Әјјуб 7:1—21
7 Мәҝәр бу дүнјада фани инсанын һәјаты ағыр зәһмәт дејил?Ҝүнләри муздурун ҝүнләриндән нә илә фәргләнир?+
2 О, гул кими көлҝәјә һәсрәтдир,Муздуну ҝөзләјән муздур кимидир.+
3 Мәним дә нәсибим пуч ајлар олду,Пајыма әзаблы ҝеҹәләр дүшдү.+
4 Јатанда: “Нә вахт дураҹағам?”+ — дејирәм,
Ҝеҹә узанырам, сүбһәдәк јеримдә гурдаланырам.
5 Тоз-торпаг ичиндәјәм,+ бәдәнимә гурдлар дарашыб,Дәрим гајсаг бағлајыб, иринләјиб.+
6 Өмрүм тохуҹу мәкикиндән* дә сүрәтлидир,+Үмидсизлик ичиндә баша чатыр.+
7 Унутма, һәјатым әсән күләкдир,+Даһа хош ҝүн ҝөрмәјәҹәјәм.
8 Мәнә бахан ҝөзләр бир дә мәни ҝөрмәјәҹәк,Ҝөзләрин мәни ахтараҹаг, мән исә олмајаҹағам.+
9 Неҹә ки булуд дағылар, кечиб-ҝедәр,Мәзара* енән дә чыхмаз,+
10 Бир даһа евинә гајытмаз,Јери-јурду ону јада салмаз.+
11 Буна ҝөрә сусмајаҹағам,
Гәлбим* јана-јана данышаҹағам,Ҹаным үзүлә-үзүлә дәрдими дејәҹәјәм.+
12 Мәҝәр мән дәнизәм, ја дәниз әждаһасыјам?Нијә үзәримә кешикчи гојурсан?
13 Мән: “Јатағым мәни овундурар,Јорған-дөшәјим дәрдимә шәрик олар”, — дејәркән
14 Мәни јухуларла горхудурсан,Рөјаларла ваһимәјә салырсан.
15 Белә ки, боғулуб өлмәји,Өлүмү бу вүҹудда јашамагдан үстүн тутурам.+
16 Безмишәм,+ даһа јашамаг истәмирәм,
Мәндән әл чәк, ҝүнләрим бухар* кимидир.+
17 Фани инсан нәдир ки, она мәһәл гојурсан,Диггәтини ондан ајырмырсан,+
18 Һәр сәһәр ону јохлајырсан,Һәр ан ону сынајырсан?+
19 Нә олар, нәзәрини үстүмдән ҝөтүр,Мәнә удгунмаға маҹал вер.+
20 Еј бәшәри сејр едән,+ ҝүнаһым варса да, Сәнә нә зәрәри?
Нијә мәни Өзүнә һәдәф сечмисән?
Сәнә јүк олмушам?
21 Нә үчүн сәһвими бағышламырсан?Нә үчүн тәгсиримдән кечмирсән?
Бир аздан торпаг алтда јатаҹағам,+Мәни ахтараҹагсан, мән исә артыг олмајаҹағам».
