Әјјуб 27:1—23
27 Әјјуб сөзүнә давам етди:
2 «Әдаләти мәнә чох ҝөрән,+ мәни инҹидән+Гүдрәт Саһибинә, Аллаһа анд олсун!
3 Нә гәдәр ки нәфәсим ҝедиб-ҝәлир,Бурнумда Аллаһын вердији руһ вар,+
4 Ағзымдан һеч бир һагсызлыг чыхмајаҹаг,Дилим јалан данышмајаҹаг!
5 Әсла сизә һагг газандырмарам!
Мән сон нәфәсимәдәк садиг галаҹағам*!+
6 Салеһлијими горујаҹағам, әлдән вермәјәҹәјәм!+Нә гәдәр ки сағам, үрәјим мәни гынамајаҹаг.
7 Гој дүшмәним пис адама,Мәнә һүҹум едән ҝүнаһкара тај олсун.
8 Аллаһсыз адам мәһв оланда,+ Худавәнд ҹаныны аланда,Үмиди нәјә галар?
9 Башына дәрд-бәла ҝәләндәАллаһ онун фәрјадыны ешидәҹәкми?+
10 Гүдрәт Саһиби онун севинҹи олаҹагмы?
О, Аллаһа ҝеҹә-ҝүндүз јалвараҹагмы?
11 Сизә Аллаһын гүдрәти һаггында билик верәҹәјәм*,Гүдрәт Саһиби барәсиндә һеч нә ҝизләтмәјәҹәјәм.
12 Әҝәр һамыныз вәһјләр алмысынызса,Онда нијә бош-бош данышырсыныз?
13 Пис адамын Аллаһдан алаҹағы пај,+Зүлмкарын Гүдрәт Саһибиндән алаҹағы мирас будур.
14 Оғуллары чохалса да, гылынҹдан өләҹәк,+Нәсли гарындолусу чөрәк јемәјәҹәк.
15 Ондан сонра сағ галанлар бәладан тәләф олаҹаг,Дул галмыш арвадлары онлардан өтрү ағламајаҹаг.
16 Гум гәдәр ҝүмүш јығыб-топласа да,Ҝил јығыны кими либасы үст-үстә јығса да,
17 Гој јығсын,Онлары салеһ ҝејәҹәк,+Ҝүмүшүнү мәсумлар бөлүшдүрәҹәк.
18 Тикдији ев мөһкәм дејил, санки, ҝүвә комасыдыр,Ҝөзәтчи чардағы+ кимидир.
19 О, варлы-һаллы јатаҹаг, мәһсулу бичилмәјәҹәк,Бир дә ҝөзүнү ачаҹаг ки, лүт-үрјан галыб.
20 Дәһшәт үстүнә сел кими ҝәләҹәк,Ҝеҹә вахты туфан ону алыб апараҹаг.+
21 Шәрг күләји ону совураҹаг, о јох олаҹаг,Ону јериндән сүпүрүб апараҹаг.+
22 О гачыб ҹаныны гуртармаг истәјәндә+Күләк амансызҹасына үстүнә атылаҹаг,+
23 Өз мәскәниндән чәпик чалыб бу адама лағ едәҹәк,Ону фитә басаҹаг*.+
Һашијәләр
^ Јахуд тәмизлијими горујуб-сахлајаҹағам.
^ Диҝәр вариант: сизә Аллаһын әли илә билик верәҹәјәм.
^ Диҝәр вариант: онлар мәскәнләриндән чәпик чалыб бу адама лағ едәҹәкләр, ону фитә басаҹаглар.
