Әшија 63:1—19
63 Әдумдан+, Бозраһдан+ чыхыбӘлван* либаслы,Нәфис гијафәли,Бөјүк гүдрәтлә ҝәлән кимдир?
«Бу Мәнәм! Һагг данышан,Бөјүк гүдрәти илә ниҹат верән».
2 Нә үчүн либасын ал рәнҝдәдир,Үзүмсыханда ишләјәнин палтарына охшајыр?+
3 «Үзүмсыханы тәкбашына тапдамышам,
Јанымда халглардан һеч ким јох иди.
Онлары гәзәблә тапдаладым,Һиддәтлә ајағымын алтында әздим.+
Ганлары үстүмә сычрады,Палтарым бүтүн булашды.
4 Интигам ҝүнү үрәјимдәдир,+Гуртулуш верәҹәјим кәсләрин или јетишиб.
5 Јан-јөрәмә бахдым, көмәк едән јох иди,Мәәттәл галдым, тәрәфими тутан јох иди.
Буна ҝөрә, Өз голум зәфәр ҝәтирди,+Гәзәбим дә тәрәфимдә дурду.
6 Халглары гәзәблә тапдаладым,Онлары һиддәтимлә сәрхош етдим,+Ганларыны јерә ахытдым».
7 Мәрһәмәтдән, бөјүк мәһәббәтдән ирәли ҝәләрәк,Јеһованын бизим үчүн етдији ишләрә ҝөрә,Исраил евинә етдији бол јахшылыглара ҝөрәЈеһованын хејирхаһ ишләриндән данышаҹағам,+Јеһованын һәмдә лајиг ишләрини нәгл едәҹәјәм.
8 О деди: «Һәгигәтән, онлар Мәним халгымдыр, хаин чыхмајаҹаг оғулларымдыр».+
Одур ки, онлар үчүн хиласкар олду.+
9 Онлар әзаб чәкәндә О да әзаб чәкди.+
Елчиси онлары хилас етди.+
Мәһәббәтлә, шәфгәтлә онлары гуртарды,+Гәдим ҝүнләрдә онлары ҝөтүрүб дашыды.+
10 Амма онлар аси чыхдылар,+ Онун мүгәддәс руһуну инҹитдиләр.+
О да онларын дүшмәнинә чеврилди,+Онлара гаршы вурушду.+
11 Онлар кечмиш ҝүнләри јада салдылар,Онун гулу Мусанын ҝүнләрини хатырладылар.
Дедиләр: «Онлары сүрүсүнүн чобанлары илә бирликдә дәниздән кечирән бәс һаны?+
Мүгәддәс руһуну онун дахилинә гојан бәс һаны?+
12 Ҝүҹлү голуну Мусанын сағ әли илә ҝөндәрән,+Онларын өнүндә сулары јарыб+Өзү үчүн әбәди ад еләјән,+
13 Онлары азғын суларын ичи илә апаран бәс һаны?Онлар дүзәнҝаһда чапан ат кимиБүдрәмәдән ҝетдиләр.
14 Дәрәјә енән мал-гара кимиЈеһованын руһундан динҹлик тапдылар».+
Өзүнә әзәмәтли ад газанмаг үчүнХалгыны бу ҹүр апардын.+
15 Ҝөјләрдән нәзәр сал,Мүгәддәс, еһтишамлы, ҝөзәл мәскәниндән бах.
Һаны Сәнин шөвгүн, гүдрәтин?Һаны мәрһәмәтин+, шәфгәтин+?
Онлары биздән әсирҝәјирсән.
16 Ахы Сән бизим Атамызсан,+Ибраһим бизи танымаса да,Исраил бизи гәбул етмәсә дә,Еј Јеһова, Сән бизим Атамызсан.
Гәдимдән бәри гуртарыҹымызсан.+
17 Нә үчүн, еј Јеһова, бизи јолларындан аздырырсан?
Нә үчүн үрәјимизи даша дөндәрирсән ки, биз дә Сәндән горхмуруг?+
Гулларынын хатиринә гајыт,Саһиб олдуғун гәбиләләрин наминә ҝери дөн.+
18 Мүгәддәс халгын өлкәјә гыса мүддәт саһиб олду.
Дүшмәнләримиз Сәнин мүгәддәс мәканыны тапдалады.+
19 Нә замандыр Сәнин һакимлик етмәдијин халглара,Сәнин адыны дашымајанлара бәнзәјирик.
Һашијәләр
^ Диҝәр вариант: ал-гырмызы.
