Әшија 65:1—25
65 «Мәни сорагламајанлара Мәни ахтармаға изин вердим.Мәни ахтармајанлара Өзүмү ашкар етдим.+
Адымы чағырмајан халга “Мән бурадајам! Мән бурадајам!” дедим.+
2 Бүтүн ҝүнү әлим әјри јолла+ ҝедән,Өз билдијини едән+Дикбаш халга сары узаныб.+
3 Бу халг дүз үзүмә Мәни тәһгир едир,+Бағларда гурбан ҝәтирир,+ кәрпиҹ үстүндә гурбан түстүсү тәгдим едир.
4 Гәбирләр арасында отурурлар,+Ҝеҹәни хәлвәт јерләрдә* кечирирләр,Донуз әти јејирләр,+Габларындакы мурдар әтдән галан һәлимдир.+
5 Дејирләр: “Узаг дур, мәнә јахын ҝәлмә,Мән сәндән пакам*”.
Беләләри бурнумда түстүдүр, бүтүн ҝүнү јанан оддур.
6 Бах, өнүмдә бу јазылыб.Сакит дурмајаҹағам,Әвәзини верәҹәјәм,+Әвәзини артыгламасыјла верәҹәјәм,
7 Һәм өзләринин, һәм дә ата-бабаларынын тәгсиринә ҝөрә»,+ — дејир Јеһова.
«Чүнки онлар дағларын башында гурбан түстүсү тәгдим едирләр,Тәпәләрин башында адымы ләкәләјирләр.+Мән, илк нөвбәдә, онларын һаггыны верәҹәјәм, өзү дә артыгламасыјла».
8 Јеһова белә дејир:
«Неҹә ки ичиндә тәзә шәраб олан салхым үчүн дејирләр:“Ону мәһв етмә, онда бәрәкәт вар”,
Мән дә гулларымын хатиринә белә едәҹәјәм,Онларын һамысыны мәһв етмәјәҹәјәм.+
9 Мән Јагубдан бир өвлад*,Јәһудадан дағларымын варисини төрәдәҹәјәм.+Сечилмишләрим ораја саһиб олаҹаг,Гулларым орада мәскән салаҹаг.+
10 Мәни ахтаран халгымын хатиринәШарон+ гојун-гузу отлағы,Ахор+ дәрәси мал-гаранын динҹәлдији јер олаҹаг.
11 Сиз исә Јеһованы тәрк едәнләрсиниз,+Мүгәддәс дағымы јаддан чыхаран,+Бәхт аллаһына сүфрә ачан,Тале аллаһына шәраб сүзәнләрсиниз.
12 Буна ҝөрә, Мән сизи гылынҹа гисмәт едәҹәјәм,+Һамыныз мәһв олмаг үчүн диз чөкәҹәксиниз,+Чүнки Мән чағыранда ҹаваб вермирдиниз,Мән данышанда гулаг асмырдыныз.+Хошламадығым әмәлләри ҝөрүрдүнүз,Хошума ҝәлмәјән шејләри үстүн тутдунуз».+
13 Күлли-Ихтијар Јеһова белә дејир:
«Бах, Мәним гулларым јејәҹәк, сиз исә аҹ галаҹагсыныз.+
Гулларым ичәҹәк,+ сиз исә сусузлугдан јанаҹагсыныз,
Гулларым севинәҹәк,+ сиз исә хәҹаләт чәкәҹәксиниз.+
14 Гулларым үрәк ҹошгунлуғундан һајгыраҹаг,Сизсә үрәк ағрысындан гышгыраҹагсыныз,Руһунуз әзилдијиндән фәған едәҹәксиниз.
15 Өзүнүздән сонра гојдуғунуз адла сечилмишләрим ләнәт едәҹәк,Күлли-Ихтијар Јеһова һамынызы өлдүрәҹәк,Өз гулларына исә башга ад верәҹәк.+
16 Дүнјада өзүнә хејир-дуа диләјән һәр кәсҺагг Аллаһынын ады илә диләјәҹәк.Дүнјада анд ичән һәр кәсҺагг* Аллаһынын адына анд ичәҹәк.+
Көһнә дәрдләр унудулаҹаг,Ҝөзүмүн габағындан гејб олаҹаг.+
17 Будур, Мән јени ҝөјләр вә јени јер јарадырам,+Көһнә шејләр јада дүшмәјәҹәк,Даһа хатырланмајаҹаг.+
18 Одур ки, јаратдығым шејләрә ҝөрә әбәдијјән севинин, шадланын!
Чүнки Мән Јерусәлими фәрәһ гајнағы,Әһлини севинҹ мәнбәји олмаг үчүн јарадырам.+
19 Мән Јерусәлимә ҝөрә фәрәһләнәҹәјәм, халгыма ҝөрә севинәҹәјәм.+Артыг онда ағлашма, фәрјад сәси ешидилмәјәҹәк».+
20 «Даһа орада бир нечә ҝүнлүк көрпәләр өлмәјәҹәк,Аһылларын өмрү јарыда гырылмајаҹаг.
Јүз јашында өлән ҝәнҹ сајылаҹаг,Ҝүнаһкар исә јүзјашлы олса да, ләнәтләнәҹәк*.
21 Онлар евләр тикиб ичиндә јашајаҹаг,+Үзүм бағлары салыб барыны јејәҹәк.+
22 Тикдикләри евдә өзҝәләр јашамајаҹаг,Әкдикләринин барыны өзҝәләр јемәјәҹәк.
Халгымын өмрү ағаҹ өмрүтәк узун олаҹаг,+Сечилмишләрим әлләринин зәһмәтиндән дојунҹа зөвг алаҹаг.
23 Онлар наһаг јерә әлләшмәјәҹәк,+Бәла үчүн өвлад доғмајаҹаг,Чүнки онлар Јеһованын мүбарәк етдији нәсилдир,+Өвладлары да онларла баһәм.+
24 Онлар һәлә чағырмамыш Мән һај верәҹәјәм.Онлар һәлә данышаркән Мән ешидәҹәјәм.
25 Ҹанавар гузу илә бир јердә јем јејәҹәк,Шир дә өкүз кими саман јејәҹәк,+Иланын јеми торпаг олаҹаг.
Мүгәддәс дағымда һеч кимә зәрәр-зијан вурулмајаҹаг»,+ — дејир Јеһова.
Һашијәләр
^ Диҝәр вариант: ҝөзәтчи комаларында.
^ Диҝәр вариант: јохса мәним паклығым сәнә кечәр.
^ Һәрфән: тохум.
^ Јахуд ҝүвәнҹ.
^ Диҝәр вариант: јүз јашына чатмајан адам ләнәтли сајылаҹаг.