Әјјуб 12:1—25
12 Әјјуб белә ҹаваб верди:
2 «Һә, башбилән сизсиниз,Һикмәт дә елә сизинлә өләҹәк!
3 Мәним дә ағлым вар,
Сиздән әскик дејиләм.
Бунлары ким билмир ки?
4 Мән, Аллаһы чағырыб ҹаваб ҝөзләјән бир адам+Инди јолдашларымын ҝөзүндә ҝүлүнҹ олмушам.+
Салеһ вә ејибсиз адам ҝүлүш һәдәфидир.
5 Дәрдсиз адам бәла барәдә дүшүнмүр,Онун фикринҹә, һәлак сәбатсызлар үчүндүр.
6 Сојғунчунун чадырында динҹлик вар,+Аллаһы гәзәбләндирәнләр,Илаһларыны әлләриндә тутанлар раһат јашајыр.+
7 Ҝәл һејванлардан соруш, сәнә өјрәдәр,Ҝөјдәки гушлардан соруш, онлар сәнә данышар.
8 Јерә диггәт вер*, о, сәнә ашылајар,Дәниздәки балыглар сәнә анладар.
9 Бунлардан һансы бири билмир ки,Буну Јеһованын әли едиб?
10 Һәр ҹанлынын һәјаты,Һәр инсанын руһу* Онун әлиндәдир.+
11 Дил јемәјин дадыны билдији кими,Сөзүн дә хиридары гулаг дејилми?+
12 Мәҝәр һикмәт аһылларда дејил?+Дәрракә узун өмүрлә ҝәлмир?
13 Һикмәт дә, гүдрәт дә Ондадыр,+Нәсиһәт дә, анлајыш да Ондадыр.+
14 Онун јыхдығы бир даһа тикилмәз,+О бағладыса, һеч кәс ача билмәз.
15 О, сулары сахлајанда торпаг гурујур,+Ҝөндәрәндә исә јер үзүнү бүрүјүрләр.+
16 Гүдрәт дә, һикмәт дә Ондадыр,+Алданан да, алдадан да Онундур.
17 О, мәсләһәтчиләри ајагјалын гојур,Һакимләрин ағлыны алыр,+
18 Падшаһларын вурдуғу бухову бошалдыр,+Белләринә кәмәр бағлајыр,
19 Каһинләри ајагјалын гојур,+Сарсылмаз гүдрәт саһибләрини девирир.+
20 Етибарлы мәсләһәтчиләри сусдурур,Ағсаггалларын ағлыны алыр.
21 Әсилзадәләрин үстүнә нифрәт јағдырыр,+Ҝүҹлүләри зәиф едир.
22 Гаты гаранлығы ишыгландырыр,+Зүлмәтдәки дәрин шејләри үзә чыхарыр.
23 Халгларын гүдрәтини артырыр ки, сонра мәһв етсин,Үммәтләри бөјүдүр ки, сонра сүрҝүнә ҝөндәрсин.
24 Халгын башчыларынын зеһнини кор едир,Онлары јолсуз-ризсиз харабазарда сәрҝәрдан едир.+
25 Онлары сәрхош кими долашмаға вадар едир.+Ишыгсыз јердә, гаранлыгда кор кими ҝәзирләр.+
