Әшија 60:1—22
60 «Галх, еј гадын,+ шөлә сач, чүнки нурун ҝәлди.
Јеһованын ҹалалы үзәринә шәфәг сачыр.+
2 Бах, дүнјаны гаранлыг,Халглары гаты зүлмәт бүрүјәҹәк;Сәнин исә үзәринә Јеһова нур сачаҹаг,Үзәриндә Јеһованын ҹалалы ҝөрүнәҹәк.
3 Халглар нуруна доғру ҝәләҹәк,+Һөкмдарлар+ парлајан еһтишамына доғру аддымлајаҹаг.+
4 Башыны галдырыб әтрафына бах!
Бах, һамысы топлашыб јанына ҝәлир,
Оғулларын узаглардан ҝәлир,+Гызларыны күрәкләриндә ҝәтирирләр.+
5 Буну ҝөрәндә чөһрән шәфәг сачаҹаг,+Үрәјин чырпынаҹаг, даға дөнәҹәк,Чүнки дәнизин сәрвәти сәнә јөнәләҹәк,Халгларын вары јанына ахышаҹаг.+
6 Дәвә сүрүләри,Мәдјәнин, Ифаһын нәрләри өлкәни бүрүјәҹәк,+
Бүтүн сәбалылар ҝәләҹәк.Онлар гызыл, күндүр дашыјаҹаг,
Јеһованын шәнинә тәриф дејәҹәкләр.+
7 Гәдарын бүтүн сүрүләри јанына топлашаҹаг.+
Нәбајүтүн гочлары+ гуллуғунда олаҹаг,
Онлар гурбанҝаһыма галхыб рәғбәтлә гәбул олунаҹаг.+Мән шанлы евими ҹаһ-ҹалала бүрүјәҹәјәм.+
8 Булудтәк учан,Ҝөјәрчинтәк јувасына учуб ҝәлән кимләрдир белә?
9 Адалар Мәнә үмид бағлајаҹаг.+Таршишин ҝәмиләри башда үзүр,Јүкләри гызыл-ҝүмүшдүр.Аллаһын Јеһованын, Исраилин Мүгәддәсинин шәрәфинәУзаглардан оғулларыны ҝәтирирләр.+Бәли, О, сәни еһтишамлы едәҹәк.+
10 Јаделлиләр диварларыны тикәҹәк,Падшаһлары гуллуғунда дураҹаг.+Гәзәбләниб сәни вурдуғум кими,Лүтф едиб мәрһәмәт ҝөстәрәҹәјәм.+
11 Дарвазаларын даима ачыг галаҹаг,+Нә ҝеҹә, нә ҝүндүз бағланмајаҹаг,Белә ки, халгларын сәрвәти сәнә ҝәтирилсин.Буну, илк нөвбәдә, падшаһлары едәҹәк.+
12 Сәнә хидмәт етмәјән сәлтәнәт мәһв олаҹаг,Халглар јерли-дибли јох олаҹаглар.+
13 Мүгәддәс мәканымы ҝөзәлләшдирмәк үчүн Ливанын ҹаһ-ҹалалы,+Ардыҹ, ҝөјрүш, сәрв ағаҹлары ҝәләҹәк.+Ајағымчүн олан јери еһтишамлы едәҹәјәм.+
14 Сәнә зүлм едәнләрин оғуллары ҝәлиб габағында диз чөкәҹәк,Сәнә һөрмәтсизлик едәнләр ајағына јыхылыб тәзим едәҹәк,Онлар сәни Јеһованын шәһәри,Исраилин Мүгәддәсинин Сиону дејиб чағыраҹаг.+
15 Бош галмышдын, нифрәт һәдәфи идин, ичиндән кимсә кечмирди,+Инди сәни әбәди вүгар јери,Бүтүн нәсилләр үчүн севинҹ гајнағы едәҹәјәм.+
16 Сән халгларын сүдүнү ичәҹәксән,+Падшаһларын дөшүнү әмәҹәксән.+Онда биләҹәксән ки, Мән Јеһова сәнин хиласкарынам,Јагубун гүдрәтли Аллаһы сәнин гуртарыҹындыр.+
17 Мән мис јеринә гызыл ҝәтирәҹәјәм,Дәмир јеринә ҝүмүш,Ағаҹ јеринә мис,Даш јеринә дәмир ҝәтирәҹәјәм.Сүлһү үстүнүздә нәзарәтчи,Салеһлији аға гојаҹағам.+
18 Даһа мәмләкәтиндә зоракылыг хәбәри,Торпағында виранәлик хәбәри ешидилмәјәҹәк.+
Диварларына “хилас”,+ дарвазаларына “тәриф” адыны верәҹәксән.
19 Ҝүндүзләр ишығын даһа ҝүнәш олмајаҹаг,Ҝеҹәләр сәнә нур верән ај ишығы олмајаҹаг.Чүнки Јеһова әбәди нурун олаҹаг,+Аллаһын сәнин ҹалалын олаҹаг.+
20 Ҝүнәшин гүруб етмәјәҹәк,Ајын батмајаҹаг,Чүнки Јеһова әбәди нурун олаҹаг,+Јас ҝүнләрин битәҹәк.+
21 Сакинләрин анҹаг салеһләр олаҹаг,Онлар өлкәни әбәдилик мирас алаҹаг.
Онлар әкдијим фиданлардыр,Мәнә ҹалал ҝәтирән әлләримин ишидир.+
22 Ән кичијиндән мин нәфәр,Ән балаҹасындан гүдрәтли халг төрәјәҹәк.
Мән Јеһова вахты јетишәндә бу иши сүрәтләндирәҹәјәм».
