Әшија 41:1—29
41 «Еј адалар, сусуб Мәни динләјин;Гој халглар ҝүҹүнү тәзәләсин,
Гој јахын ҝәлиб данышсынлар.+
Ҝәлин топлашыб мәһкәмә гураг.
2 Ким бир нәфәри ҝүндоғандан ајаға галдырды?+Ким ону һагг наминә ајағына чағырды ки,Халглары ихтијарына версин,Падшаһлары она табе етдирсин?+
Ким онлары онун гылынҹы гаршысында әзиб тоз едир,Каманы гаршысында күләјин совурдуғу самана дөндәрир?
3 О, онлары тәгиб едир,Ајаг басмадығы ҹығырлардан манеәсиз кечир.
4 Ким әзәлдән нәсилләри ортаја чыхарыб,Ким бу иши әрсәјә ҝәтириб?
Илк Мәнәм, Мән Јеһова;+Сонунҹуларын дөврүндә дә һәминкијәм».+
5 Адалар буну ҝөрүб горхдулар.
Јерин нәһајәтләри титрәди.
Онлар јахына ҝәлиб габаға чыхырлар.
6 Һәр бири јолдашына көмәк едир,Гардашына «мөһкәм ол» дејир.
7 Сәнәткар да ејнилә зәрҝәрә+ үрәк-дирәк верир;Дәмири чәкиҹлә јастылајанДәмири зиндан үстүндә дөјәни руһландырыб дејир:
«Леһим әла алынды».
Ахырда бүтү мыхла бәркидирләр ки, јыхылмасын.
8 «Сән исә, еј Исраил, Мәним гулумсан.+Сән, еј Јагуб, еј Мәним сечилмишим,+Еј достум Ибраһимин өвлады*,+
9 Сән, еј дүнјанын гуртараҹағындан ҝәтирдијим,+Еј јерин уҹгарларындан чағырдығым.
Сәнә дедим: “Сән Мәним гулумсан.+Мән сәни сечдим, сәни рәдд етмәдим.+
10 Горхма, Мән сәнинләјәм.+
Тәлаша дүшмә, сәнин Аллаһын Мәнәм.+
Сәнә гүввәт верәҹәјәм, сәнә көмәк едәҹәјәм,+Һагг олан сағ әлимлә сәни бәрк-бәрк тутаҹағам”.
11 Сәнә кин бәсләјәнләрин һамысы биабыр олаҹаг, хар олаҹаг.+
Сәнинлә вурушанлар јох олаҹаг, мәһв олаҹаг.+
12 Сәнинлә әдавәт апаранлары ахтараҹагсан, тапмајаҹагсан.Сәнинлә савашанлар һечә дөнәҹәк, елә бил, һеч олмајыблар.+
13 Мән, Аллаһын Јеһова сәнин сағ әлиндән тутмушам,Сәнә дејирәм: “Горхма! Сәнә көмәк едәҹәјәм”.+
14 Горхма, еј Јагуб, еј торпаг гурду*,+Еј Исраил халгы, сәнә көмәк едәҹәјәм!» Буну Гуртарыҹын,+ Исраилин Мүгәддәси Јеһова бәјан едир.
15 «Будур, сәни вәл етмишәм,+Дишләри икитијәли, тәзә тахылдөјән етмишәм.
Дағлары басыб әзәҹәксән,Тәпәләри самана дөндәрәҹәксән.
16 Сән онлары совураҹагсан,Онлары күләк апараҹаг,Гасырға онлары пәрән-пәрән едәҹәк.
Онда севинҹин Јеһова олаҹаг,+Исраилин Мүгәддәси фәхрин олаҹаг».+
17 «Касыблар, јохсуллар су ахтарыр, амма су гәһәтә чыхыб.
Сусузлугдан дил-додаглары гурујуб.+
Мән, Јеһова онлара һај верәҹәјәм.+
Мән, Исраилин Аллаһы онлары атмарам.+
18 Јалын тәпәләрдән чајлар,+Дүзәнҝаһларда булаглар ахыдаҹағам.+
Сәһралығы гамышлы ҝөлә,Сусуз торпағы булаглар дијарына чевирәҹәјәм.+
19 Сәһрада сидр,Акасија, мәрсин, јағ ағаҹы,+
Чөллүкдә ардыҹ,Ҝөјрүш, сәрв ағаҹы әкәҹәјәм.+
20 Беләҹә, һамы ҝөрүб биләҹәк,Диггәт вериб баша дүшәҹәк ки,Бунлары Јеһованын әли едиб,Исраилин Мүгәддәси әрсәјә ҝәтириб».+
21 Јеһова дејир: «Дәлилләринизи ортаја гојун».
Јагубун Падшаһы дејир: «Сүбутларынызы изһар един».
22 «Дәлилләр ҝәтириб дејин ҝәләҹәкдә нәләр олаҹаг.
Кечмишдә оланлары данышын ки,Ҝөтүр-гој едиб нәләр олаҹағыны биләк.
Јахуд дејин бизи гаршыда нә ҝөзләјир.+
23 Дејин ҝәләҹәкдә нәләр олаҹаг,Биләк ки, сиз аллаһсыныз.+
Пис, јахшы, нә исә бир шеј един,Ҝөрүб һејрәтә ҝәләк.+
24 Әслиндә, сиз һечсиниз,Әмәлләриниз дә һечдир.+
Сизи сечәнләр мәнфурдур.+
25 Мән шималдан бир нәфәри ајаға галдырмышам, о ҝәләҹәк.+О ҝүндоғандан ҝәлән+ Мәним адымы чағыраҹаг.
Дулусчу ҝил тапдалајан кими,Башчылары тапдалајаҹаг.+
26 Бунлары әввәлдән ким дејиб ки, биз дә биләк,Кечмиш заманларда ким сөјләјиб ки, дејәк “дүз дејир”?+
Ахы һеч ким һеч нә демәјиб!
Һеч ким хәбәр вермәјиб!
Һеч ким сизин ағзыныздан һеч нә ешитмәјиб!»+
27 Сиона биринҹи Мән демишәм: «Будур! Ҝәлирләр!»+
Јерусәлимә мүждәчини Мән ҝөндәрәҹәјәм.+
28 Дуруб бахырдым, бир нәфәр дә јох иди,Араларында бир нәфәр дә јох иди ки, мәсләһәт версин.
Мән исә онлардан ҹаваб истәјирдим.
29 Бах, онларын һамысы бир хәјалдыр.
Әмәлләри, ишләри һеч нәдир.
Дәмир бүтләри күләкдир, хүлјадыр.+
