1 Ишмуил 3:1—21
-
Ишмуил пејғәмбәр сечилир (1—21)
3 Бу арада балаҹа Ишмуил Әлинин нәзарәти алтында Јеһоваја гуллуг едирди.+ О вахтлар Јеһованын сөзү һәрдән бир, вәһјләр+ исә надир һалларда назил олурду.
2 Әлинин ҝөзләри зәифләмишди, о артыг ҝөрмүрдү.+ Бир ҝүн о, өз јатағында узанмышды.
3 Аллаһын чырағы+ һәлә сөнмәмишди. Ишмуил Аллаһын сандығы олан јердә, Јеһованын мәбәдиндә* узанмышды.+
4 Јеһова Ишмуили чағырды. О: «Бәли», — дејә ҹаваб верди
5 вә Әлинин јанына гачыб деди: «Бәли, ағам. Мәни чағырдын?» Әли: «Јох, чағырмамышам, ҝет јат», — деди. О да ҝедиб јеринә узанды.
6 Јеһова јенә: «Ишмуил!» — дејә чағырды. Ишмуил дуруб Әлинин јанына ҝетди вә она деди: «Бәли, ағам. Мәни чағырдын?» О исә: «Јох, оғлум, чағырмамышам, ҝет јат», — деди.
7 (О вахт Ишмуил һәлә Јеһованы јахындан танымырды вә Јеһова һәлә она Өз сөзүнү ачмамышды.+)
8 Јеһова үчүнҹү дәфә: «Ишмуил!» — дејә ону сәсләди. Ишмуил дуруб Әлинин јанына ҝетди вә: «Бәли, ағам. Мәни чағырдын?» — деди.
Онда Әли баша дүшдү ки, ушағы чағыран Јеһовадыр.
9 Әли Ишмуилә деди: «Ҝет узан. Әҝәр бир дә сәни чағырса, белә де: “Даныш, Јеһова, гулун Сәни ешидир”». Ишмуил ҝедиб јериндә узанды.
10 Јеһова јенә дә чағырды: «Ишмуил! Ишмуил!» Ишмуил: «Даныш, гулун Сәни ешидир», — деди.
11 Јеһова Ишмуилә деди: «Исраилдә елә шеј едәҹәјәм ки, ешидәнләрин гулағы ҹинҝилдәјәҹәк.+
12 О ҝүн Мән Әлинин еви барәдә дедикләримин һамысыны әввәлдән ахырадәк јеринә јетирәҹәјәм.+
13 Она де ки, бу тәгсирә ҝөрә евини һәмишәлик ҹәзаландыраҹағам.+ О, оғулларынын Аллаһы тәһгир етдијини+ билә-билә онлара гулагбурмасы вермир.+
14 Буна ҝөрә дә Әлинин еви үчүн анд ичмишәм ки, һеч бир гурбан, һеч бир тәгдимә онун евинин ҝүнаһыны јумајаҹаг».+
15 Ишмуил јеринә узанды. Сәһәр дуруб Јеһованын евинин гапыларыны ачды. О, алдығы вәһји Әлијә данышмаға горхурду.
16 Әли Ишмуили чағырды: «Ишмуил, оғлум!» О: «Бәли», — дејә ҹаваб верди.
17 Әли сорушду: «О, сәнә нә деди? Хаһиш едирәм, мәндән һеч нә ҝизләтмә. Онун дедикләриндән бирҹә кәлмә белә, мәндән ҝизләтсән, гој Аллаһ сәни ҹәзаландырсын».
18 Ишмуил һәр шеји олдуғу кими данышды, һеч нәји ондан ҝизләтмәди. Әли деди: «Мәсләһәт Јеһованындыр. Гој ҝөзүндә нә хошдурса, ону да етсин».
19 Ишмуил бөјүјүрдү. Јеһова онунла иди+ вә онун һеч бир сөзүнү боша чыхартмырды.
20 Дандан тутмуш Биир-Сәбаја гәдәр бүтүн Исраилә мәлум олду ки, Ишмуил Јеһованын пејғәмбәри тәјин едилиб.
21 Јеһова Шилода ҝөрүнүрдү, чүнки Јеһова Ишмуилә сөзләрини Шилода билдирмишди. Беләҹә, Јеһова Өзүнү Ишмуилә бәлли етмишди.+
Һашијәләр
^ Јәни чадырында.
