Әјјуб 21:1—34
21 Әјјуб белә ҹаваб верди:
2 «Мәнә јахшы-јахшы гулаг асын,Онда мәнә тәсәлли вермиш оларсыныз.
3 Бир аз сәбир един, мән данышым,Сонра лағ едәрсиниз.+
4 Мәҝәр мән шикајәтими инсана әрз едирәм?
Белә олсајды, һөвсәләм даралмазды?
5 Үзүмә бахын, мат галын,Әлинизи ағзынызын үстүнә гојун.
6 Бу һагда дүшүнәндә өзүмә јер тапмырам,Бүтүн бәдәним әсир.
7 Нә үчүн шәр адам узун өмүр сүрүр,+Јаша долур, вар-дөвләти башындан ашыр?+
8 Өвладлары даим ҝөзүнүн габағындадыр,Нәвә-нәтиҹә ҝөрүр.
9 Евиндә әмин-аманлыг вар, горху-һүркүдән узагдыр,+Аллаһ дәјәнәјилә ону вурмур.
10 Буғасы ҹүтләшир, тохуму һәдәр ҝетмир,Инәји доғур, бала салмыр.
11 Оғуллары дәстә-дәстә чөлә гачыр,Ушаглары атылыб-дүшүр.
12 Авазларыны гавалла, чәнҝлә гоша јүксәлдирләр,Неј сәси алтында шадланырлар.+
13 Онлар фираван өмүр сүрүр,Мәзара* да раһатҹа енирләр.
14 Амма Аллаһа дејирләр: “Биздән әл чәк!
Сәнин јолуну танымаг истәмирик.+
15 Гүдрәт Саһиби кимдир ки, Она гуллуг едәк?+
Ону танымагла нә газанаҹағыг?”+
16 Амма билирәм ки, онларын фираванлығы өз әлләриндә дејил.+
Шәр адамын дүшүнҹәси* мәндән узагдыр.+
17 Чох ҝөрмүсүнүз, писләрин чырағы сөнсүн?+
Бәлаја дүчар олсунлар?
Худавәнд гәзәбләниб онлары мәһв етсин?
18 Онлар нә вахтса күләјин говдуғу саман чөпү кими,Гасырғанын совурдуғу чөр-чөп кими олублар?
19 Аллаһ адамын ҹәзасыны оғулларына сахлајаҹаг.
Амма гој Худавәнд онун өзүнә чәкдирсин ки, о, буну билсин.+
20 Гој о, мәһвини өз ҝөзләри илә ҝөрсүн,Гүдрәт Саһибинин гәзәбини өзү ичсин.+
21 Чүнки өмрүнүн ајлары јарыда кәсилсә,+Өлүб-ҝедәндән сонра она нә, өвладлары илә нә олаҹаг?
22 Мәҝәр кимсә Аллаһа билик верә биләр?+О ки јүксәкләрдә оланлары мүһакимә едир.+
23 Бир адам дәрд-сәри олмадан өлүр,Бәдәни ҝүмраһ,+
24 Будлары јоғун,Сүмүкләри гүввәтли һалда өлүр.
25 О бириси исә дәрд ичиндә,Һәјатдан кам алмамыш өлүр.
26 Икиси дә торпагда ујујаҹаг,+Икисинин дә бәдәнинә гурдлар дарашаҹаг.+
27 Сизин фикирләриниздән,Мәнә јаманлыг етмәк үчүн* гурдуғунуз фәндләрдән аҝаһам.+
28 Дејирсиниз: “Һаны әсилзадәнин еви?Һаны шәр адамын чадыры, һаны онун мәскәни?”+
29 Јолчулардан сорагламадыныз?
Онларын мүшаһидәсини арашдырыб-өјрәнмәдиниз ки,
30 Фәлакәт ҝүнүндә шәр адама аман верилир,Гәзәб ҝүнүндә о гуртулур?
31 Ким онун һәрәкәтини үзүнә вурар,Әмәлләринин һејфини чыхар?
32 Бәли, о, гәбиристанлыға апарылаҹаг,Гәбринин кешијиндә дураҹаглар.
33 Торпаг она хош олаҹаг.+Бүтүн бәшәр онун ардынҹа ҝедир,+Ондан габаг ҝедәнләрин дә сајы билинмир.
34 Белә исә, бош тәсәллиниз нәјимә ҝәрәкдир?+
Сөзләриниз башдан-баша јаландыр!»