Әшија 45:1—25
45 Јеһова мәсһ етдији Куруша+,Өнүндә халглары баш әјдирмәк,Падшаһлары тәрксилаһ етмәк,Гаршысында гапылар бағлыОлмасын дејә икитајлы дарвазаны тајбатај ачмаг үчүнСағ әлиндән тутдуғу кәсә+ белә дејир:+
2 «Мән сәнин өнүндә ҝедәҹәјәм,+Тәпәләри дүзәнҝаһ едәҹәјәм.
Мис гапылары гырыб парча-парча едәҹәјәм,Дәмир рәзәләри кәсиб доғрајаҹағам.+
3 Гаранлыг јерләрдәки хәзинәләри,Ҝизли јерләрдә сахланылан хәзинәләри сәнә верәҹәјәм+ ки, биләсән,Мән Јеһовајам,Сәни адынла чағыран Исраилин Аллаһыјам.+
4 Гулум Јагубун, сечдијим Исраилин хатиринәСәни адынла чағырырам,
Мәни танымадығын һалда, сәнә шәрәфли ад верирәм.
5 Јеһова Мәнәм, башгасы јохдур.
Мәндән башга Аллаһ јохдур.+
Мәни танымадығын һалда, белини кип гуршајаҹағам ки,
6 Ҝүндоғандан ҝүнбатанадәк бүтүн инсанлар билсин,Мәндән башгасы јохдур.+Јеһова Мәнәм,
Башгасы јохдур.+
7 Нуру+ да, зүлмәти+ дә Мән јарадырам,Динҹлији+ дә, фәлакәти+ дә Мән ҝәтирирәм;Бүтүн бунлары едән Мәнәм, Јеһова.
8 Еј ҝөјләр, јухарыдан јағыш төкүн,+Гој булудлар һагг-әдаләт јағдырсын.
Гој јер көксүнү ачсын, гуртулуш бары ҝәтирсин,Онунла бирликдә һагг-әдаләт битирсин.+
Буну јарадан Мәнәм, Јеһова».
9 Јараданы илә чәкишәнин вај һалына!О, јерә дүшмүш сахсыПарчаларындан биридир.
Һеч ҝил дулусчуја «бу нәдир дүзәлдирсән» дејәр?+
Һеч дүзәлтдијин әшја сәнә «бунун әлләри јохдур» дејәр?*
10 Атаја «белиндән ҝәләнә бах»,
Анаја «доғдуғуна бах»* дејәнин вај һалына!
11 Исраилин Мүгәддәси,+ ону јарадан Јеһова белә дејир:
«Бәлкә, Мәндән ҝәләҹәк барәдә сорушмаг истәјирсиниз,Бәлкә, оғулларымла,+ ја да әлләримин иши илә бағлы ҝөстәриш вермәк истәјирсиниз?
12 Јерә гурулуш верән,+ үзәриндә инсаны јарадан Мәнәм.+
Әлләрилә ҝөјләри јајан,+Ҝөјләрин бүтүн ордусуна әмр едән Мәнәм».+
13 «Мән бир нәфәри һагг наминә ајаға галдырмышам.+Онун бүтүн јолларыны дүз едәҹәјәм.
Мәним шәһәрими о тикәҹәк.+Әсирликдә оланларымы фидјәсиз, бәхшишсиз+ азад едәҹәк»,+ — дејир ордулар Аллаһы Јеһова.
14 Јеһова белә дејир:
«Мисирин ҝәлири*, Һәбәшин маллары*, бој-бухунлу сәбалылар сәнә ҝәләҹәк, сәнин олаҹаг.Әли гандаллы арханҹа ҝедәҹәкләр.
Онлар ҝәлиб өнүндә тәзим едәҹәк,+
Јалвара-јалвара дејәҹәкләр: “Аллаһ сәнинләдир,+
Ондан башгасы јохдур,Ондан башга Аллаһ јохдур”».
15 Еј Хиласкар,+ еј Исраилин Аллаһы,Сән Өзүнү пүнһан сахлајан Аллаһсан.
16 Онларын һамысы алчалыб хар олаҹаг,Бүт дүзәлдәнләрин һамысы рүсвајчылыг ичиндә рәдд олаҹаглар.+
17 Исраил исә Јеһовадан әбәди гуртулуш алаҹаг!+
Сиз һеч вахт рүсвај олуб хәҹаләт чәкмәјәҹәксиниз.+
18 Ҝөјләри јарадан,+ вар олан Аллаһ,Јерә гурулуш верән,Ону мөһкәм тәмәл үстдә гуран Халиг,+Ону бош јерә дејил*, јашајыш үчүн+ јарадан Јеһова белә дејир:
«Јеһова Мәнәм, башгасы јохдур.
19 Мән хәлвәт јердә,+ гаранлыг дијарда данышмадым,Јагуб нәслинә“Мәни ахтарын, онсуз да фајдасы олмајаҹаг” демәдим.
Мән һаггы данышан, доғруну бәјан едән Јеһовајам.+
20 Еј халгларын әлиндән гуртуланлар, јығышыб ҝәлин,
Бир јердә јахынлашын.+
Ојма бүтләри ҝәздирән,Гуртулуш верә билмәјән аллаһа дуа едәнләр һеч нә билмир.+
21 Данышын, ишинизи ортаја гојун.
Гој бирҝә мәшвәрәт етсинләр.
Ким буну әзәлдән хәбәр вериб?Ким буну та гәдимдән бәјан едиб?
Мәҝәр Мән Јеһова етмәмишәм?
Мәндән башга Аллаһ јохдур,Мән адил Аллаһам, хиласкарам,+ гејриси јохдур.+
22 Еј јерин һүдудлары, Мәнә тәрәф дөнүн, ниҹат тапын,+Аллаһ Мәнәм, башгасы јохдур.+
23 Варлығыма анд ичдим,Ағзымдан чыхан сөз доғрудур,Ҝери гајытмаз,+
Бүтүн дизләр гаршымда бүкүләҹәк,Бүтүн дилләр анд ичиб дејәҹәк:+
24 “Мүтләг доғрулуг вә ҝүҹ Јеһоваја мәхсусдур.
Она һиддәтләнәнләрин һамысы хәҹаләт ичиндә һүзуруна ҝәләҹәк.
25 Бүтүн Исраил нәсли Јеһованын сајәсиндә һаглы чыхаҹаг,+Онунла өјүнәҹәкләр”».
Һашијәләр
^ Диҝәр вариант: һеч ҝил «дүзәлтдијин мәмулатын гулплары јохдур» дејәр?
^ Јахуд ағры чәкиб доғдуғуна бах.
^ Диҝәр вариант: ишчиләри.
^ Диҝәр вариант: таҹирләри.
^ Диҝәр вариант: бош олмаг үчүн дејил.
