1 Ишмуил 10:1—27
10 Ишмуил бир габ јағы Талутун башына төкдү+ вә ону өпүб деди: «Јеһова сәни Өз халгы+ үзәриндә башчы кими мәсһ едир.+
2 Бу ҝүн мәндән ајрыландан сонра Бинјамин торпағында Силсаһда, Рәһиләнин гәбри+ јахынлығында ики нәфәрә раст ҝәләҹәксән. Онлар сәнә дејәҹәкләр: “Ахтардығын улаглар тапылыб, анҹаг инди атан улаглары гојуб сәнин үчүн нараһат олур.+ Атан дејир: “Оғлум һарада галды? Мән инди нә едим?”
3 Орадан Табурдакы бөјүк ағаҹын јанына ҝедәрсән, орада Аллаһа ибадәт етмәк үчүн Бејтелә+ ҝедән үч нәфәрлә растлашаҹагсан. Бири үч оғлаг, о бириси үч көмбә чөрәк, үчүнҹү исә бир јекә күп шәраб апараҹаг.
4 Онлар сәндән һал-әһвал тутаҹаг, сәнә ики чөрәк верәҹәкләр. Чөрәкләри ҝөтүрәрсән.
5 Сонра филиштлиләрин кешикчи дәстәсинин јерләшдији јерә, Аллаһ тәпәсинә ҝедәрсән. Шәһәрә чатанда сәҹдәҝаһдан ҝәлән бир дәстә пејғәмбәрә раст ҝәләҹәксән. Онлар пејғәмбәрлик едәҹәк, ҹамаат исә гаршыларында телли аләт, гавал, түтәк вә чәнҝ чалаҹаг.
6 Јеһованын руһу үзәринә енәҹәк,+ сән дә онларла бирҝә пејғәмбәрлик едәҹәксән, дәјишиб тамамилә башга бир адам олаҹагсан.+
7 Бүтүн бу әламәтләр јеринә јетәндә вәзијјәтә ујғун һәрәкәт ет, чүнки Аллаһ сәнинләдир.
8 Сонра мәндән габаг Ҝилгала+ ҝедәрсән. Мән јандырма вә үнсијјәт гурбаны тәгдим етмәк үчүн ораја сәнин јанына ҝәләҹәјәм. Мән сәнин јанына ҝәләнәҹән једди ҝүн ҝөзлә. Ҝәлиб сәнә дејәҹәјәм нә етмәлисән».
9 Талут дөнүб Ишмуилин јанындан ҝетмәк истәјәндә Аллаһ онун тәбиәтини дәјишдирди вә бүтүн бу әламәтләр һәмин ҝүн јеринә јетди.
10 Онлар орадан тәпәјә ҝетдиләр. Јолда бир дәстә пејғәмбәр онун растына чыхды. Һәмин ан Аллаһын руһу онун үзәринә енди+ вә о, онларла пејғәмбәрлик етмәјә башлады.+
11 Талуту әввәлдән таныјанлар онун пејғәмбәрләрлә бирҝә пејғәмбәрлик етдијини ҝөрәндә бир-биринә дедиләр: «Кишин оғлуна нә олуб? Талут да пејғәмбәр олуб?»
12 Сонра оралы бир нәфәр деди: «О бири пејғәмбәрләрин атасы ким олуб ки?» Она ҝөрә дә «Талут да пејғәмбәр олуб?» сөзү дилләрдә мәсәл олду.+
13 Талут пејғәмбәрлик едәндән сонра сәҹдәҝаһа галхды.
14 Сонра Талутун әмиси ондан вә нөкәриндән сорушду: «Һара ҝетмишдиниз?» О ҹаваб верди: «Ешшәкләри ахтармаға.+ Амма ҝөрдүк ки, тапа билмирик, ҝетдик Ишмуилин јанына».
15 Онда Талутун әмиси сорушду: «Бәс Ишмуил сәнә нә деди?»
16 Талут ҹаваб верди: «Деди ки, ешшәкләр тапылыб». Лакин Ишмуилин падшаһлыг һагда дедикләрини она данышмады.
17 Сонра Ишмуил Миспаһда халгы Јеһованын һүзуруна чағырды.+
18 О, исраиллиләрә деди: «Исраилин Аллаһы Јеһова белә дејир: “Сизи Мисирдән Мән чыхартдым,+ мисирлиләрин вә сизә зүлм едән башга һөкмдарларын әлиндән сизи Мән гуртардым.
19 Амма сиз бу ҝүн Аллаһынызы, сизи һәр ҹүр дәрд-бәладан гуртаран Аллаһы рәдд етдиниз+ вә дединиз: “Јох, бизим үстүмүзә падшаһ гој”. Инди гәбиләләринизә вә нәсилләринизә ҝөрә Јеһованын һүзурунда дүзүлүн”».
20 Ишмуил бүтүн Исраил гәбиләләрини габаға чыхартды.+ Бинјамин гәбиләси сечилди.+
21 Сонра Бинјамин гәбиләсинин нәсилләрини бир-бир габаға чыхартды. Матри нәсли сечилди. Ахырда Киш оғлу Талут сечилди.+ Амма ону ахтарыб тапа билмәдиләр.
22 Онда Јеһовадан сорушдулар:+ «О, бура ҝәлмәјиб?» Јеһова ҹаваб верди: «Одур, јүкләрин арасында ҝизләниб».
23 Тез ҝедиб Талуту орадан ҝәтирдиләр. О, ҹамаатын арасында дурду. Талут һамыдан бир баш һүндүр иди.+
24 Ишмуил бүтүн халга деди: «Ҝөрүрсүнүз, Јеһова кими сечиб?+ Халгын арасында онун кимиси јохдур!» Һамы бир ағыздан: «Јашасын падшаһ!» — дејиб һајгырды.
25 Ишмуил халга падшаһын сәлаһијјәтләрини садалады,+ онлары китаба јазыб Јеһованын өнүнә гојду. Сонра халгы евләринә ҝөндәрди.
26 Талут да Ҝибаһа евинә гајытды. Иҝидләр онунла ҝетдиләр, чүнки буну Јеһова онларын үрәјинә гојмушду.
27 Анҹаг бәзи јарамаз адамлар: «Бу, бизи неҹә гуртараҹаг?»+ — дејиб она һәгарәт етдиләр вә она һеч бир бәхшиш ҝәтирмәдиләр.+ Амма Талут һеч нә демәди.
