Әјјуб 38:1—41
38 Сонра Јеһова гасырғанын ичиндән+ Әјјуба деди:
2 «Кимдир бу, авам-авам данышыб,Нијјәтимин үстүнә көлҝә салан?+
3 Инди киши кими белини гурша,Мән сорушаҹағам, сән дә Мәнә де.
4 Мән дүнјанын тәмәлини гојанда сән һарада идин?+
Билирсәнсә, сөјлә.
5 Бәлкә, билирсән, ким она өлчү вериб,Өлчү ипини әтрафына ким чәкиб?
6 Тәмәли нәјин үзәриндә дурур?Онун ҝушә дашыны ким гојуб?+
7 Дан улдузлары+ бирҝә севиниб-шадлананда,Аллаһ оғулларынын*+ һамысы һајгырыб алгыш охујанда сән һарада идин?
8 Дәниз күкрәјиб бәтндән чыхандаОнун ағзына ким бәнд гојду?+
9 Мән булудлары она ҝејиндирәндә,Ону зүлмәт гаранлыға бәләјәндә,
10 Онун үчүн сәрһәд ҹызанда,Гапылары, ҹәфтәләри гојанда,+
11 “Бура гәдәр ҝәл, о тәрәфә кечмә,Мәғрур далғаларынын һәдди бурадыр”,+ — дејәндә сән һарада идин?
12 Һеч өмрүндә сәһәрә әмр вермисән?Һеч сүбһ шәфәгинә јерини өјрәтмисән ки,+
13 Јери уҹгарларындан тутуб силкәләсин,Писләри орадан атсын?+
14 Јер мөһүр алтындакы ҝил кими дәјишир,Онун ҹизҝиләри, палтар ҹизҝиләри кими ајдын ҝөрүнүр.
15 Шәр адамынса ишығы әлиндән алыныр,Јухары галхан әли кәсилир.
16 Һеч дәнизин гајнагларына енмисән?Дәрин сулары тәдгиг етмисән?+
17 Өлүм гапылары+ сәнә ҝөстәрилиб?Олмаја, гаты зүлмәтин* гапыларыны ҝөрмүсән?+
18 Бәс јерин әнҝинлијини дәрк етмисән?+
Бүтүн бунлары билирсәнсә, даныш.
19 Ишығын мәканы һансы тәрәфдәдир?+
Бәс гаранлығын мәканыны таныјырсан?
20 Белә ки, ону дијарына апарасан,Евинин јолуну анлајасан.
21 Јәни о заман доғулмушдун?Илләрин о гәдәр чохдур ки, бунлары биләсән?
22 Һеч гар+ анбарларына ҝирмисән?Долу+ анбарларыны ҝөрмүсән?
23 Мән онлары мүсибәт ҝүнү үчүн,Дөјүш вә мүһарибә ҝүнү үчүн сахлајырам.+
24 Бәс ишыг* һансы сәмтдән јајылыр?Шәрг күләји јер үзүнә һарадан әсир?+
25 Ким селләрә арх,Ҝурулдајан гара булуда јол чәкиб ки,+
26 Инсан јашамајан торпаглара,Инс-ҹинс олмајан чөлләрә јағыш јағдырсын,+
27 Дағылмыш, виран галмыш јерләри дојдуруб,Битки ҹүҹәртсин?+
28 Јағышын атасы вармы?+Бәс шеһ дамлаларынын атасы кимдир?+
29 Ҝөјдән ҝәлән шахтаны ким доғуб?Буз кимин бәтниндән чыхыб?+
30 Белә ки, үмманын сәтһи буз бағлајыр,Сулар, санки, даш алтында ҝизләнир.+
31 Кимаһ бүрҹүнүн* бағларыны дүјүнләјә биләрсән?Бәс Кәсил бүрҹүнүн* бағларыны ача биләрсән?+
32 Сән бүрҹү өз вахтында чыхара биләрсән?Ајиш бүрҹүнә*, онун оғулларына бәләдчи ола биләрсән?
33 Бәс ҝөјләрин ганунларыны+ билирсән?Јердә онларын* һакимијјәтини бәргәрар едә биләрсән?
34 Сел-сулар сәни өртсүн дејә,Сәсини булудлара галдыра биләрсән?+
35 Шимшәкләри ҝөндәрә биләрсән?
Онлар ҝәлиб сәнә: “Бурадајыг!” — дејәрләр?
36 Бәс булудларын ичинә* һикмәти ким гојуб?+Сәмаја* ағлы ким вериб?+
37 Булудлары сајмаға кимин һикмәти чатар?Ҝөјдәки су күпләрини ким ашыра биләр?+
38 О заман торпаг леһмә олуб ахыр,Палчыг топалары бир-биринә јапышыр.
39 Сән аслан үчүн ов овлаја биләрсән?Ҝәнҹ асланларын гарныны дојура биләрсән?+
40 О вахт ки онлар јуваларында јерә јатыр,Јуваларында пусгу гурур.
41 Балалары Аллаһа фәрјад едәндә,Аҹ-јалаваҹ долашандаКим гузғуна јем һазырлајыр?+
Һашијәләр
^ Бу ифадә ибрани дилиндә мәләкләрлә әлагәдар ишләдилир. Лүғәтдә «Аллаһын Оғлу» ифадәсинә бах.
^ Јахуд өлүм көлҝәсинин.
^ Диҝәр вариант: шимшәк.
^ Еһтимала ҝөрә, Буға бүрҹүндәки Үлкәр улдузларыдыр.
^ Еһтимала ҝөрә, Орион бүрҹү.
^ Еһтимала ҝөрә, Бөјүк Ајы бүрҹү.
^ Диҝәр вариант: Онун.
^ Диҝәр вариант: инсанын дахилинә.
^ Диҝәр вариант: ағыла.
