Әјјуб 35:1—16
35 Сонра Әлиһу деди:
2 «Јәни сән һаглы олдуғуна о гәдәр әминсән ки,“Мән Аллаһдан һаглыјам”,+ — дејирсән?
3 “Сәнин үчүн нә фәрги?*
Ҝүнаһ етсәјдим, ҝуја нәсә дәјишәҹәкди?”+ — дејирсән.
4 Сәнә дә, јанындакы јолдашларына+ даМән ҹаваб верәҹәјәм.
5 Сәмаја нәзәр сал,Башынын үстүндәки булудлара бах.+
6 Ҝүнаһ етсән, Она нә зијанын олар?+
Тәгсирләрини чохалтсан, Она нә етмиш оларсан?+
7 Јахуд салеһ олсан, Она нә вермиш оларсан?О, сәндән нә алар?+
8 Пислијин анҹаг өзүн кими бир бәндәјә зәрәр вурар,Салеһлијиндән дә бәшәр оғлу хејир ҝөрәр.
9 Инсанлар зүлм әлиндән налә чәкир,Голузорлунун ағалығындан дад едирләр.+
10 Јенә дә һеч ким демир: “Һаны Аллаһ, һаны Улу Јараданым,+Һаны ҝеҹәләр нәғмәләр сәсләндирән?”+
11 О, јердәки һејванлардан чох бизи өјрәдир,+Бизи ҝөјдәки гушлардан мүдрик едир.+
12 Инсанлар фәрјад едир,О исә писләрин тәкәббүрүнә ҝөрә+ һај вермир.+
13 Аллаһ бош чағырышы* әсла динләмәз,+Гүдрәт Саһиби она нәзәр салмаз,
14 О ки галмышды Ону ҝөрмәдијиндән шикајәтләнмәјинә!+
Сәнин ишин Онун өнүндәдир, сәбир елә, ҝөзлә.+
15 Чүнки О, һирслә һагг-һесаб чәкмәјиб,Сәнин бу бојда ағылсызлығына да фикир вермәјиб.+
16 Әјјуб исә ағзыны бош-бошуна ачыр,Һеј авам-авам данышыр».+
