.
26 Ешитмәмисән ки, бинеји-гәдимдән бу гәрара алынмышдыр?
Кечмиш ҝүнләрдән буну һазырламышам,+
Инди исә һәјата кечирәҹәјәм.+
Сән галалы шәһәрләри харабазара чевирәҹәксән.+
27 Онларын сакинләри чарәсиз галаҹаг.Онлары дәһшәт бүрүјәҹәк, рүсвај олаҹаглар.
Онлар чөлләрин от-әләфи олаҹаглар,Дамларда битән, сәмум јелинин гарсадығы от олаҹаглар.
28 Амма Мән сәнин отурушундан, дурушундан, ҝиришиндән, чыхышындан,+Мәнә олан һиддәтиндән аҝаһам,+
29 Мәнә гаршы гәзәбин,+ нәрәләрин гулағыма чатыб.+
Гармағымы бурнуна кечирәҹәјәм, јүјәними+ ағзына салаҹағам,Ҝәлдијин јолла сәни ҝери гајтараҹағам”.
30 Еј Һизгијјә, сәнин үчүн әламәт бу олаҹаг: бу ил өз-өзүнә битән* мәһсулу, икинҹи ил ондан ҹүҹәрән тахылы јејәҹәксиниз. Үчүнҹү ил тохум сәпиб әкин бичәҹәксиниз, үзүмлүкләр салыб барыны јејәҹәксиниз.+
31 Јәһуда евиндән гуртуланлар, сағ галанлар+ ашағы көк атыб јухары бәһрә ҝәтирәҹәкләр.
32 Галанлар Јерусәлимдән, гуртуланлар Сион дағындан чыхаҹаг.+ Ордулар Аллаһы Јеһова буну Өз гејрәти илә едәҹәк.+
33 Јеһова Ашшур падшаһы һагда белә дејир:+
“О, бу шәһәрә ҝирмәјәҹәк,+Бураја ох атмајаҹаг,Гаршысына галханла ҝәлмәјәҹәк,Әтрафында мүһасирә бәнди гурмајаҹаг.+
34 Ҝәлдији јолла ҝери гајыдаҹаг.Бу шәһәрә ајаг басмајаҹаг”, — бәјан едир Јеһова.
35 “Өз адым наминә,Гулум Давудун хатиринә бу шәһәри горујаҹағам, хилас едәҹәјәм”».+
36 Јеһованын мәләји ҝәлиб ашшурлуларын ордуҝаһында 185 000 нәфәри гырды. Ҹамаат сәһәр галханда ҝөрдү ки, һәр тәрәф мејитлә долудур.+
37 Ашшур падшаһы Синахериб ҝери чәкилиб Нејнәваја*+ ҝетди вә орада галды.+
38 Аллаһы Нәсруһун мәбәдиндә сәҹдә гыланда оғуллары Әдрамәликлә Шарасар ону гылынҹла өлдүрдүләр+ вә Урарту+ өлкәсинә гачдылар. Оғлу Асархаддон+ Синахерибин јеринә тахта чыхды.
