Әшија 43:1—28
43 Еј Јагуб, сәни јарадан,Еј Исраил, сәнә шәкил верән Јеһова белә дејир:+
«Горхма, чүнки сәни һагг өдәјиб гуртардым,+
Сәни адынла чағырдым.
Сән Мәнә мәхсуссан.
2 Сујун ичиндән кечсән дә, сәнинлә олаҹағам,+Чајлардан кечсән дә, батмајаҹагсан,+
Одун ичиндән кечсән дә, јанмајаҹагсан,Алов сәни гарсамајаҹаг.
3 Ахы Мән сәнин Аллаһын Јеһовајам,Исраилин Мүгәддәси, хиласкарынам.
Мисири сәнин үчүн фидјә вердим,Һәбәши, Сибаны әвәз олараг вердим.
4 Мәнә әзиз олдун,+Сәни шәрәфләндирдим, сәни севдим,+
Сәнин әвәзинә инсанлары,Ҹанынын әвәзинә халглары верәҹәјәм.
5 Горхма, Мән сәнинләјәм.+
Өвладларыны ҝүндоғандан ҝәтирәҹәјәм,Сәни ҝүнбатандан топлајаҹағам.+
6 Шимала дејәҹәјәм: “Онлары бурах!”+
Ҹәнуба дејәҹәјәм: “Онлары сахлама!
Оғулларымы узаглардан, гызларымы дүнјанын уҹгарларындан ҝәтир,+
7 Адымла адланан,+Шаныма хәлг етдијим,Шәкил вериб јаратдығым бүтүн о кәсләри”.+
8 Ҝөзү ола-ола кор олан халгы,Гулағы ола-ола кар олан халгы ҝәтир.+
9 Гој бүтүн халглар бир јерә јығышсын,Үммәтләр топлашсын.+
Онлардан һансы бири буну дејә биләр?
Һансы бири илк шејләр* барәдә сөјләјә биләр?+
Гој һаглы чыхмаг үчүн шаһидләр ҝәтирсинләр,Онлар да динләјиб десин: “Дүздүр!”»+
10 Јеһова бәјан едир: «Сиз Мәним шаһидләримсиниз,+Бәли, сечдијим гулумсунуз.+Белә ки, Мәни таныјыб иман едәсиниз,Мәним һәмишә ејни олдуғуму дәрк едәсиниз.+
Нә Мәндән габаг,Нә дә Мәндән сонра Аллаһ мөвҹуд олмајыб!+
11 Мәнәм, Мәнәм Јеһова+, Мәндән башга хиласкар јохдур!»+
12 «Аранызда јад аллаһ јох икәнБәјан едән дә, гуртаран да, билдирән дә Мән олмушам.+
Одур ки, сиз Мәним шаһидләримсиниз, — дејир Јеһова, — Аллаһ да Мәнәм.+
13 Мән һәмишә ејнијәм,+Һеч ким әлимдән һеч нәји гопара билмәз.+
Мән бир иш ҝөрәндә ким мане ола биләр?»+
14 Сәнин гуртарыҹын+, Исраилин Мүгәддәси+ Јеһова белә дејир:
«Сизин хатиринизә Бабилә адам ҝөндәриб дарвазанын рәзәләрини сөкәҹәјәм,+Ҝәмиләрдәки кәлданиләр дәрддән фәрјад едәҹәк.+
15 Мән сәнин Мүгәддәсин+ Јеһовајам, Исраилин Јараданы,+ сәнин Падшаһын».+
16 Јеһова,Дәниздән јол ачан,Ҝурлајан суларда ҹығыр ачан,+
17 Арабаны вә аты,+Ордуну вә иҝид ҹәнҝавәрләри ирәли чыхаран белә дејир:
«Онлар јерә сәриләҹәк, галхмајаҹаглар.+
Јанан пилтә кими үфүрүләҹәк, сөнәҹәкләр».
18 «Әввәлки шејләри јада салмајын,Һеј кечмиши дүшүнмәјин.
19 Будур, Мән јени бир иш ҝөрүрәм,+Артыг әрсәјә ҝәлмәкдәдир,
Мәҝәр ҝөрмүрсүнүз?
Мән сәһралыгда бир јол ачаҹағам,+Сәһрада чајлар ахыдаҹағам.+
20 Чөл һејванлары, чаггаллар,Дәвәгушулар Мәни шәрәфләндирәҹәк.Сәһралыгда су,Сәһрада чајлар ахыдырам ки,+Халгым, сечилмишим+ ичсин.
21 Бу халгы Өзүм үчүн јаратмышам ки,Шәнимә тәрифләр уҹалтсын.+
22 Лакин сән, еј Јагуб, Мәнә үз тутмадын,+Чүнки Мәндән безмишдин, еј Исраил.+
23 Јандырма гурбаны үчүн гојун ҝәтирмәдин,Гурбан ҝәтириб Мәнә еһтирам ҝөстәрмәдин.
Сәни бәхшиш ҝәтирмәјә мәҹбур етмәмишәм,Күндүр тәләб едиб сәни тәнҝә ҝәтирмәмишәм.+
24 Пул вериб Мәнә әтирли гамыш алмадын,Гурбанларынын пији илә Мәни дојуздурмадын,+
Әксинә, ҝүнаһларынла Мәни јүкләдин,Тәгсирләринлә Мәни јордун.+
25 Өз хатиримә сәнин асиликләрини силән Мәнәм, Мән.+Сәнин ҝүнаһларыны јада салмарам.+
26 Ҝәл икимиз дә иддиамызы ортаја гојаг,Бәраәт газанмаг үчүн дәлилләр ҝәтир, бир јадыма сал.
27 Сәнин илк әҹдадын ҝүнаһ етди,Сәнин нүмајәндәләрин* Мәнә аси чыхды.+
28 Буна ҝөрә дә, мүгәддәс мәканын башчыларыны рәзил едәҹәјәм,Јагубу мәһвә верәҹәјәм,Исраили тәһгир һәдәфи едәҹәјәм.+
Һашијәләр
^ Еһтимал ки, ҝәләҹәкдә илк баш верәҹәк шејләрә аиддир.
^ Еһтимал ки, ганун мүәллимләри нәзәрдә тутулур.
