Әшија 48:1—22
48 Динлә, еј Јагуб еви,Еј өзүнү Исраилин ады илә адландыран,+Еј Јәһуда суларындан чыхан*,Еј Јеһованын адына анд ичән,+Исраилин Аллаһыны чағыран,Лакин буну һәгигәтә ујғун, салеһликлә етмәјән.+
2 Онлар дејирләр ки, мүгәддәс шәһәрдәндирләр,+Ады ордулар Аллаһы Јеһова оланИсраилин Аллаһына үз тутурлар.+
3 «Кечмишдә оланлары Мән лап әзәлдән демишдим,
Бу шејләр Мәним ағзымдан чыхмышды,Онлары Мән әјан етмишдим.+
Сонра гәфил һәрәкәтә кечдим, онлар ҝерчәкләшди.+
4 Билирдим, сиз чох инадкарсыныз,Бојнунузун әзәләләри* дәмирдән, алныныз мисдәндир,+
5 Она ҝөрә сизә лап әввәлдән демишдим,
Бу шејләр баш вермәмишдән сизә билдирдим ки,Сонра демәјәсиниз, “буну мәним бүтүм еләјиб,Ојма бүтүмүн, төкмә бүтүмүн һөкмү илә олуб”.
6 Сиз бүтүн бунлары ешидиб ҝөрдүнүз.
Мәҝәр бунлары бәјан етмәли дејилсиниз?+
Инди исә Мән сизә јени шејләри,Ҝизли сахланылан, билмәдијиниз шејләри әјан едирәм.+
7 Бунлар инди ҝерчәкләшир, бу ҹүр шејләр гәдимдә олмајыб,Индијәдәк бунлар барәдә ешитмәмисиниз.Одур ки, дејә билмәзсиниз “әши, мән бунлары билирдим”.
8 Хејр, ешитмәмисиниз,+ билмирсиниз,Та кечмишдән гулагларыныз тыханмышдыр.
Сизин неҹә хәјанәткар олдуғунузу билирәм,+Та доғуландан адыныз асидир.+
9 Адым наминә гәзәбими сахлајаҹағам,+Шаным наминә сәбир ҝөстәрибСизи мәһв етмәјәҹәјәм.+
10 Сизи ҝүмүш кими олмаса да, сафлашдырдым.+
Сизи әзаб собасында сынадым*.+
11 Өз хатиримә, Өз хатиримә һәрәкәтә кечәҹәјәм,+Адымын ләкәләнмәсинә јол вермәрәм.+
Шанымы һеч кәсә вермәрәм*.
12 Еј Јагуб, еј чағырдығым Исраил, Мәни динлә.
Мән һәмишәкијәм.+ Илк Мәнәм, сон да Мәнәм.+
13 Јерин тәмәлини гојан Мәним әлим олуб,+Ҝөјләри сағ әлим јајыб.+
Онлары чағыран кими һамысы һазыр дурур.
14 Һамыныз топлашыб гулаг асын.
Бунлардан һансы бири бу шејләри хәбәр вериб?
Јеһова она меһр салды.+
О, Бабилә истәдијини едәҹәк,+Онун голу кәлданиләрин үзәринә енәҹәк.+
15 Мән демишәм, ону Мән чағырмышам,+
Ону Мән ҝәтирмишәм, онун јолу уғурлу олаҹаг.+
16 Јахын ҝәлин, ҝөрүн нә дејирәм.
Мән һеч вахт хәлвәтдә данышмамышам.+
Бу шејләр башлајандан Мән орада идим».
Мәни Күлли-Ихтијар Јеһова вә Онун руһу ҝөндәрди.
17 Сәнин Гуртарыҹын, Исраилин Мүгәддәси Јеһова белә дејир:+
«Мән сәнин Аллаһын Јеһовајам,Мән сәнин хејринә сәни өјрәдирәм,+Сәни ҝетмәли олдуғун јолла апарырам.+
18 Каш әмрләримә диггәт јетирәјдин!+
Онда әмин-аманлығын чај кими,+Салеһлијин дәниз далғалары кими оларды.+
19 Нәслин гум гәдәр,Өвладларын гум дәнәләри гәдәр оларды.+
Адлары һеч вахт өнүмдән силиниб јох олмазды».
20 Бабилдән чыхын!+
Кәлданиләрдән гачын!
Севинҹ сәдалары илә бәјан един, ҹар чәкин!+
Дүнјанын нәһајәтләринә чатдырын,+
Дејин: «Јеһова гулу Јагубу азад етди!»+
21 Онлары бијабанла апаранда онлар сусамадылар.+
Онлар үчүн гајадан су ахытды,Гајаны јарыб ҝур су чыхартды».+
22 Јеһова дејир: «Шәр адамлар сүлһ ҝөрмәјәҹәк».+
Һашијәләр
^ Диҝәр вариант: еј Јәһудадан төрәјән.
^ Јахуд вәтәрләри.
^ Диҝәр вариант: сечдим.
^ Јахуд шанымы башгасы илә бөлүшмәрәм.
